?? യാത്രകൾ 2 ?⛰ [ഖുറേഷി അബ്രഹാം] 107

ഞാൻ അതെ ഇരുത്തം ഇരുന്നു.

“ എന്തിനാടാ വന്നത് ഞങ്ങൾ ചത്തോന്ന് അറിയാൻ വേണ്ടിയോ “.
അമ്മ എന്റെ നേരെ നോക്കിയിട്ട് പറഞ്ഞു. അമ്മയുടെ കണ്ണിൽ നിന്നും കണ്ണീർ ഒഴുകുന്നുണ്ടായിരുന്നു.

“ അമ്മക്‌ എന്നെ എന്ത് വേണമെങ്കിലും പറയാം, ഞാൻ എന്റെ ഉമ്മയുടെ സ്ഥാനത്ത് തന്നെയാണ് അമ്മയെയും കണ്ടിട്ടുള്ളത്. എന്നോട് പൊറുക്കണം എന്ന് ഞാൻ പറയില്ല, കാരണം അമ്മ എന്നെ ഒരിക്കലും വെറുത്തിട്ടുണ്ടാവില്ലെന്ന് എനിക്കറിയാം. അന്നത്തെ ആ സാഹചര്യത്തിൽ എല്ലാത്തിൽ നിന്നും ഒരു മാറ്റം ഞാൻ ആഗ്രഹിച്ചു അതു കൊണ്ടാണ് ഞാനാരോടും പറയാതെ പോയത്. ഇത്രയും കാലം നിങ്ങളെ ഒക്കെ ഓർക്കാത്ത ഒരു ദിവസം പോലും എനിക്കുണ്ടായിട്ടില്ല. നിങ്ങളെ ഒക്കെ ഒന്നു കണ്ടിട്ട് തിരിച്ചു പോകണം എന്ന് കരുതിയിട്ടാണ് ഞാൻ വന്നത് “.

“ യെന്ത നീ പറഞ്ഞെ “.
“ നിങ്ങൾക് ആർക്കും ഒരു ബുദ്ധിമുട്ടാകില്ല. ഞാൻ പൊക്കോളാം “.

“ നീ പോവോട, ഡാ പറയടാ നീ പോവോന്ന് “. ഞാൻ പറഞ്ഞത് കേട്ട് അവിടെന്ന് എണീറ്റ് എന്റെ നേരെ നിന്ന് കോളറിൽ പിടിച്ചു കവിളിൽ തല്ലിയിട്ടാണ് ചോദിക്കുന്നത്.

“ നീ ഇനി എവിടേക്കും പോകില്ല ഇവിടെ താമസിക്കും, എന്റെ മക്കളിൽ ഒരാളായിട്ട് തന്നെ. എന്റെ വിഷമം കൊണ്ട് പറഞ്ഞു എന്ന് കരുതി ഉടനെ പോകാൻ നിക്കാ നിയ്യ്‌ “.

“ അമ്മേ.. ഞാൻ “.

“ വേണ്ട നീ ഒന്നും എന്നോട് പറയാൻ നിക്കണ്ട. നിന്നെ ഇനി എവിടേക്കും വിടുന്നില്ല. കേട്ടല്ലോ ഇനി ഇവിടുന്ന് പോകാൻ ആണ് തീരുമാനമെങ്കി നിനക്‌ ഇങ്ങനെ ഒരമ്മ ഇല്ല. നീ എന്നെ നിന്റെ ഉമ്മയുടെ സ്ഥാനത്ത് അല്ലെ കാണുന്നെ. അപ്പൊ ഞാൻ പറയുന്നത് അനുസരിക്കുക അത്ര തന്നെ “. പിന്നെ ഞാൻ അമ്മയോട് ഒന്നും മിണ്ടിയില്ല. പക്ഷെ എനിക് ഇവിടെ അധിക നാൾ നിൽക്കാൻ കഴിയില്ല എന്നത് അമ്മയോട് പറയാനും എനിക്കു പറ്റിയില്ല.

അമ്മ പിന്നെ എന്റെ ഓരോ വിശേഷങ്ങൾ ചോദിക്കാൻ തുടങ്ങി ഞാനും അമ്മയോട് ഓരോന്ന് സംസാരിക്കാനും മറുപടി പറയാനും തുടങ്ങി.

“ സംസാരിച്ചു ഇരുന്ന് മറന്നു. വരുന്ന വഴിക്ക് ഒന്നും കഴിച്ചു കാണില്ല. വാ നിനക്‌ ഭക്ഷണം എടുത്ത് വെക്കാം “. അമ്മ അതും പറഞ്ഞ് റൂമിൽ നിന്നും പുറത്ത് ഇറങ്ങി.

“ ചിന്നൂ,,, ചിന്നൂ “.

“ ആ എന്താ അമ്മേ “. മുകളിലേ അവരുടെ മുറിയിൽ നിന്നും ചിന്മയ വിളി കേട്ടു.
“ നീ അവനെയും കൂട്ടി തായോട്ട്‌ ഭകഷണം കഴിക്കാൻ വാ “.

“ താ വരുന്നു അമ്മേ “. അമ്മ അവളുടെ മറുപടി കേട്ടപ്പോൾ അടുക്കളയിലേക് പോയി.

കുറച്ചു കഴിഞ്ഞപ്പോൾ ചിന്മയ മാത്രം മുകളിൽ നിന്നും ഇറങ്ങി വന്നു. ഞാനവിടെ സോഫയിൽ അച്ഛന്റെ കൂടെ ഇരിക്കുക ആയിരുന്നു. എനിക്കുറപ്പായിരുന്നു അവൻ വരില്ലെന്ന്. അവൾ എന്നെ നോക്കി ഒന്നു ചിരിച്ചു.

അമ്മയും ചിന്മയായും തീൻ മേശയിൽ ഭക്ഷണം ഒക്കെ എടുത്ത് വച്ചു. ഒരു സത്യക്ക് ഉള്ള വിഭവങ്ങൾ ഉണ്ടായിരുന്നു. ഞാൻ വരുന്നു എന്നറിഞ്ഞ അമ്മ ഉണ്ടാക്കിയതാകും.

ഞാനും അച്ഛനും തീൻ മേശയുടെ സൈഡിൽ ഉള്ള കസേരയിൽ ഇരുന്നു. അമ്മ ചിന്മയയോടും ഇരിക്കാൻ പറഞ്ഞു. ചോർ ഏല്ലാവർക്കും വിളമ്പിയതിന് ശേഷം ഓരോ ഉപ്പേരിയും അച്ചാറും പപ്പടവും എല്ലാം അമ്മ വിളമ്പി തന്നു. എന്നിട്ട് അമ്മ ചിന്മയായുടെ അടുത്ത് ഇരുന്നു.

കുറെ കാലത്തിന് ശേഷമാണ് ഇത്രയും രുചികരമായ ഒരു സത്യ കഴിക്കുന്നത്.

“ ഡാ നീ ലോകം ചുറ്റി കാണാൻ പോയെന്ന് അല്ലെ പറഞ്ഞെ. അപ്പൊ എവിടെ ഒക്കെ പോയി കണ്ടു “. അച്ഛൻ എന്നെ നോക്കി ചോദിച്ചു.