അസ്രേലിൻ്റെ പുത്രൻ 1 [FÜHRER] 495

ഡീ ഞാന്‍ പറയുന്നതു നീ ശ്രദ്ധിച്ചു കേള്‍ക്കണം.. പെട്ടന്നു ചാടിക്കേറി ചൂടാവരുത്.. അവന്‍ അസ്രേലിനോടു ശാന്തമായി പറഞ്ഞു..

എന്താടാ.. നീ ഈ വളച്ചു കെട്ടാതെ കാര്യം പറ.. അവള്‍ അക്ഷമയായി അവനെ നോക്കി പറഞ്ഞു..

ഡീ നമുക്ക് ഈ കുഞ്ഞിനെ വേണോ.. അവള്‍ ഒന്നും മനസിലാകാതെ അവനെ നോക്കി..

നീ ഒന്ന് ആലോചിച്ചു നോക്ക്. നമ്മുടെ അപ്പനു പോലും നിന്റെ കുട്ടിയുടെ ജന്മരഹസ്യം അന്യമാണ്. അവന്‍ വളരുന്ന ഓരോ നിമഷവും നമ്മുടെ അപ്പന്റെ പോലും ശക്തികള്‍ ക്ഷയിച്ചുകൊണ്ടിരിക്കുന്നു.. ഇവന്റെ ജനനം അതു ചിലപ്പോള്‍ ഈ ലോകത്തിന്റെയും ചിലപ്പോള്‍ നമ്മുടെയും അപ്പന്റെയും പോലും നാശത്തിനു കാരണമായി തീരാം.. ഈയൊരു ജീവന്‍ അതു പിറവിക്കുമുന്നേ അവസാനിക്കേണ്ടതാണ്. അതല്ലേ ഈ പ്രപഞ്ചത്തിന് നല്ലത്.

അവന്‍ വീണ്ടും തന്റെ നാക്കുകള്‍ ചലിപ്പിച്ചതും അവള്‍ മൈക്കിളിനെ കഴുത്തിനു കുത്തിപ്പിടിച്ചു ഉയര്‍ത്തി. അവൻ അവളുടെ കരുത്തിനു മുന്നിൽ പതറിപ്പോയി.

മൈക്കിളിന്റെ വാക്കുകള്‍കേട്ട അസ്രേല്‍ കോപം കൊണ്ടു കത്തിജ്വലിക്കുകയായിരുന്നു.

നീ എന്താ പറഞ്ഞേ എന്റെ കുഞ്ഞിനെ കൊല്ലണമെന്നോ.. നനക്ക് എങ്ങനെ എന്നോടിതു പറയാന്‍ ദൈര്യം തോന്നി.. നിന്നെയും നമ്മടെ അപ്പന്‍ തന്നെ സൃഷ്ടിച്ചതാണോ.

എന്റെ മകന്‍ അവന്‍ ആരുടെയും നാശത്തിനു കാരണമാകില്ല.. കാരണം അവന്‍ അസ്രേലിന്റെ പുത്രനാണ്.. ഓരോ ജീവനുകളും കൊഴിയുമ്പോഴും അവരുടെ ആത്മാവിനു കൂട്ടു പോകുന്നതും.. അവരുടെ ഉറ്റവരുടെ കണ്ണീരൊപ്പി ആശ്വസിപ്പിക്കുന്നതും ഞാനാണ്… ആ എന്റെ മകന്‍ എന്നെപ്പോലെ തന്നെ കരുണയുള്ളവനായിരിക്കും..

നിന്റെ മനസില്‍ പോലും ഇങ്ങനെയൊരു ചിന്തയെങ്ങനെ വന്നെടാ.. ഭൂമിയിലെ ജീവനുകള്‍ക്കു കാവലാകുന്ന നീ തന്നെ ഇതു പറയണമാരുന്നോ.. അസ്രേലിന്റെ രോഷം അണപൊട്ടിയൊഴുകി..  നിറവയറുമായി നിന്ന അവളുടെ കരങ്ങളില്‍ കിടന്നു പിടയുകയായിരുന്നു മൈക്കിളപ്പോള്‍..