ആ രാത്രിയിൽ 6 [പ്രൊഫസർ ബ്രോ] 205

“അവർക്ക് നമ്മളെ കണ്ടുപിടിക്കാൻ പറ്റില്ല മോളെ, നമ്മളിലേക്കുള്ള വഴി അവർക്ക് തുറന്ന് കിട്ടണം എങ്കിൽ അത് സത്യന്റെ വായിൽ നിന്ന് മാത്രമായിരിക്കും. സ്വന്തം കുഴി തോണ്ടിക്കൊണ്ട് അയാൾ അത് ചെയ്യും എന്ന് നിനക്ക് തോന്നുന്നുണ്ടോ… പിന്നെ ഉള്ളത് പോലീസ് കണ്ട് പിടിച്ചത് വച്ച് ഇതൊക്കെ ചെയ്തത് നമ്മൾ ആണെന്ന് സത്യന് മനസ്സിലായാൽ… അങ്ങനെ മനസ്സിലായാൽ ഞാൻ ആദ്യം പറഞ്ഞത് തന്നെ സംഭവിക്കും… സത്യന് മുൻപേ നമ്മൾ പരലോകം പുൽകും”

“ചേട്ടാ… ”

“ഏയ്യ്… അങ്ങനെ ഒന്നും സംഭവിക്കില്ല മോളെ. നീ ഇപ്പൊ സമാധാനമായി കിടന്നുറങ്ങു…”

“ശരി ചേട്ടാ..”

അവൾ കാൾ കട്ട്‌ ചെയ്ത് ഫോണിൽ ഗാലറി ഓപ്പൺ ആക്കി, ഏട്ടൻ എന്ന് സേവ് ചെയ്തിരിക്കുന്ന ഫോൾഡറിൽ നിന്നും ഫോട്ടോസ് ഓരോന്നായി കണ്ടു തുടങ്ങി. ഓരോ ഫോട്ടോസും മാറുന്നതിനൊപ്പം അവളുടെ കണ്ണുകളിൽ നിന്നും ഒഴുകുന്ന കണ്ണുനീരിന്റെ അളവും കൂടിക്കൊണ്ടിരുന്നു

♦️♦️♦️♦️♦️

മരക്കാർ പറഞ്ഞത് പ്രകാരം ഡോക്ടർ ഗോപകുമാറിന്റെ ഫാമിലിയെ കണ്ടതിനു ശേഷം തിരികെ മെഡിക്കൽ കോളേജിലേക്ക് പോകുകയായിരുന്നു ദേവൻ

ഗോപകുമാറിന്റെ വീട്ടിൽ നിന്നും പ്രതീക്ഷിച്ചത് പോലെയുള്ള ഒരു വിവരങ്ങളും കിട്ടാത്തതിൽ ഉള്ള നിരാശ അവന്റെ മുഖത്തു പ്രകടമായിരുന്നു.

ദേവൻ ഒരിക്കൽക്കൂടി ഗോപകുമാറിന്റെ ഭാര്യ പറഞ്ഞ കാര്യങ്ങൾ ഓർത്തെടുത്തു

അയാളുടെ ഭാര്യ പറഞ്ഞത് അവരും അയാളും തമ്മിൽ നല്ല സ്നേഹത്തിൽ ആയിരുന്നു എന്നാണ് , അയാൾക്ക് അങ്ങനെ മറ്റുള്ള സ്ത്രീകളുമായി എന്തെങ്കിലും ബന്ധം ഉണ്ടെന്ന് അവർ വിശ്വസിക്കുന്നില്ല

പക്ഷെ അയാൾ മരിക്കുന്നതിനു ഒരു പതിനഞ്ചു മിനിറ്റ് മുൻപ് അയാൾ അവരെ വിളിച്ചിരുന്നു, പതിവില്ലാത്ത വിധം അയാൾ വിഷമത്തിൽ ആയിരുന്നു. അതെന്തിനാവും