വൈഷ്ണവം 10 [ഖല്‍ബിന്‍റെ പോരാളി ?] 332

താന്‍ ഒരിക്കലും നിറയരുത് എന്ന് കരുതിയിരുന്ന കണ്ണുകള്‍ കലങ്ങി മറഞ്ഞു നില്‍ക്കുന്നത് കണ്ണന്‍റെ മനസിനെ മുറിവേല്‍പിച്ചു…. എവിടെ നിന്നോ കലി കയറി വരുന്ന പോലെ…. അവന്‍ ഉറച്ച ധൈര്യത്തോടെ അവരുടെ അടുത്തേക്ക് നടന്നു….

എന്താടീ…. നിന്‍റെ കല്യാണം കഴിഞ്ഞെന്ന് കേട്ടല്ലോ…. പക്ഷേ നിന്‍റെ രൂപം കണ്ടിട്ട് അവന്‍ ശരിക്ക് നിന്നെ തൊട്ടാത് പോലെയില്ലലോ….. എന്തേയ് അവന് വേണ്ടതൊന്നുമില്ലേ….. അവളുടെ മുന്നില്‍ നില്‍ക്കുന്ന സൈസ് സാധനം ഉറക്കെ ചോദിച്ചു…..

കണ്ണന്‍ ഒരു നിമിഷം ഞെട്ടിപോയി…. പറഞ്ഞതില്‍ സത്യമുണ്ടെങ്കിലും തന്‍റെ ആണത്തതിനെറ്റ കനത്ത അടിയായി അത് തോന്നി…. മറ്റവന്‍ തുടര്‍ന്നു….

എടീ…. നിനക്ക് കൊതിയുണ്ടെങ്കില്‍ പറഞ്ഞ മതി…. ഞാന്‍ കൊണ്ടുപോയ്ക്കൊള്ളാം…. നിന്‍റെ രൂപം വെച്ചിട്ട് രണ്ടുദിവസം മതിയാവും ഒക്കെ മനസിലാക്കാന്‍…. അവന്‍ ഒരു കൊലചിരിയോടെ അവന്‍ വിളിച്ചു പറഞ്ഞു….

അതും കുടെ കേട്ടതോടെ കണ്ണന്‍റെ ശരീരത്തില്‍ ഒരു മിന്നലടിച്ച പോലെ തോന്നി. അവന്‍റെ കണ്ണില്‍ അവനെ തീര്‍ക്കാനുള്ള പക നുരഞ്ഞുപൊന്തി…. കൈകളിലേക്ക് ബലം വെക്കുന്ന പോലെ തോന്നി… അവന്‍റെ ഞെരമ്പുകള്‍ വരിഞ്ഞു മുറുകി….

അവസാനം പറഞ്ഞ വാക്കുകള്‍ കുടെ കേട്ടപ്പോഴെക്കും ചിന്നുവില്‍ നിന്ന് കരച്ചിലിന്‍റെ ആക്കം കുടിയിരുന്നു. അവളുടെ കരച്ചിലിന്‍റെ ശബ്ദം ഉയര്‍ന്നു വന്നു. ചുറ്റും കുടിയവര്‍ അവളെ ദയനീയമായി നോക്കുക മാത്രമേ ചെയ്തുള്ളു…. കണ്ണനും ആ കരച്ചിലില്‍ ഒരു നിമിഷം ഹൃദയം നിലച്ചുപോകുന്ന പോലെ തോന്നി. അവന്‍ അപ്പോഴെക്കും അവരുടെ അടുത്തെത്തിയിരുന്നു.

മറ്റവനിട്ട് കൊടുക്കുന്നതിനും മുമ്പ് ചിന്നുവിനെ സമാധാനിപ്പിക്കാനാണ് അവന് തോന്നിയത്. അവന്‍ നോര്‍ക്ക് നേര്‍ നിന്നിരുന്ന അവരുടെ ഇടയിലേക്ക് ഓടി കയറി. ചിന്നുവിന്‍റെ മുഖത്തിന് നേരയായാണ് കണ്ണന്‍ നിന്നത്….

ചിന്നു…. കണ്ണന്‍ വിളിച്ചു….

കണ്ണന്‍റെ വിളി കേട്ടതോടെ പൊത്തി പിടിച്ചിരുന്ന കൈ മാറ്റി അവള്‍ മുഖമുയര്‍ത്തി നോക്കി…. തന്‍റെ മുന്നില്‍ വിഷമത്തോടെ നില്‍കുന്ന കണ്ണേട്ടന്‍….

കലങ്ങിയിരിക്കുന്ന ചിന്നുവിന്‍റെ മുഖം കണ്ണനില്‍ ദേഷ്യവും സഹാനുഭുതിയും വിഷമവും സൃഷ്ടിച്ചു… കണ്ണുനിരില്‍ കുതിര്‍ന്ന കണ്‍മഷി കണ്ണുനിരിന് ഒപ്പം കവിളിലൂടെ ഒഴുകിയിരുന്നു….

അവന്‍ അവളുടെ ഇരു കവിളിലും പിടിച്ച് കണ്ണുനിര്‍ തുടച്ചു….

പക്ഷേ അപ്പോഴെക്കും കണ്ണന്‍റെ പിറകില്‍ നിന്നിരുന്ന സാധനത്തിന്‍റെ ക്ഷമ നശിച്ചിരുന്നു… അവന്‍ കണ്ണന്‍റെ തലയ്ക്ക് പിറകിലേക്ക് ഒരു കൊട്ട് കൊടുത്ത് പറഞ്ഞു….

ടാ…. ചെക്കാ…. നീയെതാടാ….. വെറുതെ വേണ്ടാത്ത പരുപാടിക്ക് നിന്ന് തല്ലു വാങ്ങികൂട്ടാതെ ക്ലാസില്‍ പോടാ….

കണ്ണനില്‍ പക നുരഞ്ഞുപൊങ്ങി… പക്ഷേ ആക്രമം താന്‍ പണ്ട് ഉപേക്ഷിച്ചതാണ്…. എതോ സിനിമയില്‍ പറയുന്ന പോലെ തന്‍റെയുള്ളില്‍ താന്‍ തന്നെ ചങ്ങലക്കിട്ട മൃഗം അത് പുറത്തു ചാടിയാ ചിലപ്പോള്‍ ചിന്നുവടക്കം പേടിക്കും….

അതുകൊണ്ട് അവന്‍ ശാന്തത കൈവരിക്കാന്‍ ശ്രമിച്ചു. അവന്‍ തിരിഞ്ഞ് ആ സൈസ് സാധനത്തിന് നേരായി നിന്നു. അവന്‍ രാവിലെ തന്നെ അടിച്ചുകയറ്റിയ മദ്യത്തിന്‍റെ ഗന്ധം മുക്കിലേക്ക് അടിച്ചുകയറുന്നുണ്ടായിരുന്നു.

ബോസേ….. ഇങ്ങനെ പെണ്‍കുട്ടികളോട് സംസാരിക്കുന്നത് ഒക്കെ മോശമല്ലേ…. കണ്ണന്‍ വിനയപൂര്‍വ്വം ചോദിച്ചു…..