❤രാക്ഷസൻ 2 [hasnuu] 226

അവനോട് അങ്ങനെ ഒക്കെ പറഞ്ഞെങ്കിലും എന്റെ മനസ്സിൽ മുഴുവനും അവൻ പറഞ്ഞ ആ കാര്യം ആയിരുന്നു…..രാക്ഷസൻ ഇങ്ങനെ ആവാൻ മാത്രം എന്ത് പ്രശ്നം ആണാവോ അവർക്ക് ഇടയിൽ നടന്നെ…..ഇനി ഇവർക്ക് ഇടയിൽ വേറെ വല്ലോരും ഇറങ്ങി കളിച്ചോ…..അവൻ പറഞ്ഞത് വെച്ച് നോക്കുമ്പോൾ ഡിഗ്രി സെക്കന്റ്‌ ഇയർ വരെ അവർ കട്ട ചങ്ക്‌സ് ആയിരുന്നു….അതിനുശേഷം ആണ് ഇവർ പിരിഞ്ഞേ…അതും കോളേജിലെ ക്രിസ്മസ് സെലിബ്രേഷന്റെ അന്ന്….അങ്ങനെ ആണെങ്കിൽ അന്നെന്തായിരിക്കും നടന്നിട്ടുണ്ടാവുക…. ഹോ,,, തലയാകെ പെരുകുന്നു….. ഇതും ആലോചിച്ചിരുന്നാൽ ഒരുപക്ഷെ എനിക്ക് ഭ്രാന്ത് പിടിക്കും….

ഓനും ഓന്റെ ഒരു പ്രശ്നവും….

മനസ്സിൽ നിന്നും ഈ കാര്യം മറക്കാൻ വേണ്ടി വേറെ പല കാര്യങ്ങൾ എന്റെ മനസ്സിലേക്ക് കൊണ്ട് വന്നിട്ടും,,,,,ഈയൊരു കാര്യം മാത്രം എന്റെ മനസ്സിൽ ഒരു ചോദ്യചിഹ്നമായി കാണപ്പെട്ടു….

ഇനിയിപ്പോ ഇവന്റെ വായിൽ നിന്നും എന്തായാലും ഞാനാ കാര്യം കേൾക്കാൻ പോകുന്നില്ല….

എന്ന പിന്നെ രാക്ഷസനെ ഒന്ന് ചാക്കിട്ടു പിടിച്ചാലോ…. ചിലപ്പോ പറഞ്ഞ് തന്നാലോ…

ഹാ,,,,,നോക്കാം എന്നൊക്കെ കരുതി റൂമിലേക്ക് പോകാൻ നിന്നപ്പോൾ ആണ് അമ്മ വന്ന് റിസപ്ഷന് ടൈം ആയി പോയി ഡ്രസ്സ്‌ മാറ്റി വരാൻ പറഞ്ഞെ…..ആ,,,, എന്തായാലും പോവല്ലേ അപ്പൊ പിന്നെ ഓനോട്‌ കാര്യവും ചോദിക്കാം ഒരുങ്ങുകയും ചെയ്യാം….അങ്ങനെ ഒരു വെടിക്ക് രണ്ട് പക്ഷി….. ഹായ് ഹായ് ഹോയ് ഹോയ്…..

അങ്ങനെ പ്ലാൻ ഒക്കെ സെറ്റ് ആക്കി ഒന്ന് നീട്ടി ശ്വാസവും വലിച്ച് വിട്ട്,,,, വാതിൽ തുറക്കാനായി കൈ ലോക്കിലേക്ക് കൊണ്ടുപോയതും പെട്ടന്നാണ് ആ രാക്ഷസൻ കലിപ്പായി റൂമിലേക്ക് കയറി പോയത് എന്റെ മൈൻഡ്ലേക്ക് ഓടി വന്നത്….. യാ ഗുദാ…

ഇനിയിപ്പോ എന്താ ചെയ്യാ….ആ കാര്യവും ചോദിച്ച് അവന്റെ മുന്നിലേക്ക് അങ്ങട്ട് ചെന്നാൽ മതി…പിന്നെ എന്റെ ചിതാ ഭസ്മം ഗംഗയിൽ കൊണ്ട് പോയി ഒഴുക്കേണ്ടി വരും…..

റൂം തുറക്കണോ അതോ വേണ്ടയോ എന്ന് ആലോചിച്ച് അവിടെ ആ ലോക്കിലേക്ക് തന്നെ നോക്കി നിന്നതും…. പെട്ടന്നാണ് പുറകിൽ നിന്നും ആരോ എന്നെ തോണ്ടിയത്…

ദൈവമേ ആ രാക്ഷസൻ ഒന്നും ആവരുതേ എന്ന് മനമുരുകി പ്രാർത്ഥിച്ചു കൊണ്ട് ഞാൻ വേണോ വേണ്ടയോ എന്ന രീതിയിൽ തിരിഞ്ഞ് നോക്കി….

അവിടെ നിൽക്കുന്ന ആളെ കണ്ടിട്ട്

എന്റെ മേൽപ്പോട്ട് പോയിരുന്ന ശ്വാസം അതേ പോലെ കീഴ്പ്പോട്ട് വന്നു…..അത്രക്കും ആശ്വാസം ആയിരുന്നു അവിടെ നിൽക്കുന്ന ആളെ കണ്ടിട്ട് എനിക്ക് ഉണ്ടായത്…

അത് വേറെ ആരും അല്ലാട്ടോ അഞ്ജു ചേച്ചിയാ….

“നീയെന്താ അമ്മു എന്നെ ഇതുവരെ കണ്ടിട്ടില്ലാത്ത പോലെ നോക്കുന്നെ…. ”