ശിവശക്തി 5 [പ്രണയരാജ] 329

എന്നൊരു അലറലോടെ കാർത്തുമ്പി കണ്ണു തുറന്നു. എഴുന്നേറ്റിരുന്ന അവളുടെ കണ്ണിലെ തീക്ഷണത താങ്ങുവാൻ ആ അമ്മയ്ക്കുമായില്ല. അവർ പോലും അറിയാതെ ആ അമ്മ ഒരു നിമിഷം സ്വന്തം മകളെ ഭയത്തോടെയാണ് നോക്കിയത്, കാരണം തീക്ഷണമായ അവളുടെ മിഴികൾ ഒപ്പം ചുവന്നു തുടുത്ത ആ മുഖം , കടിച്ചമർത്തിയ പല്ലുകൾ, ഒപ്പം വിറകൊള്ളുന്ന ശരീരം ഒരു നിമിഷം ആരും ഭയന്നു പോകും.

അമ്മ ഇപ്പോ എന്തിനാ അവനെ കരയിക്കുന്നത്

അവളുടെ ആ ചോദ്യത്തിൽ ഒരു നിമിഷം പതറി പോയ ആ അമ്മ പതിയെ പറഞ്ഞു.

അത് മോളെ അവനെ ഉറക്കാൻ

അതാണോ… ഇങ്ങു തന്നെ

അവൾ കൈ നീട്ടിയതും അവൻ അവളുടെ അടുത്തേക്ക് ചാടാൻ വെമ്പൽ കൊണ്ടു, അവളുടെ അമ്മ വേഗം അവനെ അവൾക്കു കൈ മാറി. അവൻ്റെ നെറുകയിൽ കാർത്തുമ്പി ഒരു സ്നേഹചുംബനം ഏകി പിന്നെ അവനെ തൻ്റെ അടുത്ത് കിടത്തി.

ചേച്ചിടെ ചക്കരയല്ലേ… ചാച്ചോ…..

അവൾ അതു പറഞ്ഞ അടുത്ത നിമിഷം തൻ്റെ വലതു കൈയ്യിലെ തള്ള വിരൽ വായിലിട്ട് നുണയാൻ അപ്പു തുടങ്ങി. ഈ കൈ അവളുടെ വലതു മുട്ടു കൈയിൽ തടവി അവൻ കണ്ണുകളടച്ചു കിടന്നു.

അമ്മേ…. പൊക്കൊ… ഒരു പത്ത് മിനിറ്റ് അവൻ ഉറങ്ങും എനി ഞാൻ വിളിക്കുമ്പോഴേ… ഉണരൂ..

ശരിയെന്ന് തലയാട്ടി മുറിക്കു പുറത്തിറങ്ങിയ കാർത്തുമ്പിയുടെ അമ്മ ആകെ ചിന്താ കുഴപ്പത്തിലാണ്. തൻ്റെ മകളും ആ കുഞ്ഞും തമ്മിലുള്ള ബന്ധം ആരെയും ആശ്ചര്യചകിതരാക്കും.

എത്ര ആഴമുള്ള ഉറക്കത്തിലും കുഞ്ഞിൻ്റെ സ്പർഷനം അവൾ അറിയും, അവൻ്റെ കരച്ചിൽ അതു കേൾക്കുമ്പോ അവളിലുണ്ടായ മാറ്റം , അതൊക്കെ പോട്ടെ എന്നു വെക്കാം, പക്ഷെ അവൾ ഒരു വാക്ക് പറഞ്ഞപ്പോയേക്കും കുഞ്ഞ് അടങ്ങി കിടന്നുറങ്ങുന്നതെങ്ങനെ, വിവരം ഉദിക്കാത്ത പ്രായം കളിക്കേണ്ട പ്രായം ഓരോ അമ്മമാർ കുഞ്ഞിനെ ഉറക്കാൻ പാടുപെടുമ്പോ… ഒരു വാക്ക്, കുഞ്ഞുറങ്ങി. ഇതൊക്കെ ആരേലും കേട്ടാൽ വിശ്വസിക്കുമോ…

ചിന്താ കുഴപ്പത്തോടെ ആ അമ്മ അടുക്കളയിലേക്ക് നീങ്ങി.

?????

മഹാകാളി ക്ഷേത്രത്തിൽ കാളി പൂജ  ഓരോ നാഴികയിലും ശക്തമാവുകയാണ്. അഗ്നി ആളി പടരുകയാണ്, ഗുഹയിലെ താപനില ക്രമാതീതമായി ഉയരുകയാണ്. കന്യകമാരിൽ പലരും ക്ഷീണിതയായി തുടങ്ങിയെങ്കിലും അവരുടെ ഉള്ളിലെ നാളെ എന്ന ദിനത്തെ കുറിച്ച് കൂടി വന്ന പേടി, ഭയം അവ അവരുടെ മനോബലം കൂടുതൽ കൂടുതൽ ബലപ്പെടുത്തി.

തൊണ്ട വറ്റിവരണ്ട ചിലർ ദാഹജലം കുടിക്കണമെന്നു മനസിൽ ഉദിക്കുന്ന നിമിഷം പഞ്ചാക്ഷരി ചെല്ലി.ദാഹശമനം കണ്ടെത്താൻ ശ്രമിച്ചു . ഈ സമയം മൂന്ന് പെൺ കുട്ടികൾ ബോധരഹിതരായി വീണു.