❤രാക്ഷസൻ 2 [hasnuu] 227

“ഒന്നൂല്ല ചേച്ചീ,,, ഒന്നൂല്ല…. ”

 

“നീയെന്താ ഇങ്ങനെ വിയർത്തു കുളിച്ചു നിൽകുന്നേ…”

 

“അതോ…. അത് പിന്നെ ഈ സ്റ്റെയർ ഓടി കയറി വന്നത് കൊണ്ടാകും… ”

 

“ആ…. എന്നാ പിന്നെ വേഗം പോയി ഡ്രസ്സ്‌ മാറി വാ…. ഞാൻ മേക്കപ്പ് ചെയ്ത് തരാ… ”

 

ചേച്ചിയോട് വേഗം വരാം എന്ന് പറഞ്ഞ് ഞാൻ വാതിൽ തുറക്കാൻ വേണ്ടി കൈ ലോക്കിലേക്ക് കൊണ്ട് പോയി…..ഇനി വരുന്നിടത്ത് വെച്ച് കാണാം എന്ന് കരുതി ഞാൻ വാതിൽ തുറന്ന് അകത്ത് കയറി…

 

പതിയെ പതിയെ മുന്നോട്ട് നടന്ന് അവൻ അവിടെ എവിടെയെങ്കിലും ഉണ്ടോ എന്ന് നോക്കിയതും,,,,,ബാത്‌റൂമിൽ നിന്ന് വെള്ളം വീഴുന്ന സൗണ്ട് കേട്ടു…

ഹാ അപ്പൊ മഹാൻ നീരാട്ടിലാ….

 

അവൻ പുറത്ത് ഇറങ്ങുന്നതിന് മുന്നേ എനിക്ക് ഡ്രസ്സിങ് റൂമിലേക്ക് കയറണം….അതിനുവേണ്ടി ഞാൻ ഡ്രസ്സ്‌ തിരയാൻ തുടങ്ങി…

തിരഞ്ഞ് തിരഞ്ഞ് എന്റെ ഊപ്പാടിളകി എന്നല്ലാതെ ഡ്രസ്സ്‌ കിട്ടിയില്ല…. ഈശ്വരാ ആ അഞ്ജു ചേച്ചി ഇതെവിടെയാണാവോ കൊണ്ട് വെച്ചത്….

 

അവന്റെ കുളി കഴിയാനായിട്ടുണ്ട് എന്നാ തോന്നുന്നേ….. ഇപ്പൊ വെള്ളം വീഴുന്ന ശബ്ദം ഒന്നും കേൾക്കാനില്ല… എന്റെ ഡ്രസ്സ്‌ ആണെങ്കിൽ കാണാനും ഇല്ലല്ലോ ദൈവമേ…. ഇനിയിപ്പോ എന്താ ചെയ്യാ….

 

കുറെ തിരഞ്ഞിട്ടും ഡ്രസ്സ്‌ കിട്ടിയില്ല എന്നാ പിന്നെ ആ രാക്ഷസനിട്ട് ഒരു പണി കൊടുത്താലോ….

കൊടുത്താലോ എന്നല്ല കൊടുക്കാം… തിരിച്ചു കിട്ടാതെ ഇരുന്നാൽ മതിയായിരുന്നു…

അതിന് എന്ത് പണിയാ കൊടുക്കാ..

 

തലപുകഞ്ഞ് ആലോചിച്ചിട്ടും ഒരു ഐഡിയയും വന്നില്ല… ഇനിയിപ്പോ എന്താ ചെയ്യാ എന്ന് കരുതി ചുറ്റും ഒന്ന് നോക്കിയതും പെട്ടന്നാണ് ആ സാധനം എന്റെ കണ്ണുകളിൽ ഉടക്കിയത്….

 

സന്തോഷം കൊണ്ട് എനിക്ക് നിൽക്കാൻ വയ്യ എന്ന് പറഞ്ഞാൽ മതിയല്ലോ….. ഹോയ് ഹോയ് ഹോയ്,,,അങ്ങനെ ആ ഷാംപൂ കയ്യിലെടുത്ത് അതിന് ഒരു അഞ്ചാറ് ഉമ്മ കൊടുത്തു….ടാ കാലമാടൻ രാക്ഷസാ നിനക്കുള്ള നെക്സ്റ്റ് പണി ഇതാ അണിയറയിൽ ഒരുങ്ങുന്നു…. ഹാ ഹാ ഹാ….തിരിച്ചു കിട്ടാതിരുന്നാൽ ഭാഗ്യം….