One Side Love [മിഥുൻ] 188

ഞാൻ ബസ് സ്റ്റോപിൽ എൻ്റെ RS നിർത്തി… സാമാന്യം കുറെ ഫാൻസ് ഉള്ള വണ്ടി ആയതു കൊണ്ട് തന്നെ എല്ലാവരുടെയും ശ്രദ്ധ കക്ഷി പിടിച്ചു പറ്റുന്നുണ്ടായിരുന്നു.

“ഡാ മിഥുനേ.. കോപ്പേ… എത്രനേരം ആയെടാ ഞാൻ ഇവിടെ നിക്കുന്നു…”

“അമ്മ സ്നേഹത്തോടെ രാവിലെ ഇഡലിയും സാമ്പാറും ഉണ്ടാക്കിയാൽ എങ്ങനെ കഴിക്കാതെ ഇറങ്ങാൻ…”

ഞാൻ അത് പറഞ്ഞപ്പോൾ ഒരു ലോഡ് വെള്ളം അമീറിൻ്റെ വായിൽ നിന്നും ഒഴുകി…

അത് കണ്ടപ്പോൾ ഒരു മനസുഖം.

“കോപ്പൻ രാവിലെ മനുഷ്യനെ കൊതിപ്പിക്കാനായിട്ട് ഇറങ്ങിക്കോളും… ങാ… വണ്ടി വിട്.. സമയം കൊറേ ആയി…”

വണ്ടിയുടെ പിന്നിൽ കേറി ഇരുന്നു അമീർ പറഞ്ഞു..

ഞാൻ വണ്ടി വിട്ടു.. സാമാന്യം സ്പീഡിൽ തന്നെ ആണ് ഞാൻ വണ്ടി ഓടിക്കുന്നത്…

എനിക്ക് ബൈക്ക് എന്ന് പറഞ്ഞാലേ പ്രാന്താണ്… യെസ്.. I am a bike pranthan….

“ഡാ കോപ്പേ… നീ എന്നെ കൊല്ലാൻ കൊണ്ട് പോവാണോ….”