One Side Love [മിഥുൻ] 188

“എടീ അത് ഒരു വ്രതം ആണ്.. ചില പ്രത്യേക സാഹചര്യങ്ങളിൽ ഇവനെ പോലുള്ളവർ എടുക്കുന്ന വ്രതം ആണ്…”

“എത്ര ദിവസം ഉണ്ടാകും…”

“അതിവനേ അറിയൂ…”

“എന്താടാ മിഥുനേ.. എന്തോന്നാ…” അനു എന്നോട് ചോദിച്ചു…

“ഒന്നുമില്ല… ഇവൻ ചുമ്മാ ഓരോന്ന് പറയുന്നതാ…” ഞാൻ ഒപ്പിച്ചു പറഞ്ഞു….

“നീയെന്താടാ മിഥുനേ.. അങ്ങനെ മിണ്ടാറില്ലേ…”

“ഞാൻ മിണ്ടുമല്ലോ…”

“ഒരു ക്ലാസ്സിൽ പഠിക്കുന്നതാ.. പക്ഷേ എന്നോട് നീ ഇതുവരെ മിണ്ടിയിട്ടില്ല…”

“അത്.. അത് പിന്നെ….”

“കിടന്നുരുളണ്ടാ… എനിക്ക് ഒരു കാര്യം പറയാനുണ്ട്..”

“എ… എന്താ അനൂ….” ഞാൻ വിറച്ചു വിറച്ചു ചോദിച്ചു…

“നീയെന്താ ഇങ്ങനെ വിയർക്കുന്നത്…”

“ചൂട്… നീ കാര്യം പറ”

“അത് നീ പറ്റില്ലന്ന് പറയല്ലേ… എനിക്കൊത്തിരി നാളായി നിന്നോട് പറയാൻ ആഗ്രഹിച്ചതാ… പക്ഷേ നീ എന്നെ ഒന്ന് മൈൻഡ് പോലും ചെയ്യാത്ത കൊണ്ട് എനിക്ക് പറയാൻ ഒരു പേടി ആയിരുന്നു…”

അവളുടെ വാക്കുകൾ കേട്ടിട്ട് അമീർ സീനിൽ നിന്നും ഒഴിഞ്ഞു മാറി നിന്നു…