രാജമല്ലി ചോട്ടിൽ നിന്നും 2 [ജ്വാല] 1292

നേരം പുലർന്നു ഞങ്ങൾ എല്ലാവരും കൂടി ഷബ്‌നായുടെ വീട്ടിലേക്ക് പുറപ്പെട്ടു. അപ്രതീക്ഷിതമായി ഞങ്ങളെ കണ്ടതും ഷബ്‌നായും, ബാപ്പായും ഒന്നമ്പരന്നു പിന്നെ വീട്ടിലേക്ക് ക്ഷണിച്ചു ,
അവൾ കണ്ണ് കൊണ്ടും, കൈ കൊണ്ടും ഗോഷ്ടി കാണിക്കുന്നുണ്ട് , ഞാൻ ഒന്നും മിണ്ടാതെ മര്യാദരാമൻ ആയി ഇരുന്നു,
ഏതാനും നിമിഷത്തിൽ അവൾ ചായയും ആയി വന്നു, ബാപ്പയ്ക്ക് ആദ്യവും പിന്നെ ഉമ്മായ്ക്കും കൊടുത്തിട്ട് എനിക്ക് കൊണ്ട് തന്നു , ഞങ്ങൾ എന്തിനാ ചെന്നത് എന്ന് ടെൻഷൻ മുഖത്തുണ്ട്.

അപ്പോൾ ബാപ്പ പറഞ്ഞ് തുടങ്ങി ഞങ്ങൾ വന്നത് ഷബ്‌നായെ എന്റെ മോനു കൊടുക്കുമോ എന്നറിയാൻ ആണ്,
കുട്ടികൾക്ക് തമ്മിൽ ഇഷ്ടമാണ്, അവനു ഇപ്പോൾ ജോലിയുണ്ട്,
ഇക്കായ്ക്ക് ഇഷ്ടമാണെങ്കിൽ നമുക്ക് ഇത് നടത്തിക്കൂടെ,
അത് കേട്ടതും ഷബ്‌നായുടെ മുഖത്തേക്ക് രക്തം ഇരച്ചു കയറി, അവളുടെ ബാപ്പയുടെ മറുപടിക്കായി കാത്തിരുന്നു.

ഷമ്മു ഇവിടെ വാ…
ഷബ്‌ന പേടിച്ചു മെല്ലെ മെല്ലെ അവളുടെ ബാപ്പായുടെ മുന്നിൽ വന്നു,
നിനക്ക് ഫൈസൂനെ ഇഷ്ടമാണോ?
ങും… അവൾ തലയാട്ടി,
എന്നാൽ പിന്നെ എനിക്ക് എന്ത് നോക്കാനാണ്, ഫൈസൂനെ ചെറുപ്പം മുതൽ എനിക്കറിയാം,
നമുക്ക് ഇത് നടത്താം.
ഞങ്ങൾ രണ്ടാളും സന്തോഷത്തിൽ ആയി. എന്തായാലും ഈ പഠിത്തം കഴിയട്ടെ, ഫൈസൂന്റെ അടുത്ത വരവ് നമുക്ക് കല്യാണം നടത്താം
ഞങ്ങളെ സംബന്ധിച്ച് സ്വപനത്തിന്റെ സാക്ഷത്കാരം ആയി.
വീണ്ടും പ്രവാസത്തിലേക്ക് പോകാൻ ചുരുങ്ങിയ ദിനം മാത്രം,

അപ്പോഴാണ് ബാപ്പ ഒരു കാര്യം ആവശ്യപ്പെട്ടത് “ഫൈസു നീ ഒന്ന് വയനാട് വരെ പോകണം,
എന്തിനാ ബാപ്പാ?
മൂത്താപ്പയ്ക്ക് അസുഖം കൂടുതലാണ്, നീ പോയി കണ്ട് ഈ പൈസ കൊടുക്കണം, ഞാൻ അടുത്താഴ്ച പോകാം.
ബാപ്പായുടെ മൂത്ത ജേഷ്ഠൻ ആണ്, എന്റെ ചെറുപ്പകാലത്ത് അവർ വയനാട് കുടിയേറിയതാണ്, കൃഷിയും കാര്യങ്ങളുമൊക്കെ ആയി മുന്നോട്ട് പോകുന്നു അവർ.
ഞാനെന്റെ ചെറുപ്പകാലത്ത് പോയിട്ടുള്ളതാണ്
അങ്ങനെയാണ് ഞാൻ വയനാട്ടിലേക്ക് പുറപ്പെട്ടത്, കല്പറ്റ എത്തിയപ്പോഴേക്കും സന്ധ്യ മയങ്ങിയിരുന്നു ഇനി വൈത്തിരി എത്തണം, വൈത്തിരി ആകുമ്പോഴേക്കും പലയിടത്തും റിസോർട്ടുകൾ നിർമ്മിക്കുന്നത് കാണാമായിരുന്നു,
അടുത്ത കാലത്ത് ടൂറിസം അവിടെ തഴച്ചു വളരുന്നതായാണ് മനസ്സിലാക്കാൻ സാധിക്കുന്നത്,