അസ്രേലിൻ്റെ പുത്രൻ 1 [FÜHRER] 495

പറന്നുയര്‍ന്നു ലൂസിഫര്‍ ആകാശത്തെത്തിയതും അപ്രതീക്ഷിതമായി ലൂസിഫറിനെ മൈക്കിള്‍ തന്റെ മിന്നല്‍പിണറുകള്‍ ഉപയോഗിച്ചു പ്രഹരിച്ചു. മൈക്കിൾ ലൂസിഫറിനു മുകളിൽ പറന്നെത്തി.

മിന്നലിന്റെ പ്രഹരമേറ്റ ലൂറിഫറിന് ഒരു നിമിഷം തന്റെ ചിറകുകള്‍ ചലിപ്പിക്കാനായില്ല.. പറക്കാൻ കഴിയാതെ താഴേക്കു പതിക്കാന്‍ തുടങ്ങിയ ലൂസിഫറിനെ മൈക്കിള്‍ വീണ്ടും മിന്നൽ പിണറുകൾ കൊണ്ട് തുടരെ തുടരെ പ്രഹരിച്ചു.

ഞൊടിയിടയില്‍ ലൂസിഫര്‍ തന്റെ ചിറകുകള്‍ ഉപയോഗിച്ചു മൈക്കിളിനെ പ്രഹരിച്ചു. ലൂസിഫറിന്റെ ചിറകിലെ പ്രകാശം മൈക്കിളിന്റെ കണ്ണുകളിലേക്കടിച്ചു.

പ്രകാശത്തിന്റെ കാഠിന്യം സഹിക്കാനാവാതെ മൈക്കിള്‍ തന്റെ കണ്ണുകള്‍ ഇറുക്കിയടച്ചു പോയി.. ഈ സമയം ലൂസിഫര്‍ മൈക്കിളിനെ വീണ്ടും പ്രഹരിച്ചു..

ഇരുവരും ഒരിക്കലും തളരാത്ത പോരാളികളായിരുന്നു.. അവരുടെ പോരാട്ടം ഭൂമിയെയും ആകാശത്തെയും ഒരു പോലെ വറകൊള്ളിച്ചു.. പല ഗ്രഹങ്ങളും തകര്‍ന്നു.. ഒരു വേള ഇരുവരുടെയും ശക്തിയില്‍ സ്വര്‍ഗം വരെ തകരുമോയെന്നു ദൈവത്തിനു തോന്നി..

എല്ലാം കണ്ടു നിന്ന സർവ ശക്തനായ ദൈവം ലൂസിഫറിനെ ദയനീയമായി നോക്കി.. തന്റെ പിതാവിന്റെ ആ നോട്ടം  ലൂസിഫറിന്റെ ഹൃദയം പിളര്‍ത്താന്‍ പോന്നതായിരുന്നു. ലൂസിഫര്‍ തന്റെ പിതാവിന്റെ കണ്ണുകളിലേക്കുതന്നെ നോക്കി നിന്നു.. അപ്പോഴേക്കും  തന്റെ സര്‍വ ശക്തിയും ഉപയോഗിച്ചു മൈക്കിള്‍ ലൂസിഫറിന്റെമേല്‍ പ്രഹരമേൽച്ചു. ഒന്നു ചലിക്കാൻപോലുമാവാതെ ലൂസിഫര്‍ താഴെ തന്റെ പിതാവനു മന്നിലേക്കു വീണു.

വീണ്ടും ലൂസിഫറിനു നേരെ ആയുധം വശീയ മൈക്കിളിനെ ദൈവം തടഞ്ഞു.

ലൂസിഫറേ ഈ അപ്പനു നേരെ നീ പലയാവർത്തി ശബ്ദം ഉയര്‍ത്തിയിട്ടും ഞാന്‍ ഒരക്ഷം മിണ്ടിയില്ല.. പക്ഷേ ഇന്നു നീ നീന്റെ സഹോദരനു നേരെ ആയുധമുയര്‍ത്തി. അത് ഈ അപ്പനു സഹിക്കാന്‍ പറ്റില്ല മോനേ. മക്കള്‍ തമ്മിതല്ലുന്നത് ഒരപ്പനും സഹിക്കാന്‍ പറ്റുന്നതല്ല.