മുത്തശ്ശിയുടെ ഓണം

തിരുവോണം ആയതു കൊണ്ട് ജാനകിയും( രേവതിയമ്മയെ നോക്കുന്ന ഹേം നെഴ്സ്) വന്നില്ലല്ലോ എന്ന് ഓർത്തു കൊണ്ട് രേവതിയമ്മ പതിയെ വടിയും കുത്തിപ്പിടിച്ച് എണിറ്റ് മുറിക്ക് പുറത്തേക്ക് നടന്നു……….
ഹാളിൽ എത്തിയപ്പോൾ അവിടെ ആരും തന്നെ ഉണ്ടായിരുന്നില്ല…….
രേവതിയമ്മ പതിയെ മുറ്റത്തേക്ക് ഇറങ്ങി അവിടെയും ആരെയും കണ്ടില്ല………
രേവതിയമ്മ വീണ്ടും വീടിനുള്ളിൽ പ്രവേശിച്ച് നേരെ രാജൻ്റെ(രാജൻ: രേവതിയമ്മയുടെ ഒരെ ഒരു മകൻ) മുറിയിലേക്ക് ചെന്നു ഡോർ അകത്ത് നിന്നും പൂട്ടിയിരുന്നു……

രേവതിയമ്മ വാതിലിൽ മുട്ടിവിളിച്ചു…..

മോനെ രാജുട്ടാ എണിറ്റില്ലെ ഇതുവരെ…….. ദേ സമയം എട്ട് മണി കഴിഞ്ഞിരിക്കണു പെട്ടെന്നെണിക്ക്……. ഇന്ന് തിരുവോണം അല്ലെ എന്താ ഇങ്ങനെ കിടക്കണെ……..

എന്നാൽ യാതൊരു വിധ മറുപടിയും മുറിയിൽ നിന്നും ലഭിച്ചില്ല……

രേവതിയമ്മ കതകിൽ മുട്ടിക്കൊണ്ടെയിരുന്നു……

കുറച്ചു സമയത്തിനു ശേഷം ജയന്തി ( രാജൻ്റെ ഭാര്യ ) എണിറ്റു വന്ന് കതക് തുറന്ന് ചോദിച്ചു……

ജയന്തി: what’s the matter?……..

രേവതിയമ്മ: എന്താ മോളെ അമ്മക്ക് മനസ്സിലായില്ല…..

ജയന്തി: എന്തിനാ രാവിലെ കിടന്ന് തൊള്ള തുറക്കുന്നത് എന്ന്……

രേവതിയമ്മ: മോളെ അത് സമയം നോക്കിക്കെ 8 മണി കഴിഞ്ഞിരിക്കണു……. ഇന്ന് തീരുവോണം അല്ലെ സദ്യ ഒരുക്കണ്ടെ?

ജയന്തി: ഓ പിന്നെ തിരുവോണം…… ഇന്നലെ അല്ലെ ഞങ്ങൾ അമേരിക്കയ്ക്കയിൽ നിന്നും വന്നത് നല്ല യാത്ര ഷീണം ഉണ് ശല്യപ്പെടുത്താതെ അപ്പുറത്തെങ്ങാനും പോയി ഇരിക്ക്……..

എന്നും പറഞ്ഞ് ജയന്തി കതക് അടച്ചു…….

രേവതിയമ്മയുടെ കണ്ണുകൾ നിറഞ്ഞിരുന്നു……
അവര് കുറച്ച് നേരം ജയന്തി കൊട്ടി അടച്ച വാതിലിൽ നോക്കി നിന്നിട്ടു പതിയെ തിരിഞ്ഞ് ഈറൻ അണിഞ്ഞ കണ്ണുകളോടെ തിണ്ണയിലേക്ക് നടന്നു……

തിണ്ണയിൽ ഒരു ചാരുകസേര ഉണ്ടായിരുന്നു അതിൽ നോക്കിക്കൊണ്ട് രേവതിയമ്മ ചോദിച്ചു……

നിങ്ങൾക്ക് പോയപ്പോൾ എന്നെക്കുടെ കൊണ്ടു പെയ്യ്ക്കുടാരുന്നോ മനുഷ്യ……

എന്നിട്ട് കണ്ണുകൾ തുടച്ചിട്ട് തിണ്ണയുടെ തടികൊണ്ടുണ്ടാക്കിയ അരപേസിൽ വഴിയിലേക്ക് നോക്കി ഇരുന്നു……

ഇടക്ക് രേവതിയമ്മയുടെ കണ്ണുകൾ നിറയും….. അവരത് ഉടുത്തിരുന്ന മുണ്ടിൻ്റെ ഒരു വശം കൊണ്ട് അത് ഒപ്പും……..

അങ്ങനെ ഇരുന്നിരുന്ന് സമയം 9 മണി ആയി…… രേവതിയമ്മക്ക് വിശന്നു തുടങിയിരുന്നു…..

സാധാരണ ജാനകിയാണ് രേവതിയമ്മയുടെ കാര്യങ്ങൾ എല്ലാം ചെയ്യാറു എന്നാൽ ഇന്ന് തിരുവോണം ആയത് കൊണ്ട് ഒരു ദിവസം അവധി തരാമോ എന്ന് ചോദിച്ചപ്പോൾ രാജനും ജയന്തിയുമാണ് അവധി നല്കിയത്. എന്നിട്ടാണ് ഇത്രയും സമയം ആയിട്ടും എഴുന്നേല്ക്കാത്തത്….

രേവതിയമ്മ വെറുതെ ഓരോ കാര്യങ്ങൾ ഒക്കെ ചിന്തിച്ചിരിക്കുമ്പോൾ ആണ് വഴിയിലുടെ രണ്ട് പേര് നടന്ന് വരുന്നത് രേവതിയമ്മ എത്തി വലിഞ്ഞ് പിരുകത്തിനു മുകളിൽ കൈ പിടിച്ച് നോക്കി അരാണെന്നറിയാൻ എന്നാൽ കണ്ണിൻ്റെ മൂടലു കാരണം കാണാൻ സാധിച്ചില്ല…..

രേവതിയമ്മ എത്തി വലിഞ്ഞ് നോക്കുന്ന കണ്ട് അവരിൽ ഒരാൾ വിളിച്ച് പറഞ്ഞു ഞാനാ രേവതിയമ്മേ അപ്പുറത്തേ വീട്ടിലെ രമേശൻ…..

ഹാ നീ ആയിരുന്നോ….. ആരാ കൂടെ?

അത് അളിയനാ…….

ഹാ എവിടെ വരെ ആയി ഓണം ഒക്കെ…….

ഓ അവളു ദേ നാല് മണിക്ക് എണിറ്റ് അടുക്കളയിൽ കേറി താ….. പിന്നെ അവിടെ കുട്ടികൾ എല്ലാരും ഉണ്ട് ഊഞ്ഞാലു വേണം എന്ന് പറഞ്ഞ് വഴക്കാ….. അതു കൊണ്ട് ഊഞ്ഞാലു കെട്ടാൻ കയറുവാങ്ങാൻ പോയതാ ഞങ്ങൾ…..

രേവതിയമ്മ അത് ഒക്കെ കേട്ട് ഒന്നു മൂളി……..

അല്ല അവർ എവിടെ രാജനും ജയന്തിയും?

രേവതിയമ്മ ഇടറുന്ന ശബ്ദത്തോടെ പറഞ്ഞു…….

അവര് ഉറക്കത്തിലാ…… ഇന്നലെ വന്നതിൻ്റെ യാത്രാഷീണം ഉണ്ട്…….

രേവതിയമ്മയുടെ വിഷമത്തോടെയുള്ള സംസാരം കേട്ടപ്പോൾ ചേദിക്കേണ്ടിയിരുന്നില്ല എന്ന് രമേശനു തോന്നി…..

എങ്കിൽ ഞങ്ങൾ അങ്ങു ചെല്ലട്ടെ രേവതിയമ്മേ……