?? യാത്രകൾ 2 ?⛰ [ഖുറേഷി അബ്രഹാം] 107

ഞാൻ ഒരു വിധം അവിടെന്ന് എണീറ്റ് ഇരുന്നപ്പോൾ കലിപ്പോടെ അവൻ എന്റെ അടുക്കലേക് നടന്നു വരുന്നു. ഇനിയും കൊണ്ട് നിൽക്കാൻ എനിക് പ്രാപ്തി ഇല്ല. ഇനിയും കൊണ്ടൊണ്ട് ഇരുന്ന പെട്ടെന്ന് തന്നെ അവൻ എന്നെ പള്ളികാട്ടിലേക് പറഞ്ഞയക്കും. അതിനു മുൻപ് പ്രേതിരോധികുക എന്നതേ മാർഗമുള്ളൂ.

അവൻ എന്റെ അടുക്കലേക് നടന്ന് എത്താറായതും ഞാൻ എണീറ്റ് അവന്റെ അടുത്തേക് ഓടി ചെന്നവന്റെ പിന്നിലൂടെ എന്റെ ഇടത് കൈ കൊണ്ട് പോയി അവന്റെ ഇടത് ഭാഗത്തൂടെ എന്റെ വലത് കൈ കൊണ്ട് ലോക്കും ചെയ്ത് അവനെ പിന്നീലെക് ഉന്തി കൊണ്ടിരുന്നു.

എന്റെ അപ്രതീക്ഷിത അറ്റാക്കിൽ അവൻ നാലഞ്ചടി പിന്നോട്ട് വച്ചു ബാലൻസ് കിട്ടാതെ നിലത്തേക്ക് വീണു. അവന്റെ മുകളിലായി ഞാനും. നിലത്ത് വീണതും അവൻ പെട്ടെന്ന് അടങ്ങി, പിന്നെ എന്റെ പുറത്ത് അവന്റെ കൈകൾ കൊണ്ട് ചെണ്ട കോട്ടും പോലെ അടിക്കാൻ തുടങ്ങി.

പുറം അവൻ പള്ളിപ്പുറം ആകുന്നതിന് മുൻപ് ഞാനവന്റെ കഴുത്തിൽ എന്റെ കൈ കൊണ്ട് ലോക്കിട്ടു.

പുറത്ത് നടക്കുന്ന കലാ പരുപാടിയുടെ ഒച്ചയും ബഹളവും കേട്ട് പുറത്തേക്ക് വന്ന അവന്റെ അമ്മയും അച്ഛനും ചിന്മയയും കാണുന്നത് ഞങ്ങടെ അടിയാണ്.

അവന്റെ കഴുത്തിൽ ലോകിട്ടതോടെ അവൻ എന്റെ മുടി പിടിച്ച് വലിക്കാൻ തുടങ്ങി കൂടാതെ കിടന്ന കിടപ്പിൽ തെണ്ടി എന്നെ ചവിട്ടാനും നോക്കുന്നുണ്ട്. ഞാൻ എന്റെ കാൽ കൊണ്ടവന്റെ കാൽ ലോക് ചെയ്യാനും ഒപ്പം ഇടത്തെ കയ്യോണ്ട് തല്ലനും നോക്കി കൊണ്ടിരുന്നു.

“ അച്ഛാ അവരെ പിടിച്ചു മാറ്റ്‌ “. ചിന്മയ ഇത് കണ്ടു അച്ഛനോട് പറഞ്ഞു. പക്ഷെ അച്ഛൻ യാതൊരു അനക്കവും ഉണ്ടായില്ല ഇതെല്ലം കണ്ടോണ്ട് നിക്കുക മാത്രമാണ് ചെയ്തത്.

“ അമ്മേ അവർ തല്ലുന്നത് കണ്ടില്ലേ അവരെ മാറ്റ്‌ “. അമ്മയും ഒന്നും പ്രേതികരിച്ചില്ല.

അമ്മയോടും അച്ഛനോടും പറഞ്ഞിട്ടും അവർ ഒന്നിനും മുതിരാത്തത് കണ്ടപ്പോൾ ചിന്മയ ഞങ്ങളെ പിടിച്ചു മാറ്റാൻ വന്നു. പക്ഷെ അച്ഛൻ അവളുടെ കയ്യിൽ പിടിച്ചു. എന്തേ എന്ന രീതിയിൽ അവൾ അച്ഛനെ നോക്കി.

“ നീ ഈ കാര്യത്തിൽ ഇടപെടേണ്ട, അവർ തന്നെ അത് സോൾവാകും. നീ ഇതിൽ ഇടയിൽ കയറിയാൽ നിനക്ക് അവരുടെ കയ്യിൽ നിന്നും നല്ലത് പോലെ കിട്ടും “. അച്ഛൻ പറയുന്നത് കേട്ട് അച്ഛനെയും ഞങ്ങളെയും ഒരു ദയനീയ രൂപത്തിൽ ചിന്മയ നോക്കി.

ഞങ്ങടെ അടിയുടെ തലങ്ങൾ ഒക്കെ മാറിയിരുന്നു. പല പൊസിഷനുകളിലും കിടന്ന് തല്ലാൻ തുടങ്ങി. അവസാനം രണ്ടു പേർക്കും നല്ല വേതന ആയപ്പോ ഞാനൊരു ഡിമാൻഡ് വച്ചു.

“ രാഹുലേ പട്ടി നല്ല വേതന യെടുക്കുന്നുണ്ട് നമ്മക്കിത് ഇവിടെ നിർത്താം, ഒരുമിച്ച് “. വേതന കൊണ്ടും കലിപ്പ് കൊണ്ടും ഞാൻ പല്ല് കടിച്ചു പറഞ്ഞു.

“ ഇല്ലെടാ പന്നി ചത്താലും ഞാൻ നിന്നെ വിടില്ല. നിന്റെ മരണം എന്റെ കൈ കൊണ്ടാണ് “. അവന് ഒരു തരത്തിലുള്ള വിട്ടു വീഴ്ചക്കും തയ്യാറല്ല.

“ മതി, രണ്ടു പേരുടെയും തല്ല് ഇപ്പൊ നിർത്തിക്കോണം അല്ലെങ്കി ഈ സരസ്വതി ആരാന്ന് രണ്ടാളും അറിയും, പറഞ്ഞേക്കാം “. അവസാനം ഇതൊന്ന് ഒത്ത്‌ തീർപ്പാക്കാൻ അമ്മ വേണ്ടി വന്നു.

ഞാൻ അവന്റെ കഴുത്തിലുള്ള പിടി അയച്ചപ്പോ അവനും എന്റെ മുടിയും ചെവിയും കൂടി പിടിച്ചിരുന്ന പിടി വെല്ലെ അയച്ചു. ഞാൻ മറ്റേ കൈ കൊണ്ട് അവനെ മാന്തി പിടിച്ചിരുന്ന പിടിയും വിട്ടു. അവന്റെ നെഞ്ചിലെ പിടിയും വിട്ടു കാലും സ്വതന്ത്രമാക്കി. ഞാനും അവനിലുള്ള എല്ലാ പിടിയും വിട്ട് കുറച്ചു മാറി ഇരുന്ന് ചെവിയും മുടിയും വേതന ഉള്ള ഇടത്തൊക്കെ തടവാൻ തുടങ്ങി.

അവനും കഴുത്തിലും മുഖത്തും മറ്റും തടവാന് ചുമക്കാനും തുടങ്ങി.