ശിവശക്തി 5 [പ്രണയരാജ] 329

അതെ അവൻ മരിക്കുന്ന അടുത്ത നിമിഷം അവൾ മരിച്ചിരിക്കും. അതുപോലെ അവൾ മരിച്ചാൽ അവനും, അത് മരണ യോഗം ഒന്നും ഒരു കാരണമല്ല.

 

മനസിലായില്ല ആചാര്യാ….

 

10-ാം വയസിലെ മരണ യോഗം മറികടന്നാൽ കുഞ്ഞിനു പിന്നെ മരണ യോഗമില്ല. പക്ഷെ ഭൂമിയിൽ അവൻ്റെ മരണം വസിക്കുന്നു.

 

എന്നു വെച്ചാൽ

 

അവളുടെ ഹൃദയം നിലച്ചാൽ അവന് അതിജീവിക്കാനാവില്ല.

 

അപ്പോ ശത്രുക്കൾ ഇതറിഞ്ഞാൽ

 

അവൻ്റെ നാശം,

 

മറ്റൊരു വഴിയുമില്ല,

 

ഉണ്ട്, ഇപ്പോ അവൻ്റെ ഹൃദയത്തിൻ്റെ പാതി ആ മനുഷ്യ സ്ത്രീ ആണ്, അതിൽ കാമം, പ്രണയം, ദാമ്പത്യം എന്നീ ബന്ധങ്ങൾ ഇല്ല , ഇവ ഒഴികെ മറ്റു ബന്ധങ്ങളാൽ അവർ പരസ്പരം ബന്ധിതരാണ്.

 

അതായത്, മാതൃത്വം, സാഹോദര്യം, സ്നേഹം, പ്രിയം അങ്ങനെ അനേകം

 

അതെ, ഇതിൽ ജനിക്കാനിരിക്കുന്ന ശക്തിക്ക്, അവനിലേക്കുള്ള വഴി പ്രണയം, അവനിലെ ബന്ധം സ്ഥാപിക്കാൻ മാംഗല്യം, അവനെ പുർണ്ണമായി സ്വന്തമാക്കാൻ കാമം അതാണ് അവൾക്കുള്ള വഴികൾ.

 

അതു കൊണ്ട് ആ മനുഷ്യ കുലജാതയെ അവൻ മറക്കുമോ…

 

ഒരിക്കലും ഇല്ല, പക്ഷെ, അവൻ്റെ ഹൃദയത്തിൻ്റെ പാതിയെ രണ്ടാക്കാനാവും, രണ്ടാക്കും അവനിൽ തുല്യ അവകാശം സ്ഥാപിക്കാനാവും.

 

ഇതൊരു വല്ലാത്ത പരീക്ഷണമാണല്ലോ…

 

എല്ലാം ശിവമയം

 

?????

 

കാളിയുടെ വീട്ടു പടിക്കലെത്തിയ കാർത്തുമ്പിയുടെ അമ്മ ഒരു നിമിഷം നിശ്ചലയായി. കാളിയുടെ നൻമകൾ അവർക്കറിയാം പക്ഷെ ഇന്നും കാളി സ്ത്രീവിരുദ്ധൻ തന്നെയാണ്. ഇതു വരെ കളിയുടെ ഭവനത്തിൽ കാർത്തുമ്പിയല്ലാതെ മറ്റൊരു സ്ത്രീ കാലു വെച്ചിട്ടില്ല. അത് കൊണ്ട് തന്നെ അവൾ കാൽ വെക്കാൻ മടിച്ചു നിന്നു.

 

എന്താ… എന്താ.. അവിടെ തന്നെ നിന്നത്

 

അത് കാളി ഞാൻ

 

എൻ്റെ പെങ്ങളെ ഒന്ന് കയറി വാ… എൻ്റെ മോൾക്ക് എന്താ… പറ്റിയെ എന്നെനിക്കറിയില്ല, പേടിയാവുന്നു.