ആ രാത്രിയിൽ 4 [പ്രൊഫസർ ബ്രോ] 264

“അപ്പൊ താൻ പറഞ്ഞു വരുന്നത്, ഇവൻ തന്നെയാണ് കൊലപാതകി എന്നാണോ…””ഉറപ്പല്ല സർ, എന്നാലും ഒരു സാധ്യത ഉണ്ട്. നമുക്ക് വേറെ തെളിവുകൾ ഒന്നും ഇല്ലല്ലോ സർ, പിന്നെ അവസാനം അവന് വന്ന കാൾ അത് അവന്റെ സഹായി ഞാൻ അങ്ങോട്ട് വരുന്നത് വിളിച്ചറിയിച്ചത് ആണെങ്കിൽ…”

ദേവൻ പറഞ്ഞതിൽ കാര്യമുണ്ടെന്ന് മരക്കാർക്കും തോന്നി, അയാൾ മൗനമായി എന്തോ ആലോചിച്ചിരുന്നു

“സർ ഒരു മിനിറ്റ്… ആ വീഡിയോ ഒന്നൂടെ പ്ലേ ചെയ്തേ…”

“എന്താടോ…”

“ഒരു ചെറിയ സംശയം…”

രാജൻ വീണ്ടും ആ വീഡിയോ പ്ലേ ചെയ്തു

“സർ… ഇത് അവൻ അല്ല അവൾ ആണ്… ആ ശരീര ഭാഷയും നടപ്പും ശ്രദ്ധിച്ചില്ലേ”

ദേവൻ പറഞ്ഞത് കേട്ട് മരക്കാർ ആ വീഡിയോ ഒരിക്കൽക്കൂടി പരിശോദിച്ചു, ദേവൻ പറഞ്ഞത് സത്യമാണെന്ന് തോന്നിയതും അയാളുടെ മുഖം പ്രസന്നമായി

“Good work ദേവാ…ടോ… താൻ സൈബർ സെല്ലിൽ വിളിച്ചില്ലേ… എന്തായി”

“സർ, അയാളുടെ ഫോൺ രാവിലെ നാലര ആയപ്പോൾ ആ വീടിന്റെ അടുത്ത് വച്ച് തന്നെ സ്വിച്ച് ഓഫ്‌ ആയതാണ്, ഇനി എപ്പോഴെങ്കിലും ആ ഫോൺ ഓൺ ആവാതെ അവർക്ക് ഒന്നും പറയാൻ ആകില്ല എന്ന്”

“അപ്പോൾ ആ വഴിയും അടഞ്ഞന്നാണോ…”

“മുഴുവനായും ഇല്ല സർ ”

ദേവൻ കഴിഞ്ഞ ദിവസം ഗൗതം അവനോട് പറഞ്ഞ കാര്യങ്ങൾ മുഴുവൻ മരക്കാരോട് വിശദീകരിച്ചു

“കൊള്ളാല്ലോടോ രാജന്റെ മോൻ… താൻ ഇപ്പൊ തന്നെ അതിനുള്ള ഏർപ്പാടുകൾ ചെയ്യ്”