ഒരുമയിലെ സമ്മർദി! [PK] 516

ഉള്ള കാര്യമാ…അധികാരം കിട്ടിയാ പിന്നെ

ചെലപ്പം നമ്മുടെ കിടപ്പാടം പോലും കാണത്തില്ല”” മുത്തശ്ശൻ ശർക്കരവരട്ടി

കൊണ്ടുവന്ന് പിള്ളാർക്ക് കൊടുക്കുന്ന

മുത്തശ്ശിയെ നോക്കി തുടർന്നു…….,

““പിന്നെ ….ചെലരെ കല്യാണം കഴിക്കുമ്പോഴും മാവേലിയുടെ അവസ്ഥയാ… നമ്മളെ നേരെ ചവിട്ടി

പാതാളത്തിലെത്തിക്കും….ഹി ഹി..””

മുത്തശ്ശൻ പുകയൂതി പൊട്ടിച്ചിരിച്ചു.

 

““ഹത് ശരിയാ.. ചെലര് വാമനനെപ്പോലെ

കല്യാണത്തിന് സ്ത്രീധനമായി ആകെ

ഒരു താലിമാല മതീന്നൊക്കെ പറയും….

പിന്നെ നമ്മുടെ വീടും കുടിയും വരെ

എഴുതി മേടിക്കും”” മുത്തശ്ശി ചിരിച്ചു കൊണ്ട് ശർക്കരവരട്ടിയുടെ പാത്രം

മുത്തശ്ശന്റെടുത്തേക്ക് നീക്കിവെച്ച്

ചേർന്നിരുന്നു.

 

““ശ്ശെ….ന്നാലും”” അവരുടെ ചെളി കേട്ട്

മനസിലാകാത്തത് കൊണ്ടും തൃപ്തി

വരാത്തതിനാലും ഉണ്ണിക്കുട്ടൻ രണ്ട്

ശർക്കരവരട്ടി കടിക്കാതെ അലിയിപ്പിച്ച്

കൊണ്ട് ആലോചിച്ചു കൊണ്ടിരുന്നു….

““മോനേ… നീ വല്യ ചില കോർപറേറ്റ്

കമ്പനികളെ കണ്ടിട്ടില്ലേ… അതു പോലുളള

ഒരു വളർച്ചയാ വാമനൻ നടത്തിയത്.!!””

കയ്യിലുള്ളത് നഷ്ടം വരാതെ മറ്റുള്ളവരുടെ

കൂടെ വാങ്ങിയെടുക്കുന്ന നാഗരികനവീന തന്ത്രങ്ങൾ അറിഞ്ഞ് വരുന്ന ഉണ്ണിക്കുട്ടന് അത് ഏകദേശം മനസിലായതായി നടിച്ചു.

 

““എരുമയും….. സമ്മർദിയും……. അല്ല..

….ഒരുമയും സമൃദ്ധിയും”’

ഗുളു ഗുളുവുംഅനിക്കുട്ടനും കളിയാക്കി പൊട്ടിച്ചിരിക്കുന്നതിനനുസരിച്ച്

നോക്കി വീണ്ടും വീണ്ടും ഉണ്ണിക്കുട്ടൻ

ആവർത്തിച്ചു പറഞ്ഞുകൊണ്ടിരുന്നു…….

 

അത് നോക്കി ചിരിക്കുന്ന മുത്തശ്ശിയുടെ

വായിലേക്ക് ഒരു ശർക്കരവരട്ടി കൂടി

മുത്തശ്ശൻ സ്നേഹത്തോടെ തള്ളി.