രാജമല്ലി ചോട്ടിൽ നിന്നും 2 [ജ്വാല] 1292

മലയാളത്തിലെ ഒരു പത്രവും ഇന്റർ സ്കൂൾ മീറ്റിനെപ്പറ്റി ഇത്ര വിവരിച്ചെഴുതിയിട്ടില്ല ആദ്യമായാണ് നാളത്തെ താരം എന്ന് പറയുന്നത്,
മുന്നിലേക്ക് ഒരു പത്രം ഇട്ടു തന്നിട്ട് ഡോക്ടർ എന്റെ കവിളിൽ തട്ടി എന്നിട്ട് മെല്ലെ പറഞ്ഞു കാണികളുടെ ആരവം നമ്മളെ മറ്റൊരു ലോകത്ത് എത്തിക്കും ഫൈസൽ നീ ഈ പ്രൊഫഷൻ ഒഴിവാക്കരുത്,
നാളത്തെ ദിവസം നിന്റേത് മാത്രമാകും, ഡോക്ടർ അത് പറയുമ്പോൾ ആ കണ്ണുകളിൽ എന്നോ നഷ്ടമായ സ്വപ്നം ഞാൻ കണ്ടു.ഞാൻ പത്രത്തിൽ കണ്ടു ബോധമറ്റ് രക്തത്തിൽ കുളിച്ച എന്റെ മുഖം.
എന്നെ റൂമിലേക്ക് മാറ്റി,
ഉമ്മായുടെ കരഞ്ഞു വീർത്ത മുഖം, വല്യാപ്പയുടെ പരവശനായ ഇരുപ്പ് എല്ലാം കണ്ട് എന്റെ കൺകളിൽ വെള്ളം നിറഞ്ഞു.

ഉമ്മാ… കരയാൻ വെമ്പി നിന്ന ഉമ്മയുടെ കൈകളിൽ പിടിച്ചു, ആശുപത്രി ജനാലയിലൂടെ തണുത്ത കാറ്റ് അടിക്കുന്നുണ്ട് ഒപ്പം കൊതുകകളുടെ ശക്തമായ ആക്രമണവും,
ഉമ്മ ജനൽ അടച്ചിട്ടു എന്റെ അടുത്തു വന്നിരുന്നു ഉമ്മാ ഞാൻ മെല്ലെ വിളിച്ചു
ങും എന്താ?
ഉമ്മ പേടിച്ചു പോയോ?
പേടിക്കാതെ നീ അല്ലാതെ ഞങ്ങൾക്ക് ആരാ ഫൈസു ഉള്ളത്,
ഉമ്മായുടെ സ്നേഹം അത് എത്ര വലുതാണ്,
നേരം പുലർന്നു,
ഉമ്മ എന്നെ തനിച്ചാക്കി വീട്ടിലേക്ക് തിരിച്ചു, ഞാൻ അന്നത്തെ പത്രങ്ങളിലൂടെ കണ്ണോടിച്ചു വാതുക്കൽ മൃദുവായി മുട്ട് കേട്ടു. എന്റെ കണ്ണുകൾ അത്ഭുതം കൊണ്ട് വിടർന്നു ഷബ്‌നായും, ഷാഹിന ഇത്തയും കൂടെ ആയിരുന്നു വന്നത്,
ഷബ്‌നായുടെ മുഖം വീർത്തിരിക്കുന്നു ഒരു സന്തോഷം മുഖത്തില്ല, ഇത്ത ചിരിച്ചു നല്ല സന്തോഷത്തിലും,
എന്താ ഇത്ത ഞമ്മന്റെ ഭാര്യയുടെ മുഖത്ത് കടന്നൽ കുത്തിയോ?
എന്റെ ഫൈസു രണ്ടു, മൂന്നു ദിവസം എന്നെ ഉറക്കിയിട്ടില്ല ഇവൾ?
അതെന്ത് പറ്റി?
അത് നീ തന്നെ നേരിട്ട് ചോദിച്ചോ, ഞാൻ ഷബ്‌നായെ നോക്കി, അവളുടെ കണ്ണിൽ നിന്നും കുടുകുടാ കണ്ണീർ മുത്തുമണി പോലെ പൊഴിയാൻ തുടങ്ങി. ഷമ്മു ഇനി നീയും കൂടി എന്നെ കരയിപ്പിക്കല്ലേ,

ഞങ്ങൾ ഓരോന്ന് പറഞ്ഞു മെല്ലെ ചിരിച്ചു, എന്റെ വേദന എങ്ങോട്ട് പോയെന്ന് അറിഞ്ഞില്ല സംസാരിച്ചു സമയം പോയത് അറിഞ്ഞില്ല ഷബ്‌ന തൊലി പൊളിച്ചു തന്ന ഓറഞ്ചു അല്ലികൾ മെല്ലെ കഴിച്ചു കൊണ്ടിരുന്നപ്പോൾ ആണ് സ്കൂളിൽ നിന്ന് ഒരു പട തന്നെ വരുന്നത് അതിൽ എനിക്കൊപ്പം ഫുട്‍ബോൾ കളിച്ചിരുന്നവരും, കൊച്ചും, സ്കൂളിലെ ഹെഡ്മാസ്റ്ററും ഉണ്ടായിരുന്നു, അവരെ കണ്ടതോട് കൂടി ഞാൻ മെല്ലെ എഴുന്നേൽക്കാൻ ശ്രമം നടത്തി, എന്നെ കട്ടിലിലേക്ക് തന്നെ പിടിച്ചു കിടത്തി ഹെഡ്മാസ്റ്റർ എന്റെ രണ്ടു കവിളിലും അമർത്തി ഉമ്മ വച്ചു.
ഫൈസു നീ സ്കൂളിന്റെ അഭിമാനം കാത്തു. അപ്പോൾ കൊച്ച് ഒരു ബാഗിൽ നിന്ന് ഒരു ട്രോഫി പുറത്തെടുത്തു എന്നിട്ട് സാറിനു കൊടുത്തു ഏറ്റവും മികച്ച ഗോൾ കീപ്പറിനുള്ള ട്രോഫി ആണ്.
എന്റെ കൈകളിലേക്ക് വച്ചു നീട്ടി എല്ലാരും കൈയടിച്ചു ഞാൻ സന്തോഷപൂർവം ആ ട്രോഫി വാങ്ങി നെഞ്ചോട് ചേർത്തു എന്റെ ആ സന്തോഷ മുഹൂർത്തത്തിന് ഷബ്‌നായും, ഇത്തയും സാക്ഷി ആയി.

നല്ല റെസ്റ്റ് എടുക്കണമെന്ന് ഡോക്ടറും പറഞ്ഞത് കൊണ്ട് വീട്ടിൽ തന്നെ ആയിരുന്നു പിന്നീട്, പഠനത്തിൽ മാത്രമായി പിന്നെ ശ്രദ്ധ,
പത്താം ക്ലാസ് പരീക്ഷ തുടങ്ങി, എന്റെ തലയിലെ കെട്ടും അഴിച്ചിരുന്നു, ഇടയ്ക്ക് ഒരു തലവേദന വരുമെന്നത് ഒഴിച്ചാൽ ഞാൻ പൂർണമായും അസുഖത്തിൽ നിന്ന് മോചിതനായി,