അസ്രേലിൻ്റെ പുത്രൻ 1 [FÜHRER] 495

അസ്രേല്‍ ഈസമയം ഏകാന്താമായൊരിടത്തു ചെന്നെത്തിയിരുന്നു.. അടുത്തു കണ്ട പാറയിലേക്കവള്‍ ചേര്‍ന്നിരുന്നു കിതപ്പടക്കി.

തന്റെയുള്ളിലെ ജീവന്‍ പുറത്തേക്കു കടക്കാന്‍ വെമ്പുന്നത് അവള്‍ അറിയുന്നുണ്ടായിരുന്നു.
തന്റെ ഇരു കാലുകളും അവള്‍ അകത്തിവച്ചു വയറില്‍ ആഞ്ഞു തള്ളികൊണ്ടിരുന്നു.. ഏറെ നേരം അവളാ പ്രവര്‍ത്തി തുടര്‍ന്നു. പൊടുന്നനെ അവള്‍ക്കു തന്റെ അസ്ഥികള്‍ തകരുന്നതുപോലെ തോന്നി. അവള്‍ വേദനകൊണ്ട് അലറിവിളിച്ചു. ഒടുവില്‍ ഗര്‍ഭപാത്രത്തില്‍ നിന്നും അവന്‍ പുറത്തേക്കു വന്നുതുകണ്ട് അസ്രേല്‍ നെടുവീര്‍പ്പോടെ തന്റെ മകനെ കൈയ്കളിലെടുത്തു.. പിന്നീടു തന്റെ കത്തി ഉപയോഗിച്ച് അവള്‍ അവന്റെ പൊക്കിള്‍ക്കൊടി മുറിച്ച ശേഷം അവനെ ചുംബനങ്ങള്‍കൊണ്ടു മൂടി.

ഈസമയം ശക്തമായ മഴ ആ കുഞ്ഞു മുഖത്തേയ്ക്കു വീണ് അവന്‍ കരഞ്ഞതു കണ്ട് അസ്രേല്‍ തന്റെ ചിറകുകള്‍ വിടര്‍ത്തി അവനു കുടയാക്കി.

അവനെ താലോലിച്ചുകൊണ്ടിരുന്ന അവളുടെ ശ്രദ്ധ തിരിച്ചത് അവരെ ലക്ഷ്യമാക്കി നടന്ന കാലടി ശബ്ദമാണ്.

അവള്‍ ആശങ്കയോടെ ശബ്ദം കേട്ട ഭാഗത്തേക്കു നോക്കിയെങ്കിലും കനത്ത ഇരുട്ടില്‍ അവള്‍ക്കെന്നും കാണാന്‍ സാധിച്ചില്ല..

ഭയത്തോടെ അവള്‍ ഒരു കൈയ് കൊണ്ടു തന്റെ  മകനെ മാറോടടക്കിപ്പിടിച്ചു.. മറു കൈയ്യില്‍ അവള്‍ ആയുധവുമേന്തി.

ആശങ്കകള്‍ക്കു വിരാമമിട്ടു മിന്നലിന്റെ പ്രകാശത്തില്‍ അവള്‍ അയാളുടെ മുഖം വ്യക്തമായി കണ്ടു.. ആ മുഖം കണ്ട അവളുടെ ഉള്ളില്‍ ആശ്വാസവും.

ഈ സമയം അയാള്‍ അവള്‍ക്കരികില്‍ എത്തിയിരുന്നു. അസ്രേല്‍ സ്‌നേഹത്തോടെ അയാളോടു ചേര്‍ന്നു നിന്നു.. അയാള്‍ തന്റെ കൈയ്‌കൊണ്ട് അവളെയും കുട്ടിയെയും പതിയെ തലോടി.

ഇതിനിടെ അസ്രേലിന്റെ മകന്‍ തന്റെ കുഞ്ഞു കൈയകള്‍കൊണ്ടു തന്നെ തലോടുന്ന കൈയ്കളില്‍ പടിച്ചു.