ശിവശക്തി 5 [പ്രണയരാജ] 329

കാളിയുടെ വാക്കുകളും പരിഭവവും ആ അമ്മയുടെ മിഴികൾ നിറച്ചു എന്നതാണ് സത്യം . വെറുമൊരു സ്ത്രീ വിരുദ്ധനായ അവനിൽ മകളുടെ സ്ഥാനം കരസ്ഥമാക്കാൻ തൻ്റെ മകൾക്കെങ്ങനെ ആയി എന്ന ചിന്തയോടെ അവൾ കാലടി മുന്നോട്ടു വെച്ചു.

 

കാർത്തുമ്പിയുടെ മുറിയുടെ മുന്നിൽ അവളുടെ അമ്മ എത്തി നിന്നതും

 

അമ്മേ…..

 

എന്താ…. മോളെ

 

അമ്മാ… ചോരാ…..

 

സംശയം തോന്നിയ അവളുടെ അമ്മ കാളിയോട് ഇപ്പോ വരാം എന്നു പറഞ്ഞ്,  വാതിൽ അടച്ചു കുറ്റിയിട്ടു . പുറത്ത് കാര്യമറിയാതെ കാളി, തലങ്ങും വിലങ്ങും നടന്ന് തൻ്റെ  പരിഭ്രമം തുറന്നു കാട്ടി. പെട്ടെന്ന് വാതിൽ തുറന്നതും കാളി, അവളുടെ അമ്മയ്ക്കരികിൽ വന്നു.

 

എന്താ…. എന്താ ഉണ്ടായേ…

 

അവളുടെ അമ്മ ഒന്നു പുഞ്ചിരിക്കുക മാത്രം ചെയ്തു

 

ഡോക്ടറുടെ അടുത്തു പോണോ

 

അതൊന്നും വേണ്ട കാളി,

 

വേണ്ടെന്നോ…. എന്താ എൻ്റെ കൊച്ചിന്

 

അവൾ വല്യ കുട്ടിയായി…

 

എന്ത്,

 

അതെ, അവളിപ്പോ വല്യ പെൺകൊച്ചായി.

 

ഒരു നിമിഷം ഇരുവർക്കും ഇടയിൽ നിശബ്ദത മാത്രം, പിന്നെ അവളുടെ അമ്മ തന്നെ പറഞ്ഞു.

 

ഞാൻ അവളെ കൊണ്ടു പൊക്കോളാം

 

എന്തിന്,

 

അത് കാളി, എനി അവളെ കുറച്ച് ശ്രദ്ധിക്കണം പിന്നെ ചടങ്ങുകൾ

 

അതൊക്കെ ഇവിടെ വെച്ചു നടത്തിയാ മതി

 

കാളി, ഇത് സ്ത്രീകളുടെ പരിപാടിയാ… അപ്പോ ഇവിടെ

 

മോൾടെ കാര്യത്തിന് ആര് വന്നാലും പോയാലും എനിക്കൊന്നുമില്ല.

 

കാളിയുടെ മാറ്റം ശരിക്കും ആ അമ്മയെ ആശ്ചര്യചകിതയാക്കി. ഒടുക്കം കാളിയുടെ നിർബദ്ധപ്രകാരം സമ്മതം മൂളി, അവൻ്റെ സമ്മതത്തോടെ മകളുടെ മുറിയിൽ ആ അമ്മയും വസിച്ചു.

 

?????