ഞാൻ ആഗ്നേയ . തീയിൽ കുരുത്തവൾ , സർവ്വതിനേയും കത്തിച്ച് ചാമ്പലാക്കുന്ന അഗ്നി. എന്നാൽ അഗ്നിയെ ഇല്ലാതാക്കാൻ ജലത്തിന് ആകും ……………………………….’ഞാൻ ആദ്യമായാണ് എഴുതുന്നതെട്ടോ. തെറ്റു കുറ്റങ്ങൾ ക്ഷമിക്കുമല്ലോ. ഞാനൊരു എഴുത്തുകാരി ഒന്നും അല്ല ഇതിലെ കഥകളൊക്കെ വായിച് വായിച്ച് ഒരു ശ്രമം നടത്തി നോക്കിയതാണ്. എന്റെ മനസ്സിൽ തോന്നിയ കുറച്ചു വാക്കുകൾ ഇവിടെ കുറിക്കുന്നു എന്നു മാത്രം. നിങ്ങളുടെ അഭിപ്രായങ്ങളും നിർദ്ദേശങ്ങളും പ്രതീക്ഷിക്കുന്നു. അഭിപ്രായങ്ങൾ ലഭിച്ചതിനു ശേഷം ഇനിയും നിങ്ങളെ വെറുപ്പിക്കാൻ വരണോ വേണ്ടയോ എന്ന് തീരുമാനിക്കാം ………

അടുത്തു കിടക്കുന്ന അമ്മ ഉറക്കമായി എന്ന് ഉറപ്പു വരുത്തിയ ശേഷം ഞാൻ സാവധാനം എഴുന്നേറ്റ് മുറിക്ക് പുറത്തിറങ്ങി. കയ്യിൽ ഭദ്രമായി വച്ചിരുന്ന ചെറിയ കുപ്പി മുറുകെ പിടിച്ചു കൊണ്ട് അടുക്കളയിലേക്ക് നടന്നു. അച്ചൻ പോയ വഴിയിലൂടെ തന്നെ അച്ചന്റെ അടുക്കലേക്ക് എത്താനുള്ള ആവേശമായിരുന്നു എനിക്കപ്പോൾ . മരണത്തിനും ജീവിതത്തിനുമിടയിലെ ആ നിമിഷങ്ങളിലെ എന്റ മാനസികാവസ്ഥ എന്താണെന്ന് അറിയാൻ സാധിക്കുന്നേയില്ല. ജീവിക്കാനുള്ള അടങ്ങാത്ത ആഗ്രഹം ഒരു വശത്ത് ആരോടൊക്കെയോ ഉള്ള വാശി മറുവശത്ത് . കുറച്ചു സമയത്തെ മനസ്സിലെ വടം വലിയ്ക്ക് ശേഷം വാശി തന്നെ ജയിച്ചു. മരണം തൊട്ടു മുൻപിൽ കാണുകയായിരുന്നു. കയ്യിൽ കരുതിയ വിഷകുപ്പിയുടെ മൂടി കണ്ണടച്ച് വിറയ്ക്കുന്ന കൈകളോടെ തുറന്നു…………..

പെട്ടെന്നാണ് ഫോൺ അടിക്കുന്ന സൗണ്ട് കേട്ടത് കണ്ണു തുറന്ന് നോക്കിയപ്പോൾ തൊട്ടരികിൽ ഭർത്താവും കുഞ്ഞും ഉറങ്ങുന്നു. കണ്ടതെല്ലാം സ്വപ്നം ആയിരുന്നെന്ന് മനസിനെ പറഞ്ഞു മനസിലാക്കാൻ കുറച്ച് സമയം വേണ്ടി വന്നു. ഫോൺ എടുത്ത് അലാറം ഓഫ് ചെയ്ത് മോനെ കെട്ടിപ്പിടിച്ചു കിടന്നു. കണ്ട സ്വപ്നം മനസിലേക്ക് ഓടിയെത്തി. ഒരിക്കൽ തന്റെ ജീവിതത്തിൽ നടന്ന കാര്യങ്ങളല്ലേ സ്വപ്നത്തിൽ കണ്ടത്. ഇനിയും ആലോചിച്ചിരുന്ന് സമയം കളയാനില്ലാത്തതിനാൽ എഴുന്നേറ്റ് ജോലികളിലേക്ക് കടന്നു.

ഭർത്താവും മകനും അടങ്ങുന്ന ഒരു കുഞ്ഞു കുടുംബമാണ് എന്റേത്. ഭർത്താവും മോനും വീട്ടുപണിയും കുറച്ച് ചെടികളും വായനയും ഒക്കെയായി ഒരു കുഞ്ഞു സ്വർഗത്തിലാണ് എന്റെ ജീവിതം . രാവിലെ ചേട്ടൻ ജോലിക്ക് പോയി കഴിഞ്ഞാൽ ഈ വീട്ടിൽ ഞാനും മോനും ഒറ്റയ്ക്ക്, എന്റെ വീട്ടുജോലികളും മോന്റെ കളിചിരികളും വാശിയുമൊക്കെയായി സമയം പോകുന്നതറിയില്ല. അവൻ ഉറങ്ങുമ്പോഴാണ് ഞാൻ ഒറ്റപ്പെട്ടു പോകുന്നത് പോലെ തോന്നുന്നത് , ഉള്ളിൽ കനലായി എരിയുന്ന ഓർമ്മകൾക്ക് തീ പിടിക്കുന്നത് ഈ സമയത്താണ് . കണ്ണീർ കൊണ്ട് ആ തീ കെടുത്തുമ്പാേഴേക്കും അവൻ ഉണരുകയും ചെയ്യും.

അന്നും പതിവു പോലെ മോൻ ഉറങ്ങിയ സമയത്താണ് രാവിലെ കണ്ട സ്വപ്നം വീണ്ടും മനസിലേക്ക് ഓടി എത്തിയത്. അച്ചനും അമ്മയും ചേട്ടനും അപ്പാപ്പനും അമ്മാമ്മയും ചേർന്ന കുടുംബമായിരുന്നു എന്റേത്. അച്ചൻ പണിക്ക് പോയി