ആ രാത്രിയിൽ 4 [പ്രൊഫസർ ബ്രോ] 264

“ആ അതൊക്കെ പോട്ടെ… ഞാൻ ചോദിച്ചതിന് താൻ മറുപടി പറഞ്ഞില്ല., ബോയ്ഫ്രണ്ട് ആയിരുന്നോ…”മാളവികക്കുള്ള മറുപടിയായി നാണത്തിൽ ചാലിച്ച ഒരു ചിരിയാണ് ചന്ദ്ര നൽകിയത്

“ആ… അപ്പൊ അത് തന്നെ കാര്യം… പ്രണയം ഒക്കെ നല്ലതാണ് , എന്ന് വച്ച് ഓഫീസ് ടൈമിൽ ഇതും പിടിച്ചോണ്ടിരുന്നാൽ എടുത്ത് ഞാൻ പുറത്ത് കളയും പറഞ്ഞേക്കാം…”

മാളവിക ചിരിയോടെ പറഞ്ഞതിൽ ഒളിച്ചിരുന്ന ഭീഷണി ചന്ദ്രക്ക് പെട്ടന്ന് തന്നെ മനസ്സിലായി

“സോറി ചേച്ചി… ഇനി ഉണ്ടാവില്ല”

“ശരി…ആ പിന്നെ ഞാൻ ഇപ്പൊ വന്നത് വേറൊരു കാര്യം പറയാനാണ്, ഇന്ന് രാത്രി വീട്ടിൽ ഒരു ചെറിയ പാർട്ടി ഉണ്ട്,താൻ ഉറപ്പായും വരണം”

“സോറി ചേച്ചീ… എനിക്കിന്ന് വരാൻ പറ്റില്ല., അത്യാവശ്യമായി ഒരിടം വരെ പോകാനുണ്ട്”

അങ്ങനെ ഒരു നുണ പറയാൻ ചന്ദ്രക്ക് അധികം ആലോചിക്കേണ്ടി വന്നില്ല

“ഏത് ഇടം… ഒഹ്… മനസ്സിലായി ഡേറ്റ് ആണോ…”

ചന്ദ്ര ഒരു നാണത്തോടെ മുഖം കുനിച്ചു

“എന്റെ ചന്ദ്രാ…ഇവിടെ വന്നിട്ട് ഇത്ര കാലമായിട്ടും നിന്റെ നാണം മാറിയില്ലേ, ഇവിടെ ഡേറ്റിംഗ് ഒക്കെ സാധാരണയല്ലേ… ശരി ഞാനായിട്ട് നിങ്ങളുടെ പ്ലാൻ ഒന്നും നശിപ്പിക്കുന്നില്ല പോയിട്ട് വാ…”

“ശരി ചേച്ചീ…”

“ഫോൺ എടുത്തു വച്ചിട്ട് ജോലി ചെയ്യാൻ നോക്ക്…”

മാളവിക തിരിച്ചു നടന്നതും ചന്ദ്ര വീണ്ടും തന്റെ ഫോൺ ഓൺ ആക്കി

വാട്സാപ്പിൽ താൻ അയച്ച മെസ്സേജുകൾക്ക് എല്ലാം നീല ടിക്ക് കണ്ടപ്പോൾ അവൾ അടുത്ത മെസ്സേജ് ടൈപ് ചെയ്തു തുടങ്ങി

♦️♦️♦️♦️♦️