🏢🏍 യാത്രകൾ 2 🏍⛰ [ഖുറേഷി അബ്രഹാം] 107

അവൻ പോയി കഴിഞ്ഞതിന് ശേഷം ആ കത്ത് എന്റെ കയ്യിൽ കിട്ടിയപ്പോളാണ് അറിഞ്ഞത് സർറ്റിഫികറ്റ്‌ കിട്ടിയത് മുതൽ അവൻ എല്ലാം തീരുമാനിച്ചു ഉറപ്പിച്ചിരുന്നു എന്ന്.

അവന്റെ ഉപ്പയുടെയും ഉമ്മയുടെയും പേരിൽ അത്യാവശ്യം സ്വത്തുക്കൾ ഉണ്ടായിരുന്നു. കൂടാതെ അവന്റെ ഉപ്പാക്ക് മൂന്ന് ടെക്സ്റ്റൈൽ ഷോപ്പുകളും ഉണ്ടായിരുന്നു. അതെല്ലാം അവരുടെ രണ്ടു പേരുടെയും മരണത്തോടെ അവന്റെ പക്കൽ എത്തി. അതിൽ അവന്റെ ഉപ്പ തുടങ്ങി വച്ച കടയും അവന്റെ വീടും അത് നിക്കുന്ന സ്ഥലവും അവന്റെ ഉമ്മാന്റെ പേരിൽ ഉണ്ടായിരുന്ന കുറച്ചു ഭൂമിയും ഒഴിച്ചു ബാക്കിയെല്ലാം അവൻ മറ്റാർക്കോ വിറ്റിരുന്നു. ആ കാഷ് അവന്റെ പേരിൽ ബാങ്കിലും ഇട്ടു. അതോടപ്പം പോകുന്നതിന്റെ അന്ന് വീട്ടിൽ അവന്റെ റൂമിൽ എനിക്കായി ഒരു കുറിപ്പടിയും.

കോളേജ് കഴിഞ്ഞതിന് ശേഷം ഞാൻ എന്നും അവന്റെ വീട്ടിൽ പോകുമായിരുന്നു അങ്ങനെ ഒരു ദിവസം പോയപ്പോൾ ആണ് അവനെ വീട്ടിൽ കാണാതിരിക്കുകയും അവന്റെ റൂമിൽ നിന്ന് എനിക് ആ കത്ത് കിട്ടുകയും ചെയ്തത്. മനപൂർവ്വം അവൻ വാതിൽ അടക്കാതെ ആണ് പോയിരുന്നത്.

“ രാഹുൽ ഞാൻ ഒരു യാത്ര പോവുകയാണ്, എന്റെ ഇപ്പോഴുള്ള ജീവിതത്തിൽ നിന്നും ഒളിച്ചോടുന്ന ഒരു യാത്ര അതോടൊപ്പം പുതിയ ഒരു ജീവിതത്തിലേക്കും. ഇങ്ങോട്ടേക്ക് ഇനിയൊരു മടങ്ങി വരവ് ഉണ്ടാകുമോ എന്നെനിക് പറയാൻ ആകില്ല. നിങ്ങളെ ഒന്നും വിട്ട് പോകാൻ ആഗ്രഹം ഉണ്ടായിട്ടല്ല, ഇവിടെ നിന്നാൽ ചിലപ്പോൾ എനിക് ഭ്രാന്തായെകും.

എന്റെ ഈ വീടും സ്ഥലവും, ഉമ്മാന്റെ പേരിൽ ഉള്ള മണിയേക്കരയിൽ ഉള്ള കുറച്ചു ഭൂമിയും, കോട്ടക്കൽ ഉള്ള കടയും ഒഴിച്ചു ബാക്കിയെല്ലാം ഞാൻ വിറ്റു, ആ പണവും കൊണ്ടാണ് ഞാൻ പോകുന്നത്. കൂടാതെ ഉപ്പാന്റെ ബാങ്കിൽ ഉണ്ടായിരുന്ന പണവും ഉണ്ട്.
ഞാൻ വിക്കാതെ വച്ചിട്ടുള്ള സ്വത്തിന്റെ കൈവശമുദ്രപത്രം എന്റെ റൂമിൽ തന്നെ ഉള്ള ടേബിളിന്റെ വലിപ്പിൽ വച്ചിട്ടുണ്ട്. ഇനി മുതൽ ആ ഷോപ്പിന്റെ എല്ലാ ഉത്തരവാദിത്തവും നിനക്കുള്ളതാണ്.

എന്റെ കൂടെ നിഴലായി നീ ഇത്രയും നാൾ ഉണ്ടായിരുന്നു. പടച്ചവൻ തന്ന നിധിയാണ് നീ എനിക്, എന്റെ എല്ലാ സങ്കടങ്ങളിലും സന്തോഷത്തിലും നീ കൂടെ ഉണ്ടായിരുന്നു. പക്ഷെ ഇനിയുള്ള എന്റെ ജീവിതം ആർക്കും ഒരു ശല്യവും ആകാതെ നടകണം അതാണെന്റെ ആഗ്രഹം. അതു കൊണ്ടാണ് നിന്നോട് ഈ കാര്യങ്ങൾ ഒന്നും പറയാതെ ഒരു കത്തിൽ മാത്രം എഴുതി വച്ചു ഞാൻ പോകുന്നത്.

അച്ഛനോടും അമ്മയോടും ചേച്ചിയോടും എന്നെ വെറുക്കരുത് എന്നു പറയണം. ഈ ഒരു യാത്ര എനിക്കത്യാവശ്യം ആയത് കൊണ്ടാണ്. അവരോടുള്ള സ്നേഹം എന്നും എന്റെ ഉള്ളിൽ ഉണ്ടെന്ന് പറയണം.

കൂടുതലായി എനിക്കൊന്നും പറയാൻ കിട്ടുന്നില്ല. എന്റെ ബെസ്റ്റ്‌ ഫ്രണ്ടായ നീ ഇല്ലാത്ത ഒരു പുതു യാത്ര. എന്നെങ്കിലും കാണും എന്ന വിശോസത്തോടെ നിന്റെ സ്വന്തം മൂരാച്ചി. “.

ആ കത്ത് വായിച്ചതും ഒരു മരവിപ്പ് ആയിരുന്നു എനിക് ഫീൽ ചെയ്‍തത്. രണ്ടു മൂന്ന് മാസങ്ങൾ ഞങ്ങൾ അവനെ തിരഞ്ഞു. പല ഇടങ്ങളിലും അന്നോഷിച്ചു പക്ഷെ കണ്ടെത്താൻ ആയില്ല. പോലീസിൽ വരെ അവൻ മിസ്സിംഗ് ആണെന്നും ഇങ്ങനെ ഒരു കത്ത് കിട്ടിയതായും പരാതി കൊടുത്തു. എന്നാൽ ഒന്നിനും പ്രയോജനം ഉണ്ടായില്ല.

ആത്യം ഒക്കെ വിഷമവും സങ്കടവും ആയിരുന്നു എങ്കിൽ. പിന്നീട്ട് അതു മാറി അവനോട് തീരാത്ത അത്രക്ക് ദേഷ്യമായി മാറി. മറ്റാരേക്കാളും ഞാനവനെ മിസ്സ്‌