ആദിഗൗരി 2 [VECTOR] 352

“അതേ എനിക്ക് കിടക്കണം”

 

“എനിക്കും…പക്ഷേ എങ്ങനെ???”

 

“ഒരുമിച്ച് ബെഡിൽ കിടക്കല്ലാണ്ട് വേറെ വഴിയില്ല മോളേ…”

 

“അയ്യോ…തന്റെ കൂടെയോ…”

 

“അല്ല അപ്പുറത്തെ വീട്ടിലെ ശങ്കരൻ ചേട്ടന്റെ കൂടെ… എന്തേ…..”

 

“മര്യാദക്ക് സംസാരിച്ചാൽ മതി”

 

“അല്ലാണ്ട് പിന്നെ ഇതിനൊക്കെ എന്ത് മറുപടിയാ കൊടുക്കുക…”

 

“ഹും”

 

“ഞാൻ നിന്നെ പിടിച്ചുതിന്നൊന്നുമില്ല പോത്തേ….”

 

“പോത്ത് നിങ്ങളുടെ കെട്ടിയോള്….”

 

“ആ അപ്പൊൾ അറിയാലേ”

 

വല്ലാത്ത മുതൽ തന്നെ. ദേ ഇപ്പൊ ചാടി തുള്ളി ബെഡിൽ കിടന്നു. ഞാനും മറു സൈഡിൽ കിടന്നു.

 

ഞാൻ ഒന്ന് ഉറങ്ങി വന്നപ്പോഴേക്കും മേല് എന്തോ തട്ടി. ഞാൻ കുറച്ച് നീങ്ങി കിടന്നു. കുറച്ച് കഴിഞ്ഞപ്പോൾ ദേ പിന്നേം….

 

അവള് അങ്ങോട്ടുമിങ്ങോട്ടും കറങ്ങികൊണ്ടിരിക്കാ…ഞാൻ അവളുടെ കൈ ഒക്കെ മാറ്റി പിന്നേം കിടന്നു. പക്ഷേ ആ കുരിശ് ഇത് തന്നെ തുടർന്നു. കരുതിക്കൂട്ടി ചെയ്യുന്നതാണെന്നാ തോന്നിയത് എന്നാല് ആൾ നല്ല ഉറക്കത്തിലാണ്.

 

ഉറങ്ങുന്നത് കണ്ടപ്പോൾ വിളിക്കാനും തോന്നുന്നില്ല….ഞാൻ പിന്നേം സൈഡിൽ ഒതുങ്ങി കിടന്നു…. ആ കിടപ്പ് അതികനേരം നീണ്ടു നിന്നില്ല…ഒരൊറ്റ ചവിട്ടാ…ഞാൻ നിലത്ത് എത്തി.

 

ദേഷ്യം വന്ന് എഴുനേറ്റു കുറെ വിളിച്ചു. എനീക്കണേ ഇല്ല.അവസാനം കുലുക്കി വിളിച്ചു.

 

“ഡീ…എഴുന്നേറ്റേ…”

 

“എന്തെ…”