മൻസൂർ ???[നൗഫു] 4051

ഹായ് മഞ്ജു.. ഞാൻ സിറാജ്.. ഇവൻ മൻസൂർ..

ഇക്കയെ എനിക്കറിയാം.. പക്ഷെ ഇയാളെ അറിയില്ലാട്ടോ….

ഞാൻ അതിന് ഒരു പുഞ്ചിരി മറുപടി ആയി നൽകി…

സിറാജിക്കയെ കുറിച്ച് അവൾ എപ്പോഴും പറയാറുണ്ട്..

ഹ്മ്മ്… നിങ്ങൾ അവളെ സീരിയസ് ആയിട്ടാണോ ഇക്കാ നോക്കുന്നത്..

പിന്നെ.. ഞാൻ സീരിയസ് ആയിട്ടെല്ലാതെ അവളെ നോക്കുമോ..

എനിക്ക് അത്രക് ഇഷ്ട്ടമാണ് അവളെ..

ഹ്മ്മ്.. ഞാൻ ചോദിച്ചു എന്നെ ഉള്ളൂ..

അവളൊരു പാവം ആണ്.. ഇക്കയാണ് അവളുടെ ലോകം …

അതേ സമയം ncc യുടെ മാഷ് അവിടേക്കു വന്നു..

എന്താ ഇവിടെ.. പഞ്ചാര അടിക്കുന്നുണ്ടോ..

ഹേയ് ഒന്നുമില്ല സാർ എന്നും പറഞ് മഞ്ജു അവിടെ നിന്നും വലിഞ്ഞു..

ടാ.. സിറാജേ..

നേരത്തിനു പോയി ഫുഡ്‌ കയ്ക്കണം….. എല്ലാം തീർന്നിട്ട് അവിടെ ചെല്ലണ്ട..

സ്കൂളിൽ നിന്നും ഫ്രീയായി ഇനി എന്ന് കിട്ടാനാ ഫുഡ്‌ ഓക്കേ…

അങ്ങനെ പറഞ്ഞു സാർ ഞങ്ങളെ കടന്നു പോയി..

മഞ്ജു നിങ്ങൾ ചായ കുടിച്ചോ..

ഇല്ല ഇക്കാ..

എന്നാൽ നിങ്ങൾ ആദ്യം പോയി വരൂ ഞങ്ങൾ നോക്കിക്കോളാമെന്ന് സിറാജ് അവരോട് പറഞ്ഞു..

ടാ നമുക്ക് ആദ്യം പോയാൽ പോരായിരുന്നോ..

ഇനി എപ്പോൾ പോകാനാണ്.. ഞാൻ അവനോട് പറഞ്ഞു….

ടാ..

ഇതൊക്കെ ഒരു ട്രിക് ആണ്.. അവരെ നമ്മൾ നല്ലോണം നോക്കുന്നുണ്ടെന്ന് അവർക്ക് തോന്നണം…

അത് വഴി അവരുടെ മനസ്സിൽ കയറ്റാനുള്ള ട്രിക്..

നീ നോക്കിക്കോ അവർ പെട്ടെന്നു ഫുഡ്‌ കഴിച്ചു വരും.. എന്നിട്ട് നമ്മളോട് പോകുവാൻ പറയും..

ഹ്മ്മ്.. നടന്നത് തന്നെ.. നീ നോക്കി ഇരുന്നോ സിറാജ്..

രാവിലെ ആണെങ്കിൽ ആകെ മൂന്നു ചപ്പാത്തി തിന്ന് പോന്നതാണ്..

വയറാണെകിൽ കത്തുന്നുണ്ട്..