ആ രാത്രിയിൽ 4 [പ്രൊഫസർ ബ്രോ] 264

“,.,.,..,.,.,.,.,..,.,””ഹലോ…. താൻ അന്ന് പറഞ്ഞിട്ട് ഞാൻ അവസാനം ജീവന് അയച്ച മെസ്സേജുകൾ സീൻ ആയിരിക്കുന്നു… അതെങ്ങനെ നടക്കും അയാളുടെ ഫോൺ നമ്മുടെ കയ്യിൽ അല്ലെ…”

“,.,.,..,.,.,.,.,.,.,.,..,.,.,”

“എന്നാലും എന്തെങ്കിലും സംശയം തോന്നില്ലേ…”

“.,.,.,..,.,.,.,.,.,.,..,”

“ഏയ്യ്… ഭയം ഒന്നും ഇല്ല, ബാക്കി രണ്ടെണ്ണത്തിനെ കൂടി അവസാനിപ്പിക്കാതെ കീഴടങ്ങേണ്ടി വരുമോ എന്നുള്ള പേടിയാണ്…”

“,.,.,.,..,.,.,.,.,.,..,.,”

“ഓക്കേ, അങ്ങനെ ചെയ്യാം….”

“,.,..,.,.,”

ചന്ദ്ര കാൾ അവസാനിപ്പിച്ചു, അവളുടെ മുഖത്ത് ആദ്യം ഉണ്ടായിരുന്ന ഭയത്തിന്റെ ഒരംശം പോലും അപ്പോൾ ഉണ്ടായിരുന്നില്ല.

അവൾ താഴെ വീണ ബർഗർ എടുത്ത് വേസ്റ്റ് ബിന്നിൽ ഇട്ടിട്ട് തന്റെ ഹാൻഡ് ബാഗും എടുത്ത് ഫ്ലാറ്റിന്റെ വാതിൽ തുറന്ന് പുറത്തിറങ്ങി

♦️♦️♦️♦️♦️

ദേവൻ സ്റ്റേഷന്റെ സൈഡിൽ നിന്ന് ഒരു സിഗരറ്റ് വലിക്കുന്ന സമയത്താണ് അവൻ അത് കാണുന്നത്,ഒരു ബ്ലു ജീൻസും വൈറ്റ് ടീ ഷർട്ടും ഇട്ട് സ്റ്റേഷനിലേക്ക് നടന്നു വരുന്ന ഗംഗ, ആ മുഖത്തു അപ്പോഴും അവളുടെ സ്ഥായീ ഭാവമായ ദേഷ്യം തന്നെയായിയുന്നു.

അവളെ കണ്ടതും ദേവന്റെ കയ്യിൽ പുകഞ്ഞുകൊണ്ടിരുന്ന സിഗരറ്റ് താഴേക്ക് വീണു, മുഖത്തിനു മുന്നിൽ മൂടിയ പുകപടലങ്ങളെ കൈയ്യാൽ തട്ടിയകറ്റിക്കൊണ്ട് അവൻ അവളുടെ അരികിലേക്ക് നടന്നു

“എന്താണ് മിസ്സ്‌ ഗംഗ ഈ വഴിക്ക്… കേസിന്റെ പുരോഗതിയെക്കുറിച്ച് അറിയാനാണോ… എന്തെങ്കിലും ഉണ്ടെങ്കിൽ അറിയിക്കാം എന്ന് പറഞ്ഞതല്ലേ…”

ചിരിച്ചുകൊണ്ട് അവളുടെ അരികിലേക്ക് ചെന്ന ദേവനെ കണ്ടതും ഗംഗയുടെ മുഖം കടന്നൽ കുത്തിയത് പോലെ വീർത്തു