അണവ് -3 [മാലാഖയെ പ്രണയിച്ച ജിന്ന്] 79

 

 

അവരോട് യാത്രയും പറഞ്ഞു ഞാൻ വീട്ടിലേക്ക് തിരിച്ചു. പോകുന്നു വഴിക്ക് കവലയിൽ നിന്ന് ഇഞ്ചിമിട്ടായിയും നാരങ്ങാമിട്ടായിയും വാങ്ങി.

 

എന്തിനാണെന്ന് മനസ്സിലായികാണുമല്ലോ….

ഇഞ്ചിമിട്ടായി ചിന്നുവിനും നാരങ്ങാമിട്ടായി എന്റെ കുറുമ്പിക്കും.

 

 

” അമ്മേ…. ഏട്ടൻ വന്നേ…..

വീടിന്റെ പടി കടന്നില്ല. കൊച്ചരി പല്ലും കാട്ടി കിലുങ്ങണ പാദസരം കിലുക്കി പാറൂട്ടി ഓടിയെത്തി.

 

 

” ഏട്ടന്റെ വാവ എവിടെ….?

 

 

 

“ഞാൻ അല്ലെ ഏട്ടന്റെ മുമ്പിൽ…..” അൽപ്പം കുറുമ്പോടെ കാന്താരിയുടെ ഉത്തരവും എത്തി.

 

 

 

” താ…… ”

രണ്ട് കയ്യും നീട്ടിയാണ് പെണ്ണിന്റെ ചോദ്യം. കാര്യം മനസ്സിലായെങ്കിലും ഒന്ന് വട്ടുകളിപ്പിക്കാൻ ഞാൻ തീരുമാനിച്ചു.

 

 

 

” എന്താ….?

 

 

 

“എന്റെ മിട്ടായി താ ഏത്താ…..

 

 

 

” മിട്ടായിയോ…. അയ്യോ….. ഏട്ടൻ വാങ്ങാൻ മറന്നല്ലോ….?

 

പറ്റുന്നത്ര ദയനീയത മുഖത്ത് വരുത്തിയാണ് ഞാൻ പറഞ്ഞത്.

കേട്ടപാതി പെണ്ണ്, ചുണ്ടൊക്കെ കൂർപ്പിച്ചു പിടിച്ചു തല തായ്ത്തി  എന്നെ നോക്കി വിതുമ്പുകയാ….  പെട്ടന്ന് തന്നെ കണ്ണിൽ കാർമേഘം  തടിച്ചുകൂടി. ആ നിൽപ്പ് കണ്ടാൽ പിടിച്ചു ഒരു കടി കൊടുക്കാൻ തോന്നും.