ആ രാത്രിയിൽ 4 [പ്രൊഫസർ ബ്രോ] 264

Time : 9:20 PMപുറത്ത് ലോണിലേക്ക് വരുന്ന ജീവൻ, അയാൾ തന്റെ അരികിലേക്ക് രാമന്കുട്ടിയെ വിളിക്കുന്നു , അയാളുടെ അടുത്ത് എന്തോ പറയുന്നു, പോക്കെറ്റിൽ നിന്നും എടുത്ത് കുറച്ചു പൈസയും കൊടുത്തു അയാളെ പുറത്തേക്ക് വിടുന്നു

Time :11: 30 AM

ജീവന്റെ റേഞ്ച് റോവർ പുറത്തേക്ക് പോകുന്നു

03/04/2018 Time : 12: 34 AM

ജീവന്റെ റേഞ്ച് റോവർ തിരികെ വരുന്നു

Time: 4:53 AM

ക്യാമറ ഒന്നിന് മുന്നിൽ ഒരു നിഴൽ അടുത്ത നിമിഷം ക്യാമറ ഒന്ന് വിച്ഛേദിക്കപ്പെടുന്നു , തുടർന്ന് തുടർന്ന് ക്യാമറ രണ്ട് മൂന്ന് നാല് എന്നിവയും സമാനമായ രീതിയിൽ വിച്ഛേദിക്കപ്പെടുന്നു

“ശ്ശേ… വെറുതെ സമയം കളഞ്ഞു ഇതിൽ നോക്കി ഇരുന്നത് മിച്ചം… ഇതിലെങ്ങും ഒന്നും ഇല്ലല്ലോ… നല്ല ബുദ്ധിമാൻ ആയ കൊലപാതകി ആണ്, അവൻ ഒരിക്കൽപ്പോലും ക്യാമററുടെ മുന്നിൽ വന്നിട്ടില്ല”

ദേവൻ കുറച്ചു സമയം ഒന്നും മിണ്ടാതെ ആലോചനയിൽ ആയിരുന്നു

“സർ… അവൻ ഒരു ക്യാമെറയുടെയും മുന്നിൽ വന്നിട്ടില്ല, അത്രയും മറച്ചു വച്ചിരുന്ന ക്യാമറയുടെ മുന്നിൽ വരാതെ രക്ഷപ്പെടണം എങ്കിൽ അവൻ അതിന് മുൻപും അവിടെ വന്നിട്ടുണ്ടാവണം, അന്ന് എന്നെ അവിടെ വച്ച് ആക്രമിച്ച ദിവസത്തേ ഫൂട്ടേജ് ഇല്ലേ… സർ അതൊന്ന് പ്ലേ ചെയ്തേ…”

ദേവൻ പറഞ്ഞതനുസരിച്ചു പ്ലേ ചെയ്ത വിഡീയോയിലേക്കായി മരക്കാരുടെയും ദേവന്റെയും ശ്രദ്ധ

“ദാ നോക്കൂ സർ… അന്ന് അവൻ അവിടെ വന്നത് ക്യാമറ ഇരിക്കുന്ന സ്ഥലങ്ങളെ കുറിച്ച് മനസ്സിലാക്കാൻ ആണ്, അവൻ എല്ലാ ക്യാമെറകളും തപ്പി കണ്ടുപിടിക്കുന്നു… പോക്കറ്റിൽ നിന്നും ഫോൺ എടുത്ത് ചെവിയോട് ചേർക്കുന്നു, ചുറ്റിലും നോക്കിക്കൊണ്ട് പിന്നിലേക്ക് മാറുന്നു”