ഒരുമയിലെ സമ്മർദി! [PK] 516

തൃക്കാക്കരയപ്പന്റെയും തിരുവതാംകൂർ

രാജകൊട്ടാരത്തിലെ ചടങ്ങുകളുടെയും

നായർസംഘം ഓണത്തല്ലിന്റെയുമൊക്കെ

കഥകളൊക്കെ അവന് കാര്യമായിയങ്ങനെ

മനസിലായില്ലെങ്കിലും പറ വെച്ച് തുമ്പയും മുക്കുറ്റിയും തെച്ചിയും അരിപ്പൂവുമൊക്കെ കൊണ്ട് അത്തനാളിൽ തുടങ്ങി പത്ത് നാൾ പൂക്കളമിടുന്ന സുന്ദരൻ പരിപാടിയുടെ കഥ വളരെ ഇഷ്ടപ്പെട്ടു..പൊലിപാടി ഒരുമയുടെ പുത്തൻകോടിയുടുത്ത് സദ്യയുണ്ട ശേഷം നടക്കുന്ന പലതരം കളികളെക്കുറിച്ചും മുത്തശ്ശൻ വാചാലനായി.

 

““..ന്നത്തെ കളികളൊന്നുമല്ല ട്ടോ… അന്ന്..”

മുത്തശ്ശൻ ഒന്ന് നിശ്വസിച്ച് തുടർന്നു….

 

“““മാനുഷരെല്ലാരുമൊന്നുപോലെ….”””

വടക്കൻ പാട്ടുപോലെ മുത്തശ്ശി പാടി .

മുത്തശ്ശൻ ഓരോ അർത്ഥങ്ങളും വിശദീകരിച്ചു. പൊളിവചനമൊക്കെ

അവന് മനസിലായി!

 

““എന്റാ… മുത്തശ്ശാ, എരുമയും.. മറ്റതും

ഇത്ര ഇമ്പോർട്ടൻസ്??”” കാര്യങ്ങൾ കുറെ മനസിലാക്കിയെങ്കിലും ഒരുമയും സമൃദ്ധിയും മാത്രം കൂടെക്കൂടെ

പറയുന്നതെന്താണെന്ന് ഉണ്ണിക്കുട്ടൻ

സംശയത്തോടെ ചോദിച്ചു!!?

“ഹി ഹി.. എരുമയോ” അവന്റെ മലയാളത്തെ ഗുളുഗുളുവും അനിക്കുട്ടനും

കളിയാക്കി.

“അവനത്രയുമെങ്കിലും പറയുന്നില്ലേ ഗുളു..”

മുത്തശ്ശൻ സ്നേഹത്തോടെ ശാസിച്ചു.

 

“അല്ല…വൊരുമ….” അവൻ ഉച്ചാരണം ശരിയാക്കാൻ ശ്രമിച്ചു.

 

““പിന്നെ…സമ്മർദി!” അവര് ചിരിക്കുന്നത്

കാര്യമാക്കാതെ അവൻ വീണ്ടും ശ്രമിച്ചു.

…….മുത്തശ്ശൻ എന്തോ ആലോചിച്ച് ഒരു

നിമിഷം നിന്നു …………!