ഒരുമയിലെ സമ്മർദി! [PK] 516

 

 

അയൽവീടുകളിലെ കുട്ടികളുടെയൊപ്പം

കളിക്കാൻ അവനും കൊതി തോന്നി……

““നോ… മൊത്തം ഡെർട്ട… കും””

മമ്മി വിലക്കിയതു കൊണ്ട് അവൻ പക്ഷെ

പോയില്ല…….അവര് കളിക്കുന്നതൊന്നും

അവന് മനസിലായതും ഇല്ല! എങ്കിലും ഓണമായത് കൊണ്ട് കുട്ടികൾ ടി.വി.യും പബ്ജിയും ക്രിക്കറ്റുമൊക്കെ മാറ്റി വച്ച് ഊഞ്ഞാലാട്ടവും അന്താക്ഷരിയും തുടങ്ങി തലപ്പന്തും കുട്ടിയും കോലും …. ഗോലി കളിയും അടിച്ചാലോട്ടവും കുറ്റിസാറ്റ് കളിയുമൊക്കെ കളിച്ച് തിമർക്കുന്നത് അവനങ്ങനെ ചിരിച്ചു കൊണ്ട് നിഷ്കളങ്കമായി നോക്കി നിന്നു……

 

““കള്ളവുമില്ല.. ചതിയുമില്ല …

എള്ളോളമില്ല പൊളിവചനം…

ആമോദത്തോടെ വസിക്കും കാലം

ആപത്തൊന്നാർക്കുമൊട്ടില്ലതാനും

………………….””

തിരുവോണപ്പിറ്റേന്നും ടെലിവിഷൻ

നിറയുന്ന ഓണപ്പാട്ടുകളിൽ പലതിലും

‘കല്ലം.. ചതി.. എല്ലോലം.. തുമ്പപ്പു.. പറ പൊലി..ഉത്രാടപ്പൂ …’ എല്ലാം കേട്ട്

ഉണ്ണിക്കുട്ടൻ അന്തംവിട്ട് നിന്നു.

‘മല്യാലം’ ഭയങ്കര ഭാക്ഷ തന്നെ………

ഈ ‘അടിപൊളി’ ആണോ പൊളിവചനം!?

 

അവിട്ടനാളിലും ഉഞ്ഞാലാട്ടവും കളികളും

സദ്യയുമൊക്കെയായി ആഘോഷത്തിൽ

പിള്ളേര് ലയിച്ച് നടക്കുന്നതാസ്വദിച്ച്

അവനും കൗതുകത്തോടെ സന്തോഷിച്ചു.

“കാത്തോ… കാത്തോ….” കുട്ടിയും കോലും

കളിയിലെ കാത്തോ അവനും വെറുതെ

സദ്യയുണ്ണുമ്പോഴും ഉരുവിട്ട് നടന്നു.

 

വൈകിട്ട് എല്ലാവർക്കും ചായ വിളമ്പി

മുത്തശ്ശി. ഗുൾഗുളു മോളും അനിക്കുട്ടനും