അസ്രേലിൻ്റെ പുത്രൻ 1 [FÜHRER] 495

കഥകേട്ടു ലൂയിപാപ്പന്റെ മടിയിലിരുന്ന കൊച്ച്  അബ്രഹാം സംശയത്തോടെ ലൂയിപാപ്പന്റെ മുഖത്തേക്കു നോക്കി..

ലൂയിപാപ്പാ.. മാലാഖ കുഞ്ഞിനേം കൊണ്ടു ലൂസിഫര്‍ എവിടേക്കാ പോയെ..

പാപ്പനു അറിയില്ലല്ലോടാ പൊന്നുമോനെ.. അയാള്‍ അന്റെ നെറ്റിയില്‍ മുത്തിക്കൊണ്ടു പറഞ്ഞു.. അപ്പൊ മാലാഖേടെ കുഞ്ഞ് എവിടെ പോലയിട്ടുണ്ടാകും..അബ്രാമിന്റെ സംശയങ്ങള്‍ തീര്‍ന്നിട്ടുണ്ടായിരുന്നില്ല.

ടാ നീ ഈ ലൂയിപാപ്പനെ ഇങ്ങനെ ചോദ്യം ചോദിച്ചു ബുദ്ധിമുട്ടിക്കാതെടാ..അയാള്‍ അവനെ തലോടിക്കൊണ്ടു പറഞ്ഞു.

എങ്കി മാലാഖക്കുഞ്ഞ് എങ്ങനെയാ ഇരിക്കണെന്നിങ്കിലും പറഞ്ഞുതാ പാപ്പാ..

അബ്രാമിന്റെ നിഷ്‌കളങ്കമായ നോട്ടം കണ്ടു ലൂയിപാപ്പന്‍ പൊട്ടിച്ചിരിച്ചു.. മാലാഖകുഞ്ഞും എന്റെ പൊന്നുമോനെ പോലെയായിരുന്നു. കുഞ്ഞി കാലുകളും കൈയ്കളും ഒക്കെയായി ഒരു സുന്ദര കുട്ടൻ.

അപ്പോ മാലാഖകുഞ്ഞിനു ചിറകില്ലാരുന്നോ. അവൻ കൗതുകത്തോടെ ചോദിച്ചു.. പാപ്പന്‍ അവനെ നോക്കി ചിരിച്ചു.

നമ്മുടെ മാലാഖകുഞ്ഞിനു ചിറകൊന്നുമില്ലാരുന്നെടാ ചെക്കാ.. മനുഷ്യക്കുഞ്ഞിനെപ്പോലെയായിരുന്നു അസേലിന്റെ പുത്രന്‍ ഭൂമിയില്‍ പിറന്നത്..

അതെങ്ങനെയാ പാപ്പാ മാലാഖ കുഞ്ഞിനു ചിറകില്ലാണ്ടു വരുന്നത്.. അബ്രാമിനെ മടിയിലിരുത്തി അവന്റെ നിലക്കാത്ത സംശയങ്ങള്‍ക്കും ചോദ്യങ്ങള്‍ക്കു മറുപടി പറഞ്ഞും ഇരുവരും പള്ളിപ്പറമ്പിലെ പുല്‍ത്തകിടിയിലിരുന്നു..

എന്നാല്‍, ഈസമയം അബ്രഹാമിനെ തേടി അവന്റെ അമ്മ അലയുന്നത് ഇരുവരുമറിഞ്ഞില്ല.

തുടരും