ആ രാത്രിയിൽ 6 [പ്രൊഫസർ ബ്രോ] 205

ദേവൻ മരക്കാരെ സല്യൂട് ചെയ്ത് കൊണ്ട് തിരികെ നടക്കാൻ ഒരുങ്ങിയതും മരക്കാരുടെ ഫോൺ റിങ് ചെയ്തു

“ദേവാ ഒരു മിനിറ്റ്…”

മരക്കാർ കാൾ അറ്റൻഡ് ചെയ്തു സ്പീക്കർ മോഡിൽ ഇട്ടു

“സർ… ഇന്നലെ കിട്ടിയ മുടി ഒരു പെണ്കുട്ടിയുടേത് തന്നെ ആണ്, അവൾക്ക് 20 നും 30 നും ഇടയിൽ പ്രായം ഉണ്ടാകണം , പിന്നെ അന്ന് ദേവൻ സാറിനെ ആക്രമിച്ച ആളുടെ ബ്ലഡ്‌ സാമ്പിളിൽ നിന്ന് കിട്ടിയ DNA യും ഈ മുടിയിൽ നിന്ന് കിട്ടിയ DNA യും മാച്ച് ആകുന്നുണ്ട് സർ,”

അയാൾ പറഞ്ഞത് കേട്ട മരക്കാരും ദേവനും മുഖത്തോട് മുഖം നോക്കി, അവരുടെ കണ്ണുകളിൽ ഒരു പ്രതീക്ഷ നിഴലിച്ചു

“വളരെ നന്ദി, എന്തെങ്കിലും കൂടുതൽ വിവരം കിട്ടിയാൽ അറിയിക്കണം… അപ്പൊ ശരി”

“ശരി സർ”

മരക്കാർ കാൾ കട്ട്‌ ആക്കിക്കൊണ്ട് ദേവന്റെ മുഖത്തേക്ക് നോക്കി

“അപ്പൊ സംശയം ഇല്ലാതെ ഒരു കാര്യം ഉറപ്പായിരുന്നു ഈ രണ്ട് കൊലപാതകങ്ങളും ചെയ്തത് ഒരാൾ തന്നെ, ഗോപകുമാറിന്റെ കൊലപാതകം ചെയ്തതും അയാൾ തന്നെ എന്ന് നമുക്ക് അനുമാനിക്കാം”

“അതേ സർ…”

ദേവൻ പുറത്തേക്ക് നടന്നതും മരക്കാർ തന്റെ സീറ്റിൽ ചാരി കിടന്നു

♦️♦️♦️♦️♦️

“എന്തായെടോ അവരുടെ അന്വേഷണം… എന്തെങ്കിലും നടക്കുമോ”

“അവർ ശ്രമിക്കുന്നുണ്ട് സർ, പിന്നെ ഞാൻ ആ സി.ഐ യെ വിളിച്ചിരുന്നു അവർക്ക് തെളിവുകൾ ഒന്നും കിട്ടിയിട്ടില്ല എന്നാണ് പറയുന്നത്…”

“നാണമില്ലല്ലോടോ… അന്വേഷിക്കുന്നുണ്ട് പോലും…”

“സർ അത്…”

കമ്മീഷ്ണർ തിരിച്ചെന്തെങ്കിലും പറയുന്നതിന് മുൻപ് തന്നെ സത്യൻ കാൾ കട്ട്‌ ചെയ്തിരുന്നു.