രാജമല്ലി ചോട്ടിൽ നിന്നും 2 [ജ്വാല] 1292

ഒരുക്കമാണ് മോനേ ,
എന്നിട്ട് ഒരു കള്ളച്ചിരി ചിരിച്ചിട്ട് പറഞ്ഞു കെട്ടിയവൻ ഇന്ന് എത്തില്ലേ !!!
അതിന്റെ ഒരുക്കത്തിലാ,
രാവിലെ മുതൽ തുടങ്ങിയതാ.
നീ വാ എന്റെ കൈപിടിച്ചു ഇത്ത വീട്ടിലേക്ക് നടന്നു,
ആഹാ മോനേ ഫൈസു നീ എപ്പോഴാ വന്നത്?
ഷബ്‌നാടെ ബാപ്പ ആണ്,
ഇന്നലെ രാത്രിയിൽ വന്നു ബാപ്പാ, സംസാരം അധികം നീട്ടാൻ നിൽക്കാതെ
നീ വന്നേ ഫൈസൂ എന്ന് വിളിച്ചു ഇത്ത എന്നെ വലിച്ചു കൊണ്ട് പോയി.അല്ല ഇത്താ എന്താ ഇത്ര ധൃതി?
നീ വാ ഡ്രസ് ഒക്കെ കാണിച്ചു തരാം, സ്വർണ്ണാഭരണങ്ങളും, കല്യാണ സാരി ദേഹത്തു വച്ച് കാണിച്ചു തന്നു.
എങ്ങനെയുണ്ട് മോനേ?
എല്ലാം സൂപ്പർ അല്ലേ?
പിന്നെ എന്റെ ഇത്ത സുന്ദരി അല്ലേ?
പൊന്നും കുടത്തിനെന്തിനാ, പൊട്ട്…

ആഹാ … നേരത്തെ ഞാൻ കണ്ടില്ലല്ലോ, അല്ലങ്കിൽ ഇത്തായെ ഞാൻ അങ്ങ് പ്രേമിച്ചേനെ ,

എന്നാലേ മോനേ ഞാൻ കൊന്നു രക്തം കുടിക്കും , പിന്നിൽ നിന്നു ശബ്ദം കെട്ട് ഞാൻ തിരിഞ്ഞ് നോക്കി,
ഇളം നീല നിറത്തിലെ ലാച്ചയാണ് വേഷം കൈകളിൽ ഓരോ വളയും, കഴുത്തിൽ കുഞ്ഞുമാലയും ഇട്ട് ഒരു അപ്സരസ്സിനെ പോലെ എന്റെ പ്രിയപ്പെട്ടവൾ മുന്നിൽ,
ഒരു നിമിഷം ഞാനവളെ ഉറ്റു നോക്കി.

ങും …. എന്താ?
നീ ആരാടി രക്തം കുടിക്കാൻ “കള്ളിയങ്കാട്ട് നീലിയോ?
“അവളുടെ ചോദ്യവും എന്റെ ഉത്തരവും കെട്ട് ഇത്ത പൊട്ടി ചിരിച്ചു, ഇനി അടുത്ത ഊഴം നിങ്ങളുടേതാ നോക്കി പഠിച്ചോ?
ഇത്ത അത് പറയുമ്പോൾ അവളുടെ മുഖം നാണം കൊണ്ട് നിറഞ്ഞു.

അന്ന് മൊത്തം അവൾ എന്റെ കൂടെ തന്നെ ആയിരുന്നു.
ഇത്തായുടെ കല്യാണം ഗംഭീരമായി നടന്നു, ഇത്തായ്ക്ക് ചേർന്ന പയ്യനും.
ആൾക്കാർ പിരിഞ്ഞു തുടങ്ങിയപ്പോൾ ഞാൻ അവളോട് യാത്ര പറഞ്ഞു ഞാനും അവിടെ നിന്നിറങ്ങി.

മൂന്നു വർഷങ്ങൾക്ക് ശേഷം പോളിടെക്നിക്കിന്റെ പടിയിറങ്ങുമ്പോൾ മെക്കാനിക്കൽ ഡിപ്ലോമ കൈയിലുള്ളതിന്റെ ആത്മവിശ്വാസം വളരെ വലുതായിരുന്നു.

പിന്നെ എല്ലാം പെട്ടന്നായിരുന്നു ബാപ്പായുടെ പരിചയത്തിൽ ഒരു കമ്പനിയിൽ ജോലി, ഒമാനിലേക്ക് ഒരു യാത്ര ജീവിതത്തിന്റെ മറ്റൊരു അധ്യായം കുറിക്കാൻ,
ഷബ്‌നയോട് ഇക്കുറി യാത്ര ചോദിക്കുമ്പോൾ പഴയതു പോലെ സെന്റി അടിച്ചില്ല മറിച്ചു ആത്മവിശ്വാസത്തിന്റെ ഉന്നതമായ പടിക്കെട്ടിൽ ആണുതാനും.
ഫൈസു ഞാൻ പിജി ക്ക് ചേരാൻ പോകുകയാണ്,
നിന്റെ അവധിക്ക് വരുമ്പോൾ ബാപ്പയോട് സംസാരിക്കണം, കാര്യങ്ങൾക്ക് ഒരു അടുക്കും ചിട്ടയും വേണം അവൾ ഗൗരവത്തോടെ പറയുമ്പോൾ ഞാൻ സന്തോഷിച്ചു അവളുടെ പക്വത കണ്ട്…