?? യാത്രകൾ 2 ?⛰ [ഖുറേഷി അബ്രഹാം] 107

“ ഇക്കാ മുകളിലെ ഗസ്റ്റ് റൂം റെഡി ആകിയിട്ടുണ്ട് അവിടെക്‌ വെക്കുക അല്ലേ ഇതൊക്കെ “.

“ ആ മോളെ അതൊക്കെ അവിടേക്ക് വെച്ചേക് “. അച്ഛൻ ഞങ്ങൾ വരുന്നത് കണ്ടപ്പോൾ പറഞ്ഞു. ചിന്മയ പോയ റൂമിലേക്കു പോയി കയ്യിലുള്ളത് ഒക്കെ ഞാൻ ആ റൂമിൽ വച്ചു തായേക് തന്നെ ഇറങ്ങി

വീടിന്റെ ഉള്ളൊക്കെ ഞാൻ വീക്ഷിക്കാൻ തുടങ്ങി. ഈ കാലത്തിന് ഇടക്ക് ഞാൻ എത്ര ഇടങ്ങളിൽ താമസിച്ചിരിക്കുന്നു. പല ഇടങ്ങളിലും എല്ലാതും വ്യത്യസ്തമാണ്.

“ ഡാ ഇവിടെ വന്നിരി “. ഞാൻ ചുറ്റുപാടും നോക്കുന്നത് കണ്ട് അച്ഛൻ ഇരിക്കുന്ന സോഫയുടെ അടുത്തേക്ക് നോക്കി പറഞ്ഞു.
ഞാൻ അച്ഛൻ അരികിലായി ഇരുന്നു. ടിവി ഒണായി കിടക്കുകയാണ് ഏതോ ന്യൂസ് ചാനലാണ്.

“ എന്തൊക്കെ ഉണ്ട് വിശേഷങ്ങൾ, സുഖം തന്നെയല്ലേട നിനക്‌ “. ഒരു അച്ഛന്റെ സ്നേഹം ആ വാക്കുകളിൽ നിന്നും ഇത്രയും കാലത്തിനിടക്ക് ഞാൻ കേൾക്കുകയാണ്. ആ അവക്കുകൾ എനിക് തന്ന ഫീൽ വേറെ തന്നെയാണ്.

“ ആ അച്ഛാ സുഖമാണ് “.

പിന്നെ കുറച്ചു നേരത്തേക്ക് ഞങ്ങൾ ഒന്നും സംസാരിച്ചില്ല ടിവി യിലേക് നോക്കിയിരുന്നു. പക്ഷെ ഞങ്ങളുടെ രണ്ടാളുടെയും ചിന്ത വേറെ ആയിരുന്നു.

“ മുജിയെ നീ എന്തിനാടാ ഞങ്ങളെ ഒഴിവാക്കി നാട് വിട്ടത്. ഞങ്ങള്ക് ഒരു ഭാരമാകുമെന്ന് കരുതിയിട്ടാണോ “. മൗനത്തെ വെടിഞ്ഞ് അച്ഛൻ ചോദിച്ചു.
ഒരു നിമിഷത്തേക്ക് എന്താണ് പറയേണ്ടത് എന്നെനിക് അറിയില്ലായിരുന്നു.

“ ഞാനങ്ങനെ ഒന്നും കരുതിയിട്ടില്ല അച്ഛാ, ആരൊക്കെ എന്നെ ഉബേക്ഷിച്ചാലും നിങ്ങൾ ഒക്കെ എന്റെ കൂടു ഉണ്ടാകുമെന്ന് എന്നെനിക്കറിയാം. ഞാൻ പോകാൻ കാരണം എന്റെ മനസ്സിൽ കാലങ്ങളായുള്ള ഒരു സ്വാപനം ഉണ്ടായിരുന്നു, അതിന് വേണ്ടിയിട്ടാണ് എല്ലാം ഉബെക്ഷിചിട്ട്‌ പോയത് “.
ഞാൻ പറഞ്ഞത് അച്ഛൻ മനസ്സിലായില്ലെന്ന് ആ മുഖത്തു നിന്നും എനിക് മനസിലായി.

“ ഓരോ മനുഷ്യർക്കും അവരുടെ ജീവിതത്തിൽ നേടി എടുക്കണം എന്നഗ്രഹിക്കുന്ന ഒരു സ്വാപനം ഉണ്ടാവില്ലേ, അതു പോലെ ഒരു കാര്യത്തിന് വേണ്ടി ഇറങ്ങി തിരിച്ചതാണ്. പിന്നെ എന്റെ ആഗ്രഹവും ലോകം മൊത്തം ഒന്ന്‌ ചുറ്റി കാണാണം എന്നായിരുന്നു. ആ ആഗ്രഹം നടക്കാൻ വേണ്ടി മാത്രമാണ് നിങ്ങളോട് ഒക്കെ ഞാൻ പറയാതെ പോയത്. ഞാൻ അന്ന് അങ്ങനെ പോയതിൽ നിങ്ങളെ ഒക്കെ എത്ര മാത്രം വിഷമിപ്പിച്ചിട്ടുണ്ടാകും എന്നെനിക് അറിയാം. പക്ഷെ ആ സമയത്ത് എന്റെ മുമ്പിൽ ഈ ഒരൊറ്റ മാർഗമേ കണ്ടുള്ളു “. പറയുമ്പോഴും അച്ഛനെ നോക്കാൻ എനിക്കാവുന്നുണ്ടായിരുന്നില്ല.

“ പോട്ടെടാ നിന്റെ മനസിൽ എന്താണ് ഉള്ളതെന്ന് അറിയില്ലല്ലോ അതു കൊണ്ട് ചോദിച്ചതാണ്. എന്തായാലും നീ വന്നല്ലോ അതു മതി “. അച്ഛൻ എന്റെ തോളിൽ തട്ടി കൊണ്ട് പറഞ്ഞു.

കുറച്ചു നേരം കൂടെ ഞാനവിടെ ഇരുന്നു.

“ അച്ഛാ ഞാൻ അമ്മയുടെ അടുത്തൊന്ന് പോയി നോക്കട്ടെ “.
“ ഹാ ചെല്ല്, ചെല്ല്. എന്നിട്ട് അവളുടെ കയ്യിൽ നിന്ന് കിട്ടുന്നതും മേടിച്ചോ “.
ഞാൻ അച്ഛനെ നോക്കി ഒന്നു ചിരിച്ചിട്ട് ഞാൻ അമ്മയുടെ റൂമിലേക്കു ചെന്നു.
അമ്മ അവിടെ എനിക് പുറം തിരിഞ്ഞ്‌ കിടക്കുകയാണ്.

ഞാൻ ആ ബെഡിന്റെ ഒരു ഓരത്ത് ഇരുന്നു.

“ അമ്മേ “. ഞാൻ അമ്മയുടെ കാലിൽ തൊട്ട് കൊണ്ട് വിളിച്ചു.

“ നീ എന്നെ തൊടുകയും വേണ്ട എന്നോടൊന്നും സംസാരിക്കുകയും വേണ്ട. പൊക്കോ നിനക്കിഷ്ടമുള്ളിടത്തേക്ക് പോക്കേ. ഞങ്ങൾ ആരും നിനക്‌ തടസം ആവില്ല “. എന്നെ നോക്കാതെ തന്നെ അമ്മ പറഞ്ഞു. ഒപ്പം എന്റെ കൈ തട്ടി മാറ്റുകയും ചെയ്തു.