ഒരുമയിലെ സമ്മർദി!

Orumayile Samridhi | Author : PK

 

““മാവേലി നാട് വാണീടും കാലം

മാനുഷരെല്ലാരുമൊന്നുപോലെ””

ഓണത്തിന് വീട്ടുകാരുടെയൊപ്പം

നാട്ടിലെത്തിയ കനേഡിയൻ ഉണ്ണിക്കുട്ടൻ

ടെലിവിഷനിലെ പാട്ട് കേട്ട് ഓരോരോ

സംശയങ്ങളുമായി ചുറ്റി നടന്നു………….

 

ഓമനപ്പേരിൽ മാത്രം മലയാളിത്തനിമ

സൂക്ഷിക്കാൻ ശ്രദ്ധിച്ച ഉണ്ണിക്കുട്ടന്റെ

മാതാപിതാക്കൾ വർഷങ്ങൾക്ക് മുമ്പേ

കാനഡയിൽ സ്ഥിരവാസികളാണ്.

 

ഓർമ വെച്ച നാൾ മുതൽ ടെലിവിഷനിലും

വീട്ടിലുമൊക്കെ ആഘോഷം കാണാറുണ്ട്.

കാനഡയിൽ രണ്ട്തവണ സിനിമാക്കാരുടെ ഓണപ്പരുപാടിക്ക് പങ്കെടുത്തെങ്കിലും നാട്ടിൽ ഒരു പ്രാവിശ്യം വന്നു പോയ രസം കൊണ്ടാണ് അതിന്റെ പുറകിലുള്ള

കൗതുകം തിരഞ്ഞ് പോവാൻ അവൻ

തീരുമാനിച്ചത്…ഡാഡിയോടും മമ്മിയോടും

അത് ചോദിക്കുമ്പോൾ “നോ കമന്റ്സ്”.

 

അവൻ രണ്ട് മൂന്ന് തവണ ചോദിച്ചപ്പോൾ

‘അതൊന്നും നിനക്ക് മനസിലാവുല്ല’

എന്ന് ഒഴുക്കൻ മട്ടിൽ ഡാഡിയും …,

“..ജസ്റ്റ് ഓൾഡ് സ്റ്റോറീസ്…” എന്നൊക്കെ

മമ്മിയും പറഞ്ഞൊഴിയുന്നു. എന്നാലും

എല്ലാവരും പൂക്കളമിട്ടും ഊഞ്ഞാലാടിയും

സദ്യയുണ്ടുമൊക്കെ ആടിപ്പാടി നടക്കുന്നത്

കണ്ട് അവന്റെ കനേഡിയൻ മല്ലു മനസ്സ്

എന്തിനോ ….വല്ലാതെ സന്തോക്ഷിച്ചു.

 

““ഞാറ്റുവേലക്കിളിയേ….നീ പാട്ട് പാടി.””

അപ്പുറത്തെ വീട്ടിലെ വരാന്തയിൽ

താളമടിച്ച് നൃത്തം ചവിട്ടുന്ന പട്ടുപാവാട

ഇട്ട ചേച്ചികുമാരിമാരെ കണ്ട് കൊണ്ടാണ്

അവന്റെ പൊന്നോണ ദിവസങ്ങൾ

ഉണർന്നു വന്നിരുന്നത്…….