ഹോസ്പിറ്റലിൽ തണുത്ത ആ കൈ സ്പർഷമേറ്റാണ് ഞാൻ കണ്ണു തുറന്നത്.  അതെ അവൾ തന്നെ, പാർവ്വതി. ഒരുതരം വെറുപ്പായിരുന്നു എനിക്കവൾ എന്നെ തൊട്ട നിമിഷം മുഴുവൻ, ഒരു വല്ലാത്ത അവസ്ഥ. അവളുടെ സാന്നിധ്യം പോലും ഞാൻ വെറുക്കുന്നു.ഞാൻ ശിവ, ഇന്നെൻ്റെ കല്യാണമായിരുന്നു. ഞാൻ ഇഷ്ടപ്പെടാതെ നടന്ന വിവാഹം. എതിർക്കാൻ കഴിയാത്ത വിതം എന്നെ ചതിച്ചു വിവാഹം കഴിച്ചു അവൾ , പാർവ്വതി. ആ ദേഷ്യവും മനസിൽ വെച്ച് വൈകുന്നേരം കാറുമെടുത്തു ഇറങ്ങിയതാണ്, ലക്ഷ്യബോധമില്ലാതെ കുറേ…. ദൂരം സഞ്ചരിച്ചു, മനസിൻ്റെ സമനില വിട്ടപ്പോ … ഒരു കൊച്ച് ആക്സിഡൻ്റ്. വലതുകാൽ എല്ല് പൊട്ടിയിട്ടുണ്ട്, പിന്നെ ,വലതു കൈ രണ്ടു വിരലും. കൂടാതെ അവിടവിടെയായി, ചെറിയ മുറിവും ചതവും.

ഞാൻ ഏറെ വെറുക്കുന്ന, ഒരാൾ അവളാണ് എൻ്റെ ഭാര്യ. ഒരു കാലത്ത് എൻ്റെ എല്ലാം ആയിരുന്നു അവൾ, പാർവ്വതി ശിവ. പ്രണയിച്ച പെണ്ണിനെ കെട്ടാൻ മോഹിക്കാത്ത ഒരാൾ ഉണ്ടെങ്കിൽ അതു ഞാനാണ് ,ഞാൻ മാത്രം.

പക്ഷെ ജയിച്ചത് അവളാണെന്നു മാത്രം.

ശിവാ…… ഈ കഴുത്തിൽ നീ താലി കെട്ടും, നിന്നെ കൊണ്ട് ഞാൻ കെട്ടിക്കും നോക്കിക്കോ….?

അന്നവൾ പറഞ്ഞ വാക്കുകൾ ഇന്നും എൻ്റെ ഓർമ്മയിൽ മായാതെ കിടക്കുന്നു. അവൾ കരയുകയാണ്, ആ കണ്ണുനീർ കാണാൻ എനിക്കും കഴിയില്ല എന്നതാണ് സത്യം . പക്ഷെ അവൾ എന്നോട് സംസാരിക്കുന്നതും എന്നെ തൊടുന്നതും എനിക്കു  വെറുപ്പാണ്.

ജീവിതത്തിൽ ഒരുത്തി മാത്രമേ… ഈ ചങ്കിൽ കയറിയിട്ടൊള്ളു. പക്ഷെ അവളെ മാത്രമേ.. ഞാൻ വെറുക്കുന്നൊള്ളു. പക്ഷെ എന്തിന് അവൾ ഇതൊക്കെ ചെയ്തു , അതിന്നും എനിക്കു മനസിലാവുന്നില്ല. ഇന്ന് ഞാൻ താലി ചാർത്തുമ്പോഴും അവൾ സന്തുഷ്ടയാണ്. അപ്പോ വിവാഹം അതാണവൾ ആഗ്രഹിച്ചതെങ്കിൽ ഇതൊക്കെ എന്തിനായിരുന്നു.

കണ്ണടച്ചു ഞാൻ കിടന്നു. അവൾ പാറു പതിയെ നെറുകയിൽ ഇപ്പോഴും തഴുകുന്നുണ്ട്. വെറുപ്പുണ്ടെങ്കിലും ഇപ്പോ കാണിക്കാൻ കഴിയാത്ത അവസ്ഥയാണ്. കാരണം അച്ഛനും അമ്മയും ഇവിടെ തന്നെ ഉണ്ട്. അവർക്കു മുന്നിൽ എന്നെ ഒന്നിനും കൊള്ളാത്തവനാക്കിയതും അവൾ തന്നെ.

അവളുടെ ഏങ്ങലടി കേൾക്കാം ഒപ്പം അമ്മയുടെയും . എന്താ എന്നറിയില്ല. ഒരിക്കൽ ഹൃദയം മുഴുവൻ നിറഞ്ഞിരുന്നവൾ ആയതു കൊണ്ടാവാം, ഇപ്പോഴും അവളുടെ കണ്ണുനീർ എനിക്കു വേദന നൽകുന്നത്. എൻ്റെ ചിന്തകൾ പതിയെ ആ പഴയ കാലത്തേക്ക് പോയി.

രാവിലെ തന്നെ ചന്തിക്ക് അമ്മയുടെ കയ്യിൽ നിന്നും അടി വാങ്ങിയാണ് ഉണർന്നത്, ഉറക്കമുണർന്നപ്പോയെ ഞാൻ ചിന്തിച്ചു, തല്ലു വാങ്ങി കൊണ്ടാണ് തുടക്കം, ഇന്നത്തെ ദിവസം കൊളളാം.

പോയി കുളിക്കാൻ നേക്കെടാ… നേരമെത്രയായി….

ഇന്ന് എനി കുളിക്കണോ… ഏയ് വേണ്ട..

ടാ…. നിന്നോടാ… പറഞ്ഞേ…

ഇന്നൊരു മൂടില്ല അമ്മേ….

ഇന്നൊരു നല്ല ദിവസമല്ലേടാ… ഒന്നു കുളിക്കെടാ… നാറി

ഉം… എന്നാ.. അങ്ങനാട്ടെ,