🏢🏍 യാത്രകൾ 2 🏍⛰ [ഖുറേഷി അബ്രഹാം] 107

അങ്ങനെ അവസാനത്തെ ഒരു മണിക്കൂർ യാത്രയുടെ ഫലമായി കോട്ടക്കലിൽ എത്തി പെട്ടു. ഇവിടുന്ന് ഇനി അതികം ഇല്ല. കോട്ടകൽ എന്ന ആ വലിയ പട്ടണത്തിൽ നിന്നും ഞാൻ വയലുകളും പാടങ്ങളും കുളങ്ങളും ഉള്ള നാട്ടിൻ പുറമായ പച്ചപ്പ് നിറഞ്ഞ ഉൾ പ്രേതേശമായ ചെമ്മനത്തേക്ക് ബൈക് ഓടിച്ചു. കോട്ടകലിൽ നിന്നും എട്ട് കിലോമീറ്റർ ദൂരം മാത്രമെ ഇങ്ങോട്ടുള്ളു.

ചെമ്മനത്തെ റോഡിലൂടെ സഞ്ചരിക്കുമ്പോള് എന്റെ നാട്ടിലെ ഞാനേറ്റവും കൂടുതൽ ആഗ്രഹിച്ച സുഗന്ധം എന്റെ മൂക്കിലൂടെ ഉള്ളിലേക്കു ആവാഹിച്ചു എടുത്തു.

എന്റെ യാത്ര അവസാനിച്ചു, എത്തി പെട്ടത് ഭംഗിയായി പണിത ഒരു ഇരുനില വീടാണ്. ആ വീടെന്ന പറയുമ്പോ വലിയ കൊട്ടാര സാദ്രശ്യമായ മാളിക അല്ല. എന്നിരുന്നാലും പുറത്ത് നിന്ന് കാണുമ്പോൾ തന്നെ നല്ല തലയെപ്പോടെ നിക്കുന്ന ഒരു വീട്. ആവശ്യത്തിനുള്ള സൗകര്യങ്ങൾ അടങ്ങിയ വീടാണ് എന്ന് കണ്ടാൽ അറിയാം.

ആ വീടിന്റെ ഗേറ്റിന് പുറത്ത് ഞാൻ ബൈക് നിർത്തി. ആ വീടിനെ വീക്ഷിക്കുമ്പോളാണ് ഒരു മദ്യ വയസ്കൻ അത് വഴി നടന്ന് വരുന്നത് കണ്ടത്.

“ ചേട്ടാ,,, ഈ മാളിയേക്കൽ വീട്ടിലെ അച്യുതന്റെ വീട് “. എനിക്കരികിൽ അയാൾ എത്തിയതും ഞാൻ ചോദിച്ചു.

“ ആ ഇത് തന്നെയാ വീട് “. മദ്യ വയസ്കന് ഒന്ന് പുഞ്ചിരിച്ചു കൊണ്ട് മറുപടി തന്നു.

“ താങ്ക്സ് “. ഞാനും ചിരിച്ചു കൊണ്ട് നന്ദി പറഞ്ഞു.

ബുള്ളറ്റിൽ നിന്നും ഇറങ്ങി ഞാൻ ആ വീടിന്റെ ഗേറ്റ് തുറന്നു. എന്നിട്ട് വീണ്ടും ബുള്ളറ്റ് സ്റ്റാർട്ട് ചെയ്ത് ബൈക് ഉള്ളിലേക്കു യെടുത്ത് വീടിന് മുന്നിൽ തന്നെ സൈഡ് ആക്കി നിർത്തി.

എന്റെ ഉള്ളിൽ സന്തോഷവും പേടിയും ആകാംഷയും എല്ലാം കൂടെ കൂടി ചേർന്ന പറയാൻ പറ്റാത്ത ഒരു വികാരം മുളച്ചു പൊട്ടാൻ തുടങ്ങി. ചെറു വിറയലോടെ ഞാൻ കോളിംഗ് ബെല്ലടിച്ചു.

രണ്ടു മൂന്ന് മിനിറ്റായി കാണും വാതിൽ തുറക്കപ്പെട്ടു. വാതിൽ തുറന്ന ആളെ കണ്ടതും എന്റെ ചുണ്ടിൽ നേർത്ത പുഞ്ചിരി വിരിഞ്ഞു. എന്റെ ഉള്ളിൽ നിന്നും സന്തോഷം നുരഞ്ഞ് പൊന്താൻ തുടങ്ങി. രാഹുലായിരുന്നു അത്.

എന്നെ ഇവിടെ കണ്ടതും പറഞ്ഞറിയിക്കാൻ ആവാത്ത തരത്തിലുള്ള കോപത്തെ ഞാനവനിൽ കണ്ടു. ഇരയെ വേട്ടയാടൻ തയ്യാറായി നിക്കുന്ന മൃഗത്തിന്റെ ഭാവത്തോടെ അവൻ എന്നെ നോക്കി. ഓരോ ചുവട് വെച്ചെന്റെ അടുക്കലേക് അവൻ വന്നു.

“ പന്ന പൊലയാടി മോനെ നീ ഇപ്പൊ എന്തിനാടാ ഇങ്ങോട്ടേക്ക് വന്നേ “. പറഞ്ഞു തീരലും അവന്റെ വലത്തേ കൈ എന്റെ ഇടത്തെ കവിളിൽ മുത്തിയിരുന്നു.

ചെവീം കണ്ടൂടാ കണ്ണും കേട്ടൂടേ ശിവനെ ഇതേത് ജില്ല. എന്ന അവസ്ഥ ആയിരുന്നു എന്റേത്. കോട്ടിലെ രണ്ടു പല്ല് പോന്നോ എന്നൊരു സംശയം. വീണ്ടും അവൻ എന്തോ പിറുപിറു കുന്നുണ്ട്. ചെവിയുടെ കർണ പടം പൊട്ടിയെന്ന് തോനുന്നു അവൻ പറയുന്നത് ഒന്നും കേൾക്കാൻ ഇല്ല.

തേ വീണ്ടും അവന്റെ കൈ വായുവിലൂടെ ശര വേഗത്തിൽ പാഞ്ഞ്‌ വരുന്നു. കൃത്യമായി അതെന്റെ വലത്തേ കവിളിലും കൊണ്ടു. ഞാൻ കണ്ണൊന്ന് ചിമ്മി തുറന്നവനെ നോക്കി. ഇപ്പൊ എന്റെ മുന്നിൽ മൂന്ന് രാഹുലിനെ ഒരുമിച്ചു കാണുന്നുണ്ട്.. കണ്ണിന്റെ ഫ്യൂസും അടിച്ചു പോയോ.

അടുത്തത് അവന്റെ കാലായിരുന്നു എന്റെ ശരീരത്തിൽ തൊട്ടത്. അത് കൊണ്ടതും ഞാനതാ വായുവിലൂടെ പറക്കുന്നു, പറന്ന് സുരക്ഷിതമായി ഞാൻ ഭൂമിയിൽ തന്നെ ലാൻഡ് ചെയ്തു ഹ ഭാഗ്യം.