Return of Vampire 4

Author : Damon Salvatore | Previous part

ആദ്യം തന്നെ കഥ പോസ്റ്റ് ചെയ്യാൻ വൈകിയതിൽ ക്ഷമ ചോദിക്കുന്നു. ചില പ്രശ്നങ്ങൾ കൊണ്ട് പെട്ടെന്ന് എഴുതി ഇടാൻ പറ്റിയില്ല. അടുത്ത പാർടും കഴിയുന്നതിലും വേഗം ഇടുന്നതായിരിക്കും.

“””””””””””””””””””””””””””””””””””””””””””

ദക്ഷ അയാളുടെ അടുത്തെത്തിയത്തും അയാൾ മുഖമുയർത്തി അവളുടെ കണ്ണുകളിലേക്ക് നോക്കി, അയാളുടെ കണ്ണുകൾ ഒന്ന് കുറുകി. മനസ്സിലേക്ക് എന്തൊക്കെയൊ അവ്യക്ത ചിത്രങ്ങൾ മിന്നിമാഞ്ഞു.

മുമ്പിൽ നിൽകുന്ന ദക്ഷയുടെ സാദൃശ്യമുള്ള വേറെ ഒരു പെൺകുട്ടി, അവളുടെ വേഷം പക്ഷേ വ്യത്യസ്തമാണ്. ഒരു പഴഞ്ചൻ വേഷമാണവൾ ധരിച്ചിരുന്നത്. അവളെ അയാൾ ലിയ എന്നു വിളിക്കുന്നതും, ഒരു സഹോദരിയോട് എന്നപോലെ അവളെ സ്നേഹിക്കുന്നതും അവളുടെ ചെറിയ ആഗ്രഹങ്ങൾ പോലും സാധിച്ചു കൊടുക്കുന്നതും. അവരുടെ പല പല ഓർമകളും കൂട്ടത്തിൽ അന്നൊരു ക്രിസ്തുമസ് രാവിൽ കുടുംബത്തോടെ ക്രിസ്തുമസ് ആഘോഷിക്കുന്നതും മറ്റും. എന്നിരുന്നാലും മറ്റുള്ളവരുടെ മുഖം അയാൾക് വ്യക്തമായിരുന്നില്ല.

ദക്ഷയ്ക് ചെറിയ പേടി തോനിയിരുന്നെങ്കിലും അത് പ്രകടിപ്പിക്കാതെ അയാളോട് “താങ്കൾ ആരാണെന്ന് ” ചോദിച്ചു, പക്ഷേ ചോദിക്കുമ്പോഴെക്കും പേടികൊണ്ട് അവളുടെ ശബ്ദം ചിലമ്പിച്ചിരുന്നു.

അയാൾ ഒന്നുകൂടെ സസൂക്ഷ്മം ദക്ഷയെ നോക്കിക്കൊണ്ട് “ലിയ” എന്ന് വിളിച്ചു.

അതുകെട്ടത്തും ദക്ഷ പുറകിലേക്ക് നോക്കി, ആരെയാണ് അയാൾ വിളിച്ചതെന്ന് നോക്കാൻ. പക്ഷേ അപ്പോഴേക്കും കൂടെയുണ്ടായിരുന്ന പെൺപടകൾ ധൈര്യം ഉള്ളതുകൊണ്ട് ആൺമ്പില്ലേരുടെ പുറകിൽ ഒളിച്ചാരുന്നൂ. അയാൾ വിളിച്ചത് തന്നെ തന്നെയാണെന്ന് മനസ്സിലാക്കിയ ദക്ഷ തൻ്റെമേൽ വിരൽ ചൂണ്ടിക്കൊണ്ട്  മുഖം മുകളിലേക്കും താഴേക്കും ഒന്ന് ആട്ടികൊണ്ട് “എന്നെയാണോ എന്നു” ആംഗ്യം കാണിച്ചു.

അയാൾ തിരിച്ചു “അതെ”എന്നും പറഞ്ഞു. അപ്പോഴേക്കും പുറകിൽ ഉള്ളവർ ധൈര്യം സമേതിച്ച് മുന്നോട്ട് വന്നു നിന്നു.

ഡയാന :- ഹെയ് ദക്ഷ, നിനക്ക് ഇയാളെ മുമ്പെ പരിചയമുണ്ടോ???

ദക്ഷ :- ഏയ്, ഞാനിപ്പോഴാ ഇയാളെ ആദ്യമായ്  കാണുന്നതു തന്നെ.

കാവ്യ :- എന്നിട്ട് ഇയാൾക്ക് നിന്നെ കണ്ടിട്ട് പരിജയമുള്ളതുപോലെ തോനുന്നല്ലോ.