ശിവശക്തി 5 [പ്രണയരാജ] 329

അതെ, ശിവകാമിയുടെ മാതൃത്വം അത് നഷ്ടമായി

എന്ത്, ഗുരുനാഥാ എന്താ ഈ പറയുന്നത്

അതെ, കുഞ്ഞ് ശിവകാമിയിൽ നിന്നും മുലപ്പാൽ സേവിച്ചിട്ടില്ല

ഇല്ല , ഗുരുദേവാ…

എന്നാൽ ആ മനുഷ്യ സ്ത്രീയുടെ മാറിൽ തൊട്ടു കൊണ്ടവൻ നാവിൽ നുണച്ചത്  മുലപ്പാലിൻ്റെ സ്വാദാ….

ഗുരുനാഥാ……

അതെ, അതു കൂടാതെ അവളുടെ ഉദരത്തിൽ ഗർഭാശയ അവസ്ഥയിൽ കിടന്ന്, പത്തു മാസം ഭാരം ചുമന്നതും അവൾക്കു നൽകി.

എനി ബാക്കിയുള്ളത് പേറ്റു നോവാണ് പക്ഷെ , അതെങ്ങനെ പകരും.

ആചാര്യാ…..

ആ നോവു കൂടി അവൾ നുകർന്നാൽ പൂർണ്ണ അവകാശം അവൾക്കു മാത്രം, പിതാ സ്ഥാനത്ത് ഇപ്പോഴും ആദി ദേവൻ നിൽക്കുന്നതിനാൽ ഇവിടെ നാം ചെയ്യുന്ന പൂജകളും ഫലം കാണും.

ആചാര്യാ… പേറ്റുനോവ് അവൾക്കെങ്ങനെ പകരാൻ ആവും

കാർത്തുമ്പിയുടെ ഉദരത്തിൽ ചുരണ്ടു കൂടി കിടന്ന കുഞ്ഞിൻ്റെ കൈകൾ ആ വയറിലൂടെ ഓടി നടന്നതും അവൾ അലമുറയിട്ടു കൊണ്ട് ചാടി എഴുന്നേറ്റു പോയി. അടുത്ത നിമിഷം നിലത്തു വീണ അപ്പുവിൻ്റെ കരച്ചിലും ഉയർന്നു വന്നു.

അതികഠിനമായ വയറു വേദനയിലും അവളവനെ തൻ്റെ മാറോടണച്ചു. ആ നിമിഷം അവനിലെ ദുഖ സാഗരം ശാന്തമായി, പുഞ്ചിരിയുടെ വസന്തം വിളയാടി.  എന്നാൽ വേദനയും, ഒപ്പം ഉയർന്നു വന്ന ഭയവും അവളുടെ മുഖത്ത് തെളിഞ്ഞു നിന്നു.

അവളുടെ അകം തുടകൾ ഈർപ്പമണിയുന്നത് അവൾ അറിയിഞ്ഞിരുന്നു. വേദനയിലും അവളുടെ കൈകൾ പതിയെ തുടകളെ തേടി പോയി. കൈയ്യിൽ പറ്റിയ നനവ് തൻ്റെ മിഴികളാൽ കണ്ട നിമിഷം അവൾ ഭയചകിതയായി മാറി.

അമ്മേ…….

അവളുടെ അലമുറ കേട്ട് ഓടിയെത്തിയ കാളിയും അവളുടെ മുഖഭാവവും അവസ്ഥയും കണ്ട് പരിഭ്രാന്തനായി

എന്താ…. മോളെ…