{[ഹായ് ഫ്രെണ്ടസ്….
വീണ്ടുമൊരു പുതിയ ഭാഗവുമായി ഞാനെത്തി കേട്ടോ…. ഇതൊരു കഥ മാത്രമാണ്. അതിന്‍റെതായ ഭാവനകളുടെ അതിപ്രസരവുമെല്ലാം ഇതില്‍ കണ്ടേക്കാം…. കഥ തുടങ്ങുമ്പോ പത്ത് ഭാഗത്തില്‍ നിര്‍ത്താന്‍ ഉദ്ദേശിച്ച കഥയാണ്…. എങ്ങിനെയോ നീണ്ടുപോയി. ഇനിയിപ്പോ എന്ന് നില്‍ക്കുമെന്ന് അറിയില്ല. എന്നാലും ഇതുപോലുള്ള നാലോ അഞ്ചോ ഭാഗങ്ങളില്‍ ഈ കഥയും അവസാനിക്കും. മുഷിപ്പ് തോന്നിയാല്‍ ക്ഷമിക്കുക. കുടെ തെറ്റുകുറ്റങ്ങളും….]}

✦✧━━━━━━∞༺✧༻∞━━━━━━✧✦

🌞 ഋതുഭേദങ്ങൾ 🌧️  10 

RithuBhedangal Part 10 | Author : Khalbinte Porali | Previous Part

✦✧━━━━━━∞༺✧༻∞━━━━━━✧✦

രാത്രിയുടെ ആകാശം നക്ഷത്രങ്ങളാല്‍ മിന്നിതിളങ്ങി. കുടെ പാല്‍നിറച്ച പാത്രം പോലെ ചന്ദ്രനും… ആ ആകാശത്തിന് താഴെ ചൂരല്‍ ചാരുകസേരയില്‍ ആകാശം നോക്കി കിടക്കുകയായിരുന്നു ദേവ്…. അവനകില്‍ പാതി ശരീരം അവന്‍റെ ദേഹത്തായി അനുവും കിടക്കുന്നുണ്ട്. നിശബ്ദമായിരുന്ന രണ്ടുപേരും എന്തോ ചിന്തയിലായിരുന്നു.

““എന്താടീ ചിന്തിച്ചുകുട്ടുന്നത്…..”” തന്‍റെ നഗ്നമായ നെഞ്ചില്‍ തല വെച്ചു ആകാശത്തേക്ക് നോക്കി കിടക്കുന്ന അനുവിനെ നോക്കി ദേവ് ചോദിച്ചു.

““ഞാന്‍ മരിച്ചുപോവില്ലേ…..?”” അനു ചിന്തയില്‍ നിന്നുയര്‍ന്നു ദേവിനെ നോക്കി ചോദിച്ചു.