രാക്ഷസൻ 5

Author : Führer

[ Previous Part ]  

റാണാ ദുര്‍ഗ..

റാണാ സാബിനു വേണ്ടിയാ ഞാന്‍..വിറച്ചുകൊണ്ട് സാബു പറഞ്ഞു. അവൻ്റെ നോട്ടം അലോകിൻ്റെ കൈയിലെ പാമ്പിലേക്കായിരുന്നു.

അലോക് സാബുവിന്റെ ഷര്‍ട്ടില്‍ കുത്തിപ്പിടിച്ചിരുന്ന തന്റെ കൈ വിട്ടു. അവന്‍ ആ പേര് വീണ്ടും പറഞ്ഞു നോക്കി. എവിടെയോ കേട്ടുമറന്ന പേര്.

ആരാടാ അവന്‍ അവന്‍.

അവന്‍ എന്തിനാ ഞങ്ങടെ കണ്ടെയ്‌നറില്‍ സ്വര്‍ണം വെച്ചത്.. പറയടാ. അലോക് സാബുവിനെ ഭീഷണിപ്പെടുത്തി.

റാണാ സാബ്.. മുംബൈയില്‍ ആണ് അയാളുടെ കേന്ദ്രം. എന്നാല്‍ ഒട്ടുമിക്ക നാട്ടിലെയും

ഭരണവും നിയമവും പോലീസുമെല്ലാം സാബിന്റെ ചൊല്‍പടിക്കുന്നു നില്‍ക്കുന്നവരാ.

ഒരിക്കല്‍ എന്തെങ്കിലും ഇഷ്ടപ്പെട്ടാല്‍ അയാള്‍ അതു നേടാതെ പോകില്ല.. കൊന്നും കൊലവിളിച്ചു അയാള്‍ എല്ലാം നേടിയെടുക്കും.. അയാളുടെ ആളുകള്‍ പറഞ്ഞിട്ടാണു ഞാന്‍ നിങ്ങളുടെ കമ്പനിയില്‍ വന്നും അതുവഴി സ്വര്‍ണം എത്തിക്കാനും കൂട്ടുനിന്ന്. അവര് കൊണ്ടു വെച്ചത് മുഴുവന്‍ സ്വര്‍ണമാകില്ല.

ഞാന്‍ ഇതു ചെയ്തില്ലെങ്കില്‍ അവരെന്നെ കൊല്ലും. നിങ്ങടെ കമ്പിനിയില്‍ അയാള്‍ക്കു നോട്ടമുണ്ട്. അതുകൊണ്ടാണ് സ്വര്‍ണം വെയ്ക്കാന്‍ പറഞ്ഞതും അതു അയാളുടെ ഒപ്പമുള്ള ഉദ്യോഗസ്ഥരെകൊണ്ട് പിടിപ്പിച്ചുതുമെല്ലാം. ഇതെല്ലാം അന്നു സ്വര്‍ണം കൊണ്ടുവന്നവര്‍ പറയുന്നതു കേട്ടതാ. ഇനി എന്നെ ഒന്നും ചെയ്യല്ലേ. എനിക്ക് ഇതില്‍ കൂടുതല്‍ ഒന്നും അറിയില്ല. ഒന്നും.. സാബു കരഞ്ഞുകൊണ്ടു പറഞ്ഞു.

ടാ സാബു, നീ നിന്റെ ദുര്‍ഗചേട്ടനോടു ചെന്നു പറഞ്ഞേക്ക്.. ഇങ്ങോട്ടു കളിയിറക്കാന്‍ വന്നാല്‍ കളിക്കേണ്ടതെങ്ങനെയാണെന്നു ഞങ്ങള്‍ അവനു പഠിപ്പിച്ചുകൊടുക്കുമെന്ന്. കേട്ടോടാ.. പന്ന.. മോനെ. അലോക് സാബുവിനെ തള്ളിമറിച്ചിട്ടു കൊണ്ടു പറഞ്ഞു.