രാജമല്ലി ചോട്ടിൽ നിന്നും 2 [ജ്വാല] 1292

ഞാൻ ഷബ്‌നായുടെ സുഹൃത്താണ് , താങ്കളെപ്പറ്റി എന്നോട് പറഞ്ഞിട്ടുണ്ട്,
എന്റെ ഒപ്പം തന്നെയായിരുന്നു ഹോസ്റ്റലിലും അവൾക്ക് എന്താ സംഭവിച്ചത്?
എവിടെയാണ് അവൾ?
ഞാൻ ചോദിക്കാൻ ഉദ്ദേശിച്ച ചോദ്യങ്ങൾ ഓരോന്നായി ഇങ്ങോട്ട് ,
ഞാൻ എന്ത് പറയണം എന്നറിയാതെ നിസ്സഹായനായി ,
കുട്ടി ഇതറിയാൻ തന്നെയാണ് ഞാനും വന്നത്,
കഴിഞ്ഞ രണ്ട് വർഷത്തിനടുത് ഇതേ ചോദ്യമായി ഞാൻ അലയുന്നു.
ഫൈസൽ താങ്കൾക്ക് പറ്റിയ സംഭവങ്ങളുടെ അന്ന് വൈകിട്ട് ഇവിടെ നിന്ന് ബാഗും എടുത്ത് പോയതാണ് പിന്നെ ഒരു മടങ്ങി വരവ് ഉണ്ടായില്ല.അവളുടെ വാക്കുകൾ കെട്ട് ഞാൻ ഞെട്ടി തരിച്ചു, പിന്നെ അവളുടെ ബാപ്പ പറഞ്ഞത് ഓർത്തു ഒരു തീവ്രവാദിയെ മകൾക്ക് കൊടുക്കേണ്ട ആവശ്യം ഇല്ലല്ലോ?
ആ കുട്ടിയോട് യാത്ര പറഞ്ഞിറങ്ങുമ്പോൾ മനസ് നിർജീവമായിരുന്നു…
ഇരുന്നും, കിടന്നും മനസ്സിനെ പറഞ്ഞു മനസ്സിലാക്കി, ഷബ്‌ന നിന്നിൽ നിന്ന് പോയി,
അങ്ങനെ ഒരാൾ ഇല്ല നൂറാവർത്തി പറഞ്ഞു മനസ്സിനെ തൃപ്തി പെടുത്തിയാലും അവളുടെ ചിരിക്കുന്ന സുന്ദര മുഖം എന്നും വിരുന്നെത്തും…

കൊച്ചിയിലെ പ്രശസ്തമായ ഹോട്ടലിൽ വച്ചായിരുന്നു ഇന്റർവ്യൂ ,
എന്റെ സർട്ടിഫിക്കറ്റുകളുമായി ഞാൻ അവിടെ ചെന്നു ,
ചോദിച്ച ചോദ്യങ്ങൾക്ക് ഉത്തരം നൽകി, പിന്നെ എന്റെ എക്സ്പീരിയൻസും അവർക്ക് ബോധ്യമായി,
പിന്നീട് അറിയിക്കാം എന്ന് പറഞ്ഞു. പുറത്തേയ്ക്ക് ഇറങ്ങാൻ നേരമാണ് റിസപ്‌ഷനിലെ പെൺകുട്ടി എന്നോട് പറഞ്ഞു
ഫൈസൽ അല്ലേ,
അതേ
താങ്കളോട് വെയ്റ്റ് ചെയ്യാൻ പറഞ്ഞു അവൾ ചൂണ്ടി കാണിച്ച കസേരയിൽ ഞാനിരുന്നു.

ഇന്റർവ്യൂ എല്ലാം കഴിഞ്ഞിരിക്കുന്നു , ഞാനുൾപ്പെടെ 7 പേരോട് വെയ്റ്റ് ചെയ്യാൻ പറഞ്ഞിട്ടുണ്ട് . ഒരു മണിക്കൂർ കഴിഞ്ഞപ്പോൾ എന്നെ അകത്തേയ്ക്ക് വിളിപ്പിച്ചു, ഫൈസൽ താങ്കളുടെ ജോലി ചെയ്ത മുൻപരിചയം ഒക്കെ ഞങ്ങൾക്ക് ഇഷ്ടപ്പെട്ടു.

ആകർഷകമായ പാക്കേജ് എന്റെ മുന്നിൽ നിരത്തി, താങ്കൾ ഇതിനു താല്പര്യം ഉണ്ടെങ്കിൽ ഈ വരുന്ന ആഴ്ച തന്നെ പോകാൻ തയ്യാറാവുക.
എനിക്ക് യാതൊരു ഉപാധികളും ഇല്ലായിരുന്നു. എന്റെ സമ്മതം അറിയിച്ചു, എന്നാൽ പാസ്പോർട്ട് ഏൽപ്പിച്ചു കോട്രാക്ട് പേപ്പറിൽ ഒപ്പ് വച്ചു.

ജീവിതത്തിന്റെ അടുത്ത ഊഴം ഭാഗ്യങ്ങളുടെയും, ഉയർച്ചയുടെയും ആയി കഴിഞ്ഞ പത്ത് വർഷത്തിനുള്ളിൽ എന്തെല്ലാം മാറ്റങ്ങൾ,

ജോലി രാജിവച്ചു ബിസിനസിലേക്കിറങ്ങി തിരിഞ്ഞു നോട്ടമില്ലായിരുന്നു, പൂർണമായും ഞാൻ എന്നെ തന്നെ സമർപ്പിച്ചു ബാങ്ക് ബാലൻസും, സൽപ്പേരും ഉണ്ടായി, മാവോയിസ്റ്റ് എന്ന എന്റെ പേരിനെ പണം കൊണ്ട് മൂടിയിട്ടു.

ഇതിനിടയിൽ ബാപ്പായുടെയും, ഉമ്മായുടേയും മരണം എന്നെ ഒറ്റയ്ക്കാക്കി, എന്റെ കടിഞ്ഞാണില്ലാത്ത ഓട്ടം മാത്രം ഇന്നും ബാക്കി…

അങ്ങനെ ഒരു ഓട്ടത്തിന്റെ ബാക്കി പത്രത്തിലാണ് നെടുമ്പാശ്ശേരിയിൽ നിന്ന് ഞാൻ ജിദ്ദയിൽ എത്തി നിൽക്കുന്നത്. ശങ്കരേട്ടൻ പറഞ്ഞത് പോലെ ഓട്ടത്തിന്റെ വേഗത ഒന്ന് കുറയ്ക്കണം, നാട്ടിൽ സ്ഥിരമാകണം.

നേരം പുലർന്നു, ഫോണിന്റെ നിലയ്ക്കാത്ത ശബ്ദം ആയിരുന്നു എന്നെ ഉറക്കത്തിൽ നിന്നുണർത്തിയത്, നോക്കുമ്പോൾ ഫിറോസ്,