ശിവശക്തി 5 [പ്രണയരാജ] 329

അവിടെ കത്തുന്ന വസ്ത്രം അത് നിങ്ങളുടെ ശരീരത്തിൻ്റെ പ്രതീകമാണ്. ഇവിടെ നിങ്ങൾ സമർപ്പിച്ചത് നിങ്ങളുടെ ആത്മാവും. ഈ നിമിഷം നിങ്ങൾ മരിച്ചു ജനിച്ചവരാണ്. ഇതു വരെ ഉണ്ടായിരുന്ന എല്ലാ ബന്ധങ്ങളിൽ നിന്നും നിങ്ങൾ മുക്തരാണ്. എനി ആദി ദേവൻ നിങ്ങളെ ദത്തെടുക്കുന്നതോടെ നിങ്ങൾ അദ്ദേഹത്തിൻ്റെ മകളാവും, നിങ്ങളുടെ പുനർജൻമം.

നിറമിഴികളോടെ അവർ അതിന് സമ്മതം മൂളി.

കുട്ടികളുടെ മതാപിതാക്കൾ അവിടെ തന്നെ കാത്തു നിൽക്കുകയാണ്. ഗുരുദേവൻ്റെ മന്ത്രോച്ഛാരണം വീണ്ടും  ഉയർന്നു. ഒടുക്കം കുറച്ചു നേരം ധ്യാനത്തിൽ ഇരുന്ന ശേഷം പറഞ്ഞു.

ആദി ദേവാ… ശിവകാമി,……

എന്താ ഗുരുനാഥാ…

ഇവരുടെ മാതാപിതാക്കൾ ജീവനോടെ ഉള്ളതിനാൽ..

ഒരു നിമിഷം പലരുടെയും മനസിൽ പ്രാണഭയം നിഴലിച്ചിരുന്നു. ഗുരുദേവൻ്റെ വാക്കുകളിൽ.

അവർ നിനക്ക് മകളെ ധാനമായി നൽകേണ്ടതുണ്ട്.

അങ്ങനാവട്ടെ ഗുരുനാഥാ….

എങ്കിൽ അവിടെ കാണുന്ന പീഠത്തിൽ ഇരിക്കുക.

അവർ അതനുസരിച്ചു.

അവരുടെ കൈയ്യിൽ ഗുരുദേവൻ താമരപ്പൂ വെച്ചു. ആദിദേവനും ശിവകാമിയും കൈ ചേർത്തു വെച്ചു നിന്നു. അവർക്കരികിൽ മഞ്ഞൾ, ഭസ്മം, തുളസി, തെച്ചിപ്പു ചേർത്ത ജലം വലിയ പനയിൽ വച്ചിട്ടുണ്ട് . പെൺക്കുട്ടിയുടെ മാതാപിതാക്കൾ അവിടെ വരും. അവർ രണ്ടു പേരും കൈ ചേർത്തു പിടിക്കും ആ കൈകളിൽ കൂവളയിലകൾ ഉണ്ട്.

രാജൻ്റെ കൈക്കു മുകളിലായി അവരുടെ കൈ നിൽക്കും ആ സമയം പാനയിലെ ജലം ഒരു ഭടൻ യഥാർത്ഥ മാതാപിതാക്കളുടെ കൈയ്യിൽ ഒഴിക്കും കൂവളയിലയിലൂടെ ആ ജലം താമരയിൽ പതിച്ച് അവരുടെ കൈകളിലെത്തും. അങ്ങനെ ധാന കർമ്മം പൂർത്തിയാകും.

അതു കഴിഞ്ഞ ശേഷം കുട്ടിയെ ഏറ്റെടുത്ത അമ്മ അതായത്, ശിവകാമിയമ്മ ഒരു പറ നെല്ല് ധാനം  നൽകിയ അമ്മയുടെ മടിശീലയ്ക്കു നൽകണം. പത്തു മാസം കുഞ്ഞിനെ ചുമന്നതിനും പേറ്റു നേവ് സഹിച്ചതിനും അവരോടുള്ള നന്ദിയായാണ് അതു നൽകുന്നത്.