ഒരു നിമിഷം പരിസരം മറന്നവർ നിന്നു പോയി .ആരോ ഇറങ്ങി വരുന്ന ശബ്ദം കേട്ട അവൾ പെട്ടെന്ന് അയാളെ കടന്ന് മുൻപോട്ടു പോയി. കരയിലേക്ക് കയറി നിന്ന അവൾ സോപ്പും കൈയിലെടുത്ത ഒളികണ്ണാലെ അയാളെ നോക്കി മുഖം കാണാൻ കഴിയുന്നില്ലാ….വെള്ളത്തിലേക്ക് ഊളിയിട്ടിറങ്ങാൻ തയ്യാറാകുകയാണ് അയാൾ.പിറകിൽ നിന്ന് നോക്കിയിട്ട് മുൻപെങ്ങോ കണ്ടിട്ടുള്ളതു പോലെ അവൾക്ക് തോന്നി.കാത്തു നിനക്കിന്ന് ക്ലാസ്സില്ലേ……ആ ചോദ്യം കേട്ടപ്പോൾ ആണ് അവൾക്ക് പരിസര ബോധം ഉണ്ടായത്.അടുത്ത വീട്ടിലെ മീനാക്ഷി ആയിരുന്നു അത്.”ഉണ്ട് ചേച്ചി…..വീട്ടിൽ വെള്ളം തീരാറായി അതാ ഇന്ന് രാവിലേ ഇറങ്ങിയത്.ചേച്ചി ഇങ്ങോട്ട് ഇറങ്ങിയപ്പോൾ സമയം എത്ര ആയിരുന്നു.

7:30 ആയെന്ന് തോന്നുന്നു .

അയ്യോ അത്രയും ആയോ .…….

ധൃതിൽ അവൾ സോപ്പ്  തേച്ച് വെള്ളത്തിലേക്ക് ഇറങ്ങി.എതിരെ വന്ന ആളെ അവൾ സൂക്ഷച്ചെന്നു നോക്കി

ഒരു നിമിഷം അവളുടെ മുഖത്ത് ഒരു അമ്പരപ്പ് പടർന്നു.

ഇന്നലെ ബസിൽ കണ്ട ചുള്ളനല്ലെ ഇത്.അവൾ അയാളെ അടിമുടിയൊന്നു നോക്കി.ഒരു ന്യൂ ജനറേഷൻ സിക്സ് പായ്ക്ക് പയ്യൻ.

അപ്പോൾ ആൾ ഇവിടെവിടെയോ ആണ് താമസം. കാത്തു മനസ്സിൽ പറഞ്ഞു.അയാളെ മറികടന്ന് അവൾ വെള്ളത്തിലേക്ക് ഊളിയിട്ടിറങ്ങി. പെട്ടെന്നു തന്നെ അവൾ കുളിച്ചിട്ടു കയറി .അപ്പോഴേക്കും അയാൾ കുളി കഴിഞ്ഞ് പോയിരുന്നു.

ഓടി കിതച്ച് വീട്ടിലേക്ക് കയറി വന്ന കാത്തു മുറിയിൽ കയറി കതകടച്ചു.കൈയിൽ കിട്ടിയ ഒരു ചുരിദറും ഇട്ട് കണ്ണാടിയുടെ മുൻപിൽ നിന്നുള്ള കലാപരിപാടികൾ തുടങ്ങി.സമയം ഉള്ളതുകൊണ്ട് ഇന്ന് ഒന്നൊരുങ്ങിയേക്കാം എന്നവൾ മനസ്സിൽ കരുതി. കൺമഷിയും ഐ ലൈനറും ആ നീല കണ്ണുകൾക്ക് ഭംഗി കൂട്ടി. കല്ലു വച്ച കറുത്ത ഒരു പൊട്ട് ആ മുഖത്തിൻ്റെ തിളക്കം കൂട്ടി. ഒരു ചന്ദനക്കുറിയും ഇട്ട് അവൾ ധൃതിയിൽ ബാഗുമായി റോഡിലേക്കിറങ്ങി.

കഴിക്കുന്നില്ലേ നീ…… സുലേഖ ഉറക്കെ ചോദിച്ചു. മറുപടി പറയാതെ അവൾ പോയി കഴിഞ്ഞിരുന്നു.

ബസ് സ്റ്റോപ്പിൽ എത്തിയപ്പോൾ മുഖം ഒന്നു ചുളിഞ്ഞു. ചുള്ളൻ ദാ.. അവിടെ നിൽക്കുന്നു ഷർട്ട് ഇൻസേർഡ് ചെയ്ത് ഷൂസൊക്കെയിട്ട് ടിപ്പ് ടോപ്പ് ആയി.കൈയിൽ ഒരു ബാഗും ഉണ്ട്.

വന്നു നിന്ന് ഒന്നു ശ്വാസം നേരെ വീണപ്പോഴേക്കും ബസ്സ് വന്നു.ബസ്സിൽ നല്ല തിരക്കുണ്ടായിരുന്നു.ചവിട്ടും ഇടിയും തൊഴിയും ഒക്കെയായി എല്ലാവരും ബസ്സിൽ കയറി.ബാഗുമായി ഒരു കോണിലേക്ക് നീങ്ങി നിന്ന അവളുടെ പിന്നിൽ തന്നെ ചുള്ളൻ വന്നു നിന്നു.

ഒളികണ്ണിട്ട് അവൾ അവനെ ഒന്നു നോക്കി. അവൻ പുറത്തേക്ക് നോക്കി നിൽക്കുകയാണ്.  പരിസരം ശ്രദ്ധിക്കാതെ ഉള്ള അയാളുടെ ആ നിൽപ്പ് അവൾക്ക്  ഇഷ്ടപ്പെട്ടില്ലാ

എന്താ ഒരു ജാഡ…… അവൾ മനസ്സിൽ പറഞ്ഞു.

ബസ്സ് കോളേജ് പടിക്കൽ നിർത്തി കാത്തു ബാഗുമായി ഇറങ്ങി.പിന്നിലെ