?? യാത്രകൾ 2 ?⛰ [ഖുറേഷി അബ്രഹാം] 107

“ കുറെ രാജ്യങ്ങളിൽ പോയിട്ടുണ്ടച്ച “.

“ അതെയോ, ഏതൊക്കെ രാജ്യം കണ്ടു “. ചിന്മയ ഒരു അത്ഭുതതോടെയാണ് ചോദിച്ചത്.

“ അങ്ങനെ ചോദിച്ചാൽ ഏഷ്യ ഭൂഖണ്ഡത്തിലെ ഒട്ടു മിക്ക രാജ്യങ്ങളിലും പോയിട്ടുണ്ട്, പിന്നെ യൂറോപ്പും അമേരിക്കയും അങ്ങനെ കുറെ നാടുകൾ കണ്ടിട്ടുണ്ട് “.

“ അപ്പൊ അവിടത്തെ ഭാഷ ഒക്കെ മോനെ “. അമ്മ
“ അതമ്മേ ഇംഗ്ലീഷ് അറിയാവുന്നത് കൊണ്ട് വലിയ പ്രെശ്നമില്ല “.

“ ഇക്കാ അപ്പൊ ചിലവ് ഒക്കെ എങ്ങനെ ആയിരുന്നു “.

“ ആത്യം ഒക്കെ എന്റെ കയ്യിൽ അത്യാവശ്യം കാഷ്‌ ഉപ്പ ഉണ്ടാക്കിയത് തന്നെ ഉണ്ടായിരുന്നു, അത് ചിലവുകൾ കൂടുതൽ വരുമെന്നറിഞ്ഞപ്പോൾ ഞാൻ ഷെയർ മാർക്കറ്റിൽ കുറച്ചു പണം ഇട്ടിരുന്നു. പിന്നെ ചില ഇടങ്ങളിൽ കുറച്ചു കാല അളവിൽ ഒക്കെ ജോലി ചെയ്തിട്ടുണ്ട്. അതും കൂടാതെ എന്റെ പല ഫീറ്ററുകളും മാഗസിനും, വിഡിയോസും ഒക്കെ ആയി അങ്ങനെയും കുറച്ചു കാശ് ഉണ്ടാക്കിയിരുന്നു. പിന്നെ നമ്മൾ മലയാളികൾ അല്ലെ ഓസിന് പറ്റാവുന്നതും ചെയ്തിട്ടുണ്ട് “.
ഞങ്ങൾ അങ്ങനെ ഓരോ കാര്യം പറഞ്ഞ് ഭക്ഷണം കഴിച്ചു. ഭക്ഷണം കഴിച്ചു കഴിഞ്ഞ് രാഹുലിനെ ഒന്ന് കാണണം എന്ന് തോന്നി.

“ ചിന്മയ, രാഹുൽ മുകളിൽ റൂമിൽ ഇല്ലേ “. ഞാൻ ചിന്മയയോട് ചോദിച്ചു.

“ ഉണ്ട്. പക്ഷെ ഇപ്പോഴും നല്ല ദേഷ്യത്തിലാ “.

“ അത് കുഴപ്പമില്ല ഞാൻ നോക്കി കോളം “. ഞാൻ അതും പറഞ്ഞു അവരുടെ റൂമിനടുത്തേക്ക് നടന്നു.

“ ഇക്കാ ഒരു മിനിറ്റ്‌ മോൾ ഉണ്ട് അകത്ത്. ഏട്ടനോട് ഒപ്പം കളിക്കുകയാ അവളേ ഞാൻ റൂമിന്ന് കൊണ്ടേയെകാം അല്ലെങ്കി നിങ്ങക്ക് സംസാരിക്കാൻ പറ്റില്ല “. ചിന്മയ ഞാൻ റൂമിന് അടുത്ത് എത്തിയതും എന്നെ ബാക്കിൽ നിന്നും വിളിച്ചു പറഞ്ഞിട്ട് റൂമിന്റെ വാതിലും തുറന്ന് ഉള്ളിലേക്കു കയറി. ഞാൻ പുറത്ത് നികുന്നുണ്ടായിരുന്നു. ചിന്മയ രാഹുലുമായി കളിച്ചോണ്ട് ഇരുന്നിരുന്ന മോളെ എടുത്ത് റൂമിൽ നിന്നും പുറത്തേക്ക് പോയി.

“ ഇക്ക ഇനി കയറിക്കോ, ഇവളവിടെ ഇരുന്ന നിങ്ങക്ക് ശല്യമാവും “. ചിന്മയയുടെ ഒക്കത്ത് ഇരിക്കുന്ന മോളെ നോക്കി കൊണ്ട് പറഞ്ഞു. ഞാൻ മോളെ നോക്കി ഒന്ന് ചിരിച്ച്‌ കവിളിൽ ഒന്ന് തൊട്ടു.

ഞാൻ ഉള്ളിൽ കയറിയതും രാഹുലിന്റെ മുഖം മാറുന്നത് എനിക് മനസിലായി.

“ എന്ത് _____ ആട നീ ഇങ്ങോട്ട് വന്നേ. എന്റെ റൂമിന് ഇറങ്ങി പോടാ____ “. കണ്ട പാടെ പച്ചമലയാളം പറയാൻ തുടങ്ങി. അവൻ പറയുന്നത് കേട്ട് ഞാൻ ചിരിച്ച്‌ നിന്നതേ ഉള്ളു.

“ എന്ത് __ കണ്ട് ഇളികാട____, അവന്റെ അമ്മൂമ്മേടെ____ ചിരി “.
ഞാൻ അതെല്ലാം കേട്ട് നിന്നു
“ നിന്നോടല്ലടാ____ ഞാൻ പറയുന്നേ____ പോടാ____ “.

“ നീ പറയാൻ ഉള്ളത് ഒക്കെ പറഞ്ഞോ എന്നെ വിളിക്കാൻ ഉള്ളത് ഒക്കെ വിളിച്ചോ പക്ഷെ നിന്നോട് സംസാരിക്കാതെ ഞാനിവിടെന്ന് പോകില്ല “.

ഞാൻ പറയുന്നത് കേട്ടതും അവൻ പൂര പാട്ട് പാടാൻ തുടങ്ങി. അവൻ പറയുന്നത് എല്ലാം കേട്ടിട്ടും ഒരു കൂസലും ഉണ്ടായിരുന്നില്ല എനിക്.
അവസാനം പറഞ്ഞിട്ട് കാര്യം ഇല്ലാന മനസിലായപ്പോ അവൻ നിർത്തി. ഞാൻ ചിരിച്ചോണ്ട് അവന്റെ അടുത്ത് പോയി ഇരുന്നു.

“ ഡാ നിനക്‌ എന്നെ തല്ലിയ ദേഷ്യം തീരുന്നെങ്കി എന്നെ തല്ലിക്കൊ “. പറഞ്ഞു കഴിയാലും കിട്ടി മോന്തകിട്ട്‌ ഒന്ന്.