Love & War [പ്രണയരാജ] 364

ഈശ്വരാ… ഇങ്ങനൊന്ന് ഈ വയറ്റിൽ തന്നെ വന്നു പിറന്നല്ലോ….

അയ്യോ… ഞാൻ വന്നതു തന്നെ ഭാഗ്യം, വല്ല അമ്പാനിയും വന്നു പിറക്കുമെന്ന് വിചാരിച്ചിരുന്നോ ചുന്ദരി….

ഒന്നു പോടാ…. പോയി കുളിക്കാൻ ,

ദേ… ശിവാ… എൻ്റെന്ന്  കിട്ടുവേ….

വേണ്ട, ഹെയ്, വേണ്ടന്നേ… ഞാൻ പോവല്ലേ…

അങ്ങനെ ഞാൻ കുളിക്കാൻ കയറി. എനി എന്നെ കുറിച്ച് പറയാം, ഞാൻ ശിവ, എല്ലാം കളിയായ് എടുക്കുന്ന പ്രകൃതം. പക്ഷെ ദേഷ്യം വന്നാൽ, അതു ഞാൻ പറയുന്നില്ല. കുറച്ചു മുന്നെ കണ്ട കക്ഷിയിലെ അത് എൻ്റെ അമ്മയായിട്ട് വരും, പക്ഷെ അതെൻ്റെ ഗേൾഫ്രണ്ട് ആണ് .

അമ്മേ എന്നു വിളിക്കുന്നതിലും കൂടുതൽ മുത്തേ ,ചുന്ദരി, ചക്കരേ എന്നൊക്കെയാ… ഞാൻ വിളിക്കുന്നെ, ഞങ്ങൾ ശരിക്കും ബെസ്റ്റ് ഫ്രണ്ടാണ്. രാധ അതാണ് എൻ്റെ ഗേൾ ഫ്രെണ്ടിൻ്റെ പേര്, ആള് കാണാൻ സുന്ദരിയാണ്. പിന്നെ എൻ്റെ ഒലിപ്പിക്കൽ ഡയലോഗില് പെട്ടെന്നു വീഴും അതു കൊണ്ട് തന്നെ എൻ്റെ മിനി ബാങ്ക് കൂടിയാണ്.

കുളിച്ചിറങ്ങി , ഡ്രസ്സ് മാറി താഴെ ചെന്നതും ഫുണ്ട് റെഡിയാക്കി വെച്ചിട്ടുണ്ട്, ഞാൻ നോക്കിയപ്പോ പുട്ടും കടലയും.

രാധൂ… മോളെ രാധൂ….

എന്താടാ… ചെക്കാ…

ഇന്നും പുട്ടാണോ…..

ഇന്നലെ നീ  തിന്നത് പുട്ടാണോടാ… ചപ്പാത്തിയല്ലെ

അപ്പോ അതിനു മുന്നത്തെ ദിവസമോ

ആ അത് പുട്ടും ഇറച്ചിക്കറിയുമല്ലായിരുന്നോ

അതാ ഞാനും ചോദിച്ചെ, ഇന്നു വല്ല വെള്ളപ്പമോ… പത്തിരിയോ, നൂലപ്പമോ… ഉണ്ടാക്കിക്കൂടെ

അങ്ങനെ നിൻ്റെ ഇഷ്ടത്തിന് തിന്നാനാണെ, ഒന്നിനെ കെട്ടിക്കൊണ്ട് വന്ന് അവളോട് വെച്ചു വിളമ്പി തരാൻ പറ

അമ്മ ഇങ്ങനൊക്കെ പറയുമ്പോ….. ഞാൻ റെഡി

എന്താ…. കേട്ടില്ല

അല്ല അമ്മ ഇങ്ങനെ നിർബദ്ധിക്കുവാണേ…

എങ്ങനെ, ആര് നിർബദ്ധിച്ചു

അമ്മയല്ലെ ഇപ്പോ പറഞ്ഞേ…

എൻ്റെ ദേവി, കെട്ടു കാര്യം പറഞ്ഞപ്പോ എന്നെ അമ്മേന്നു വിളിച്ചല്ലോ നീ….

അപ്പോ എപ്പോഴാ… പോണെ ചക്കരെ

എവിടെ,

പെണ്ണു കാണാൻ.

അയ്യടാ മൊട്ടേന്നു വിരിഞ്ഞിട്ടില്ല, അപ്പോഴേക്കും അവൻ്റെ പുതി

ദേ… രാധൂ… വേണ്ട

ആദ്യം ഡ്രിഗ്രി കംപ്ലീറ്റ് ആക്കാൻ നോക്ക്

അയ്യോ അപ്പോ മൂന്ന് കൊല്ലം കഴിയില്ലെ

അല്ല അഞ്ച് കൊല്ലം