ആതിര 4 [ആദിത്യൻ] 128

ക്ലാസ് കഴിഞ്ഞാൽ ഞങ്ങള്ക്ക് ഒരേർപ്പാടുണ്ട് വീട്ടിൽ പോവില്ല.. മെയിൻ ഗേറ്റിന്റെ അവിടെ നിന്ന് കുറെ വള വളാ പറഞ്ഞോണ്ടിരിക്കും,, അത് കഴിഞ്ഞു ഗ്രൗണ്ടിൽ ഫുട്ബോൾ കളി ഒക്കെ കഴിഞ്ഞു ഞാൻ അടക്കമുള്ള ടീം വീടെത്തുമ്പോ സന്ധ്യയാവും

സംഭവം അതൊക്കെ ആസ്വദിച്ചിരുന്നവൻ തന്നെയാണ് ഞാനും,,പക്ഷെ ഇന്നത്തെ ഇവന്മാരുടെ ഈ ഇവിടെ നിന്നുള്ള സംസാരം എനിക്കോട്ടും പിടിക്കുന്നില്ല,,, അല്ല എങ്ങനെ പിടിക്കും അവളോട് സംസാരിക്കുന്നത് പ്രശ്നം ഇല്ല പക്ഷെ എന്റെ ഇഷ്ടം പറയുമ്പോൾ ഈ പുല്ലന്മാർ ഉണ്ടാവുന്നത് എനിക്ക് തന്നെ പണിയാണ്,, കാരണം അവന്മാരുടെ മനസ്സിൽ എന്റെ ആദ്യ പ്രണയം വർഷയാണല്ലോ.. ഇപ്പൊ വീണ്ടും ഒരു പ്രണയം എന്നൊക്കെ പറയുമ്പോൾ അവമാരും കരുതില്ലേ ഇവന് ഇതുതന്നെയാണോ പണിയെന്നു 😁അതുമല്ല ഒരു നോ കേട്ടാൽ വീണ്ടും നാറി നാണം കെടാൻ വയ്യ

ആവിശ്യത്തിന് ഒറ്റ പ്രൊപോസൽ സീൻ പോലും ഓർമ്മ കിട്ടുന്നില്ല,, പിന്നെ ആലോചിച്ചാൽ ഓർമ്മ വരുന്നത് നമ്മുടെ സൂര്യ അഭിനയിച്ച തമിഴ് പടത്തിലേ പ്രൊപോസൽ സീൻ ആണ്.. ഏത്?.. അതു തന്നെ

ഹയ് മാലിനി ഐഎം കൃഷ്ണ ❤

ആഹാ കൊള്ളാം ഇത് തന്നെ വച്ചു കാച്ചം

ഹായ് ആദി ഐഎം വിഷ്ണു എനിക്കിത് പറഞ്ഞെ ഒക്കു നീ അത്രയും മൊഞ്ചത്തിയാ 😍ആൻഡ്.. ആൻഡ്.. ഓഹ് കോപ്പ് മറന്നു,,ഹ്മ്മ് ആൻഡ് വേണ്ട പകരം.. I love u ❤❤

ഉഫ് ആലോചിച്ചപ്പോ മനസ്സിൽ ആ ബാഗ്രൗണ്ട് സോങ് കൂടെ ആയപ്പോൾ ഇജ്ജാതി ഫീൽ 😍

അങ്ങനെ ഇതൊക്കെ ആലോചിച്ചു നിൽകുമ്പോൾ ആണ് അവളും നിവേയും ഞങ്ങളുടെ നേരെ വരുന്നത് കണ്ടത്,, എന്നെ കണ്ടിട്ട് അവളുടെ മുഖത്ത് ചെറിയ ചിരിയൊക്കെയുണ്ട്,,, നേരെ ഞങ്ങളുടെ അടുത്തേക്ക് വന്നു അവന്മാരോട് അവളുമാർ സംസാരിക്കാൻ തുടങ്ങി

സാധാരണ ഈ സിനിമയിലൊക്കെ നായകൻ നോക്കുമ്പോൾ നായിക നോട്ടം മാറ്റാറുണ്ട് പക്ഷെ ഇവിടെ സംഭവിക്കുന്നത് മറ്റൊന്നാണ്,,, അവള് എന്നെ നോക്കുമ്പോഴൊക്കെ ഞാൻ നോട്ടമ്മാറ്റും അത് കണ്ടിട്ട് പൊട്ടിവരുന്ന ചിരി എങ്ങനെയൊക്കെയോ അവൾ അടക്കിപിടിച്ചു