ആ രാത്രിയിൽ 6 [പ്രൊഫസർ ബ്രോ] 205

ശേഖരന്റേയും ജീവന്റെയും മാത്രം ഫോട്ടോ ഉണ്ടായിരുന്ന സ്ഥലത്ത് ഡോക്ടർ ഗോപകുമാറിന്റെ ഫോട്ടോ കൂടി ആഡ് ചെയ്തിരിക്കുന്നു, മൂന്ന് ചിത്രങ്ങളിൽ നിന്നുമുള്ള ആരോ ആ മുഖം വ്യക്തമല്ലാത്ത പെണ്ണിന്റെ ചിത്രത്തിലേക്ക് . ചന്ദ്ര എന്നെഴുതി ക്രോസ് ചെയ്തതിന് താഴെ ചന്ദ്രനാഥ്‌ എന്നെഴുതി അത് ടിക്ക് ചെയ്തിരിക്കുന്നു . ഓട്ടോ ഡ്രൈവർ എന്നെഴുതിയത് ക്രോസ് ചെയ്തിട്ട് അതിന് താഴെ ഹെല്പ് ഫ്രം ഓട്ടോ ഡ്രൈവർ എന്നെഴുതിയത് ടിക്ക് ചെയ്തിരിക്കുന്നു . അതിന് താഴെ ഒരു ഫോൺ നമ്പർ എഴുതി അത് വട്ടം വരച്ചിട്ടിരിക്കുന്നു

“സർ…”

പിന്നിൽ നിന്നും ദേവന്റെ ശബ്ദം കേട്ടതും മരക്കാർ തിരിഞ്ഞു

“ആ, താൻ വന്നോ… പോയ കാര്യം എന്തായി… ആ സെല്ലിൽ കിടക്കുന്നവൻ ഏതാ…”

“അവൻ വിനായകൻ ,ശേഖരന്റെ വിശ്വസ്തൻ… വർഷങ്ങൾ ആയി ശേഖരന്റെ കൂടെ തന്നെ ഉള്ളവൻ…”

“അതിന് താൻ എന്തിനാടോ അവനെ പിടിച്ചുകൊണ്ട് വന്നത്, നമുക്ക് അറിയാനുള്ളത് അവനോട് ചോദിച്ചാൽ പോരായിരുന്നോ… കണ്ടിട്ട് താൻ അവന്റെ മേൽ കൈ വച്ചിട്ടുണ്ടെന്നും തോന്നുന്നു…”

“മര്യാദക്ക് ഞാൻ ചോദിച്ചതാ സർ അപ്പൊ അവന് അഹങ്കാരം, പിന്നെ ഞാൻ അവനെ അറസ്റ്റ് ചെയ്തത് ഒരു ടു വീലർ മോഷ്ടിച്ചതിനാണ് സർ, ഇന്നലെ ഒരു പെൺകുട്ടി വന്നില്ലേ വണ്ടി മോഷണം പോയി എന്ന് പറഞ്ഞ്… ആ കുട്ടിയുടെ വണ്ടി ഇവന്റെ വീട്ടിൽ നിന്നും കിട്ടി സർ…”

പിന്നെ ഒന്നുംപറയാതെ മരക്കാർ തന്റെ കസേരയിൽ പോയിരുന്നു

“ആ താൻ അവനോട് എന്തെങ്കിലും ചോദിച്ചോ… അവൻ എന്താ പറഞ്ഞത്…”

“അവൻ പറഞ്ഞത് വച്ച് ശേഖരൻ കല്യാണം കഴിച്ചിട്ടില്ല, പക്ഷെ എന്നും അവന്റെ ഉറക്കം കാശ് കൊടുത്തു വാങ്ങുന്ന ഏതെങ്കിലും ഭാര്യമാരുടെ ഒപ്പം ആയിരിക്കും… എല്ലാ കാര്യത്തിനും വിനായകനെ കൂടെ കൂട്ടുന്ന ശേഖരൻ ഇതിന് പോകുമ്പോൾ മാത്രം വിനായകനെ കൂട്ടാറില്ല…”