ആ രാത്രിയിൽ 3 [പ്രൊഫസർ ബ്രോ] 222

ചന്ദ്ര,അവൾ തന്റെ മുറിയിലേക്ക് നടന്നു. ചുവരിൽ തൂക്കിയിരിക്കുന്ന ബോർഡിൽ നാല് ചിത്രങ്ങൾ ഒട്ടിച്ചുവച്ചിരിക്കുന്നു, അതിൽ ആദ്യത്തെ ചിത്രത്തിൽ മാത്രം ചുവന്ന മാർക്കർ കൊണ്ട് ഗുണന ചിഹ്നം വരച്ചിരുന്നു

ആ ചിത്രങ്ങളിലേക്ക് നോക്കിയ ചന്ദ്രയുടെ മുഖത്തു ഒരു പുച്ഛം നിറഞ്ഞ പുഞ്ചിരി തെളിഞ്ഞു,. അവൾ അടുത്തിരുന്ന മേശയുടെ വലിപ്പിൽ നിന്നും ചുവന്ന മാർക്കർ പുറത്തെടുത്തു

രണ്ടാമത്തെ ചിത്രത്തിലും ഒരു ഗുണന ചിഹ്നം വരച്ചു, അവളുടെ കൈകൾ ആ ചിത്രത്തിൽ തന്നെ വിശ്രമിച്ചു, ഒരിക്കൽക്കൂടി ആ ഫോട്ടോയിലേക്ക് നോക്കിയ അവൾ ദേഷ്യം തീരാത്തതു പോലെ വീണ്ടും വീണ്ടും ആ ചിത്രത്തെ വികൃതമാക്കിക്കൊണ്ടിരുന്നു

അവളുടെ കണ്ണുകളിൽ നിന്നും കണ്ണുനീർ ചാലായി ഒഴുകിത്തുടങ്ങി, അവൾ അവിടെ നിന്ന് പൊട്ടിക്കരഞ്ഞു, അവസാനം അവൾ കണ്ണുനീർ തുടച്ചുകൊണ്ട് ഒന്ന് ചിരിച്ചു ,ഒരു വിജയിയുടെ ചിരി

അവൾ അവിടെ നിന്നും നടന്ന് ഒരു വലിയ ഫോട്ടോയുടെ മുന്നിൽ വന്നു നിന്നു,

“ഏട്ടാ… ഏട്ടനെ ഇല്ലാതാക്കിയവരിൽ രണ്ടാമൻ, അവൻ ഇനി ഇല്ലേട്ടാ… ഞങ്ങൾ,,… ഞങ്ങൾ അവനെ തീർത്തു… ഇനിയും ഉണ്ട് രണ്ട് പേര് കൂടി… അവരെയും ഞങ്ങൾ തീർക്കും… ഞങ്ങൾക്ക് നടന്നത് പോലെ ഇനി ആർക്കും നടക്കാതിരിക്കാൻ, ഇനി ഒരു കുടുംബങ്ങളും അനാഥരാകാതിരിക്കാൻ…”

ആ സമയത്ത് തന്നെ അവളുടെ ഫോൺ ചിലച്ചു, ഡിസ്‌പ്ലേയിൽ തെളിഞ്ഞു വന്ന പേര് കണ്ടതും ചന്ദ്രയുടെ മുഖത്ത് സന്തോഷം നിറഞ്ഞു

“അടുത്തത് അവൻ അല്ലെ… ആ ശേഖരൻ…, എങ്ങനെയാ അവനെ…”

“,.,..,.,.,.,.,.,.,,.,”

“ആണോ… ശരി , ഞാൻ എന്താ ചെയ്യേണ്ടത്…”

“,.,.,..,.,.,.,,..,.,.,”

“ശരി… നല്ല വാർത്തക്കായി ഞാൻ കാത്തിരിക്കുന്നു”

“,,.,.,….,.,.,.,.,.,.”

“ഗുഡ് നൈറ്റ്‌ ”

അവൾ ഫോൺ കട്ട്‌ ചെയ്തിട്ട് വീണ്ടും തന്റെ ഏട്ടന്റെ ഫോട്ടോയിലേക്ക് കണ്ണ് നട്ടു,

“ശേഖരാ… നിന്റെ നാളുകൾ എണ്ണപ്പെട്ടു… ഞങ്ങൾ വരുന്നു…”