?ദൈവം? [M.N. കാർത്തികേയൻ] 340

“മോൾ ഇനി എങ്ങോട്ട് പോവും”

“അറിയില്ല”..

“എങ്കിൽ വാ..”

“എങ്ങോട്ട്”

“താൻ വാ”

അവളെയും വിളിച്ചു ഞാനെന്റെ വീട്ടിലേക് പോയി. അമ്മയുടെ അസ്ഥിതറയിൽ അവളെ വിളിച്ചോണ്ട് പോയി ഞാൻ പറഞ്ഞു.

“അമ്മേ ഇവൾ ശ്രീക്കുട്ടി. അമ്മക്ക് എനിക്കൊരു മകളും കുടുംബവും വേണം എന്ന് ആഗ്രഹം ഇല്ലായിരുന്നോ. ഇന്ന് മുതൽ ഇവൾ എന്റെ മകൾ. നമ്മുടെ കുടുംബം.”

ഞാനവളെ നോക്കി പറഞ്ഞു.

“നീ പഠിക്കേണ്ട പ്രായം ആണിത്. ജോലി ഒന്നും ചെയ്യണ്ട. ഇന്ന് മുതൽ നീ എന്റെ മോളാണ്. പോയി നല്ലപ്പോലെ കുളിച്ചു വാ. നമുക്ക് ഡ്രെസ്സ് ഒക്കെ എടുക്കാൻ പോണം”

അവൾ എന്നെ നിറകണ്ണുകളോടെ നോക്കി. ഞാനവളെ വീട്ടിലേക്ക് കയറ്റി. അവൾ കൂടി വന്നതോടെ ഞാനും ഉഷാർ ആയി. അവളെ പഠിപ്പിക്കണം എന്നു ആഗ്രഹിച്ചു. പെങ്ങൾമാരെ ഒക്കെ പറഞ്ഞു സമ്മതിപ്പിച്ചു. അവർക്കും അവൾ ഇപ്പൊ മകളെ പോലെയാണ് ഏറ്റവും പ്രധാനം ഞാൻ വീണ്ടും സമ്പാദിക്കാൻ തുടങ്ങി. ബാങ്ക് ബാലൻസ് ഒക്കെ വെച്ചു നാട്ടിൽ ഒരു ബിസിനസ് തുടങ്ങി. ഇപ്പൊ നന്നായി പോകുന്നു.

“മോനെ രാഹുലെ. നീ ശെരിക്കും ദൈവത്തെ കണ്ടിട്ടുണ്ടോ”

“ഇല്ല അമ്മേ”

“എന്നാൽ കണ്ടോ അത് നീ തന്നെയാണ്.മറ്റുള്ളവർക്ക് വേണ്ടി നല്ലത് ചെയ്യുന്ന ഓരോരുത്തരും ദൈവങ്ങൾ ആണ്. ശ്രീകുട്ടിയുടെ ദൈവം നീയാണ്. ആരാധനലയത്തിൽ വെച്ചു പൂജിക്കുന്ന ദൈവങ്ങളെക്കാൾ നിന്നെപോലെയുള്ള ദൈവങ്ങൾ നാടിനു വേണം. അപ്പൊ ഇവിടം സ്വർഗ്ഗമാവും”

ഞാൻ ഉറക്കത്തിൽ നിന്നും ഞെട്ടി ഉണർന്നു. ‘അമ്മ പറഞ്ഞത് ശെരിയാണ്. ശ്രീക്കുട്ടി എന്റെ അടുത്തു തന്നെയുണ്ട്. പാവം നല്ലോണം ഉറങ്ങുവാ. അവൾ എനിക്ക് മകൾ മാത്രമല്ല എന്നെ ഒരു വലിയ പാഠം പഠിപ്പിച്ച അധ്യാപിക കൂടിയാണ്.

“ദൈവതിനെന്തിനാ പൈസ എന്ന അവളുടെ ചോദ്യം ആണ് എന്നെയും ദൈവം ആക്കിയത്”

“ആരുമില്ലാത്ത അശരണർക്ക് അല്ലെ പൈസയുടെ ആവശ്യം. അവർക്ക് പൈസ കൊടുക്കാൻ ആരും തയ്യാറാവില്ല. മനുഷ്യൻ ഉള്ള കാലത്തോളവും ഈ കൈക്കൂലി കൊടുക്കൽ ആവർത്തിക്കും. മനുഷ്യൻ ഒരു പ്രത്യേക ജീവി തന്നെ.

ഞാൻ വീണ്ടും ആ ചോദ്യം മനസ്സിൽ ചോദിച്ചു.

“ദൈവതിനെന്തിനാ പൈസ…..” ആവോ മനുഷ്യൻ ജീവിച്ചിരിക്കുന്ന കാലത്തോളം ഈ ചോദ്യത്തിന് ഉത്തരമില്ല.

https://youtu.be/1ABrdY5xITo

അയാൾ ദൈവമായി മുന്നോട്ട് പോകട്ടെ.നമ്മളും ആർക്കെങ്കിലും ദൈവം ആകട്ടെ.

(ശുഭം……………………).