പ്രാണേശ്വരി 14 [പ്രൊഫസർ ബ്രോ] 586

“എന്താടി ചേച്ചീ… ”

തുടരെയുള്ള ഫോൺ വിളി കാരണം കുറച്ചു ടെന്ഷനോടെ ആണ് ഞാൻ ചോദിച്ചത്

“എടാ… നാളത്തെ കാര്യം എന്താകും… എനിക്ക് പേടിയാകുന്നു… ”

ആദ്യം അത് കേട്ടപ്പോൾ ദേഷ്യമാണ് വന്നതെങ്കിലും പിന്നെ ഓർത്തപ്പോൾ ചിരിയും വന്നു…

“നാളെ എന്താകാൻ… നിന്റെ കെട്യോന്റെ പടം എട്ടു നിലയിൽ പൊട്ടും… ”

“പോടാ പട്ടി… ആലോചിച്ചിട്ട് ഒരു സമാധാനവും ഇല്ലാഞ്ഞിട്ടാ നിന്നെ വിളിച്ചത് അപ്പൊ നീ…. ”

“എടി ചേച്ചീ… പടം ഷൂട്ടിംഗ് കഴിഞ്ഞു നാളെ റിലീസ് ആണ്… നീ എന്തൊക്കെ ടെൻഷൻ അടിച്ചാലും നാളത്തെ റിസൾട്ട്‌ മാറാൻ പോകുന്നില്ല പിന്നെ എന്തിനാ വെറുതെ…”

“എന്നാലും… ”

“ഒരെന്നാലും ഇല്ല… നിനക്ക് ഉണ്ണിയേട്ടനെ വിശ്വാസം ഉണ്ടോ… ആ കഥ നീ കേട്ടതല്ലേ… നിനക്കിഷ്ടമായോ… ”

“കഥയൊക്കെ ഞാൻ കേട്ടതാണ് എനിക്കിഷ്ടമാകുകയും ചെയ്തു എന്നാലും ഒരു ടെൻഷൻ… ”

“നീ വച്ചിട്ട് പോയെ മാളു… എനിക്ക് വെറുതെ ദേഷ്യം വരുന്നുണ്ട് ”

“എടാ വയ്ക്കല്ലേ… ഞാൻ ഒറ്റക്കിരുന്നാൽ എനിക്ക് വല്ല പ്രാന്തും പിടിക്കും… ”

“അല്ല മാളു… എനിക്കൊരു സംശയം… നിനക്ക് ഉണ്ണിയേട്ടന്റെ സിനിമ എന്താകും എന്നുള്ള ടെൻഷൻ കൊണ്ടാണോ അതോ… ഈ സിനിമ എങ്ങാനും പൊട്ടിയാൽ ഉണ്ണിയേട്ടൻ നിന്നെ കെട്ടുമോ എന്നുള്ള സംശയം കൊണ്ടാണോ…”

“പോടാ… തെണ്ടി… ”

“ഞാൻ കാര്യമായി ചോദിച്ചതാ…”

കുറച്ചു സമയം മാളു ഒന്നും മിണ്ടിയില്ല അവളും അതിപ്പോഴാണ് ആലോചിക്കുന്നത് എന്ന് തോന്നുന്നു

“രണ്ടും ഉണ്ട്…”

“പിന്നെ വേറൊരു കാര്യം… നീ കല്യാണം കഴിഞ്ഞാൽ ഉണ്ണിയേട്ടന്റെ കൂടെ പോകുമോ അതോ ഇവിടെ തന്നെ ഉണ്ടാകുമോ… ”

“കല്യാണം കഴിഞ്ഞാൽ ഞ്ഞാൽ ലോങ്ങ്‌ ലീവ് എടുത്ത് അവന്റെ ഒപ്പം പോകും… അല്ലെങ്കിലും എനിക്കീ വർഷം ട്രാൻസ്ഫർ ആയിരിക്കും മൂന്നു വർഷം കൂടുമ്പോൾ ട്രാൻസ്ഫർ ഉള്ളതാണ്”

അതിനുള്ള മറുപടി പെട്ടന്നായിരുന്നു ഇതൊക്കെ അവർ നേരത്തെ തീരുമാനിച്ചതാണെന്നു തോന്നുന്നു

“അപ്പൊ ആന്റി… ”

“അമ്മയെയും ഞങ്ങൾ കൊണ്ടുപോകും ”

എല്ലാരും കൂടി ഒരുമിച്ചു പോകുന്നു എന്നറിയുമ്പോൾ ഒരു സങ്കടം,

“എടാ… എന്താ നീ ഒന്നും മിണ്ടാത്തത് ”

കുറച്ചു സമയം എന്റെ ശബ്ദം കേൾക്കാത്തത് കൊണ്ടാകും മാളു അത് ചോദിച്ചത്

“ഏയ്യ്… ഒന്നൂല്ല… ”

“എടാ… നീ വിഷമിക്കല്ലേ… ഞങ്ങൾ ഇടയ്ക്കിടെ വരും നിന്നെയും അവരെയും കാണാൻ…നിന്നെ കാണാതെ ഇരിക്കാൻ പറ്റുമോ എനിക്ക്…നീയെന്റെ കൂടപ്പിറപ്പ് അല്ലെ… ”